¹ Noho zany, rahalahy masigny, nandrasa ny antson'ny langitry areo. Diniho ny momban'i Jesôsy, ny apostoly ndraiky mpisoronabe zay kehintsika. ² Izy dia nahatoky Zagnahary, zay nagniraka Azy, hotra Mosesy zay nahatoky tao antragnon-Jagnahary faogna koa. ³ Fao Jesôsy afa niraisigny magnaiva ny voagninahitry lehibe noho Mosesy, satria zay magnorigny tragno no taigna manan-kaja ohoarigny amin'ny lehy tragno. ⁴ Fao ny tragno jiaby zay nahorigny dia nisy ôlogno nagnorigny, fao ny araiky zay nagnorigny raha jiaby dia Zagnahary. ⁵ Amin'ny lafiny araiky, Mosesy dia natokisagna karaha mpanompo tao atn-tragnon-Jagnahary araiky manontolo. Izy no antomoa mahakasiky reo raha zay tôkony afa nikoragnigny amin'ny hoavy. ⁶ Fao Kristy no Zanaka bariky dintany ny tragnon-Jagnahary. Atsika no tragnony raha aohatra kay mitagna mafy ny angôvom-pô ndraiky ny fahatokisantsika atsika. ⁷ Noho zany, zany dia hotran'ny koragnin'ny Fagnahy Masigny magnanjao: ''Amizeo, raha mitandregny feonazy areo ⁸ dia aza magnamafy fônareo hotra ny tamin'ny fikomiagna, tamin'ny fotoagnan'ny fitsapagna agny antany maty. ⁹ Karaha zany ny razambenareo koafa nikomy tamin'ny alalan'ny fitsapagna Zaho, ary koafa, nandritry ny aifapôlo taogno, dia hitan-jareo ny asanaha. ¹⁰ Noho zany dia tsy ravoravo Zaho amin'io taminga io. ¹¹ Hoizy izy Zaho: 'Zareo dia voatariky lalandava akagny amin'ny lalan-diso ao am-pônazy. Tsy nahay lalagnanaha zareo. Hotra zany no nifantako tamin'ny fahavignirako nagnanjao: 'Tsy hiditry ao amin'ny fitsaharako velively zareo."' ¹² Mitandraima, rahalahy, biaka tsy hoisy na araiky aminareo aza hanagna fô ratsin'ny tsy finoagna, fao zay miala amin-Jagnahary velogno. ¹³ Fao ndraiky, mifampahereza isan'andro, raha mbôla misy ny antsôvigny hoe: "Niany," mbô tsy hoisy aminareo ho mafy fô amin'ny alalan'ny vandy ny fahotagna. ¹⁴ Fao atsika dia tonga mpiara-miasa amin'i Kristy raha aohatra kay mitagna mafy ny fahatokisantsika Azy hatragny amboalaohany kay zisiky amin'ny fiafaragna: ¹⁵ Fao ny mahakasiky zany dia afa nivolagniky nagnanjao: "Zeo, Raha mitanregny feonazy areo, dia aza magnamafy ny fonareo hotra ny amin'ny fikomiagna." ¹⁶ Zôvy zay afa naharegny Zagnahary kay nikomy? Fao tsy reo jiaby zay niboaka avy tagny Egypta tamin'ny alalan'i Mosesy moa zany? ¹⁷ Zôvy no nahavingitry azy nandritra ny aifa-pôlo tagno? Tsy reo zay nanota moa, zay lavo tagny antanaty maty ny fatin-jareo? ¹⁸ Ho nihinjôvy no nifantany fao tsy hiditry ao amni'ny fitsaharagna zareo, raha tsy hoanjareo zay tsy nankatô Azy? ¹⁹ Hitantsika fao tsy afaka niditry tao amin'ny fitsaharany zareo nohon'ny tsy finoagna.