¹ Aoka hitôhy ny fitiavagna ara-pirahilahiagna. ² Aza magnadigno mifampiantragno reo vahiny. Fao tamin'ny alalan'ny zany no nanehoan'ny sasany fampiantranoagna reo anjely naifa tsy hainy zany. ³ Tsarovy reo voagadra, hotra ny niara-nifehy taminjareo areo. Tsarovy reo zay nampahorigny, hotra ny hoe zareo faogna koa areo amin'ny vatagna. ⁴ Aoka ho hajain'ny tsiaraikiaraiky ny fanambadiagna. Aoka ny fandriagn'ny fanambadiana mbô hadio, fao Zagnahary dia hitsara reo mpangala-badin'ôlogno ndraiky reo mpijangajanga. ⁵ Ambilao ny fitondrantaignanareo ho afaka amin'ny fitiavam-bola. Mifalia amin'ny reo raha zay anagnanareo, satria Zagnahary haigniny dia nivaolagna nagnanjao: "Zaho dia tsy hiala areo velively, na hahafoy areo." ⁶ Aleo atsika ho ravo mbô ho mahasaiky hivaolagna magnanjao: "Ny Tompo no Mpamonjinaha; kay tsy hatahotro zaho. Ino no azon'ny ôlogno atao aminaha?" ⁷ Diniho reo mpitariky areo, reo zay minainagna ny vaolagna Zagnahary taminareo, avakeo dinoh ny vokatrin'ny fihetsikin-jareo. Alay tahaka ny finoagnanjareo. ⁸ Jesôsy Kristy dia tsy miova nomoaly, ndraiky niany aveo bariky dintany. ⁹ Aza magneky tahômigny amin'ny reo karazagna fampianaragna hafahafa. Fao tsara raha tôkony hamafisigny amin'ny fahasoavagna ny fô, fao tsy amin'ny hanigny zay tsy magnampy reo zay mandaiha miaraka aminjareo. ¹⁰ Atsika dia managna alitara zay tsy anagnan-jareo zay manompo ny taberinakely fahefagna hihinagna. ¹¹ Fao ny lin'ny reo biby nivonogno atao fagnatitry ho nihin'ny ota dia nindesin'ny mpisorognobe tao amin'ny toeragna masigny nandritran'ny zany ny haigninjareo dia niroagna tagny ambailan'ny toby. ¹² Noho zany Jesôsy faogna koa nijaly tagny ambailan'ny vavahadin'ny tanàgna, mbô hamasinigny reo vahoaka amin'ny alalan'ny liny manaokagna. ¹³ Andaiha atsika noho zany ho agny Aminazy agny ambailany toby, hinday ny fahafahambarakanazy. ¹⁴ Fao tsy managna tanàgna maharitry atsika atoy. Fao naifa, miambigny lehy araiky zay hoavy atsika. ¹⁵ Amin'ny alalany, aveo, dia niala atsika hanôlotro reo fagnati-pideragna ho amin-Jagnahary hatragny, fideragna vokatry ny môlotro zay magneky ny agnarany. ¹⁶ Aleo tsy adignontsika ny magnano tsara ndraiky magnampy ny tsiaraikiaraiky aby, fao amin'ny fagnatitry hotra zany no taigna maharavoravo Zagnahary. ¹⁷ Mankatoava ndraiky magnikaiha reo mpitariky areo, fao zareo no miaro ny fagnahinareo, hotra reo zay hagnano tatitry. Mankatoava mbô hagnano zany am-piravoagna reo mpitondra areo, fao tsy am-pisentoagna, zay manjary tsisy dikany aminareo. ¹⁸ Mivavaha zahay, fao zahay dia nino fao managna feon'ny fieritrairaitagna madio aveo magniry hiaigny am-pahamarignagna ny raha jiaby. ¹⁹ Mandrisiky areo mafimafy aby zaho mbô hagnano zany, kay mbô himpôdy malaky aminareo zaho. ²⁰ Ary lehy Zagnahary ny fiadanagna, zay nagnatsangagna tamin'ny maty lehy mpiambigny ondry lehibe, ny Tompontsika Jesôsy, tamin'ny alalan'ny lin'ny fagnikiagna bariky dintany, ²¹ dia hagnatsara areo amin'ny asa tsara jiaby mbô hanaovagna ny sitrapoôny. Izy hiasa akao agnatintsika, amin'ny alalan'i Jesôsy Kristy, zay hamiagna vogninahitry bariky dintany. Amena. ²² Ary mankahery areo zaho, rahalahy, mbô hizaka ny vaolagnan'ny fampaheraizagna zay nisoroatako fohy ho aminareo. ²³ Haiko fao afa nafahagna Timoty rahalahintsika, zay hiaraka aminaha hizaha areo raha tonga alaoha izy. ²⁴ Atôvy veloma reo mpitariky areo jiaby ndraiky reo mpino jiaby. Reo zay avy akagny Italia dia magnano veloma areo. ²⁵ Ho aminareo jiaby ny fahasoavagna.