⁹ Satria reo Patriarika dia nalaigny Josefa, kay navidin-jareo tagny Egypta izy; Fao Zagnahary niaraka taminazy ¹⁰ aveo namonjy azy tamin'ny reo ôlony jiaby. I Josefa namaizany fankasitrahagna ndraiky fahindriagna teo agnatraihan'i Farao, mpanjakany Egypta, zay nampidôko azy ho governora manapaka Egypta ndraiky agnambony reo fanagnany jiaby. ¹¹ Ary havy ny silagno nagnairagna Egypta ndraiky Kanana, aveo fijaliagna gaida, ary reo razantsika dia tsy nahita hanigny. ¹² Fao koafa nahiregny Jakoba fao nisy vary tao Egypta, nandaifa reo razantsika tamin'ny dian-jareo voalaohany izy. ¹³ Tamin'ny dian-jareo faharoa Josefa nagnambara haigniny tamin'ny reo rahalahiny, ary ny fianakaviagnan'i Josefa dia nanjary hain'i Farao. ¹⁷ Koafa narikitry ny fotoagnan'ny lehy fampanantenagna, lehy fampanantenagna zay nitsabon-Jagnahary tamin'i Abrahama, dia nahay maro ndraiky nisôsoko ny ôlogno tao Egypta, ¹⁸ mandra-pitsanganan'ny mpanjaka hafa tao Egypta, mpanjaka zay tsy nahay ny mahakasiky Josefa. ¹⁹ Io mpanjaka io faogna no namitaka ny vahoakantsika ndraiky nampijaly reo razantsika, zareo dia nanery razantsika tsy hagneky reo zanany ambava loza mbô tsy ho levogno. ²⁶ Ny andro magnaraka dia tonga tao amin'ny reo Isaelita sasany izy koa zareo niady; nagnandragna nampitony ny tsiaraikiaraiky avy izy, nivaolagna nagnanjao: "Oa lalahy, areo dia mpirahalahy, magnino areo miady?" ²⁷ Fao ny araiky zay nagnano tsy nanjary tamin'ny namany nanosiky azy, aveo nivaolagna nagnanjao: "Zôvy no nanendry anao ho mpanapaka ndraiky hitsara zahay? ²⁸ Tianao moa ny hamono zaho, karaha ny namonoanao reo Egyptianina lomoaligny?" ²⁹ Niala Mosesy koafa naharegny zany; nanjary vahiny izy tao amin'ny tanin'ny Miadiana, zay nitirahany ny zanany aroa lahy. ³⁰ Koafa nandilatra aifapôlo tagno, nisy anjely araiky niboaka taminazy tagny antanimaty tegny amin'ny tanety Sinay, teo amin'ny lailamôtron'ny lehy voaroy nirehitra. ³¹ Koafa hitan'i Mosesy lehy môtro, sondriagna izy tamin'ny lehy fahitagna; ary koafa nagnatogno izy kay nizaha lehy izy, tô avy akagny nisy feon'ny Tompo nivaolagna nagnanjao: ³² "Zaho no Zagnaharin'ny reo razagnao, Zagnaharin'i Abrahama, ndraiky Isaka, aveo Jakoba.'' Nangitakitaka Mosesy aveo tsy nahasaky nizaha. ³³ Ny Tompo nivaolagna taminazy: "Alào ny kapa egny amin'ny hongotroa, fao io toairagna zay hitsangnana io tany masigny. ³⁴ Afa hitako tatôbe ny fijalian'ny vahoaka zay akao Egypta, regniky ny fitaraignan-jareo, aveo afa nijôtso nagnavotro zareo Zaho; koa zeo alaifako akagny Egypta anao." ³⁵ Io lehy Mosesy zay tsy nikehinjareo, koafa nivaolagna zare nagnanjao: "Zôvy no nagniraka anao ho mpanapaka ndraiky ho mpitsara?" Izy lehy taokagna zay nalaifan-Jagnahary sady ho mpanapaka aveo mpagnavotro. Zagnahary nagnandaifa azy tamin'ny alalan'i lehy anjely zay niboaka tamin'i Mosesy tegny amin'ny voaroy. ³⁶ Nitariky zareo hiala tao Egypta i Mosesy, koafa avy nagnano fahagagagna ndraiky famantaragna tao Egypta ndraiky tegny amin'ny ranomasigny maina, ary tagny antanimaty nandritry ny aifa-pôlo tagno. ³⁷ Io faogna lehy Mosesy zay nivaolagna tamin'ny vahoakan'Israely nagnanjao: "Zagnahary hanangagna mpagnazary ho nihinareo akeo amin'ny rahalahinareo, mpagnazary tôrotro zaho."' ³⁸ Izy lehy lalahy zay tam-piangonagna tao agnefitry niaraka tamin'ny lehy anjely zay nivaolagna taminazy tagny amin'ny tanetin'i Sinay. Izy lehy lalahy niaraka tamin'ny reo razantsika; izy lehy lalahy zay nalaka ny vaolagna velogno rasaigny hoantsika. ³⁹ Izy lehy lalahy zay tsy nankatoavin'ny reo razantsika; natosiky n-jareo lavitry zareo izy, aveo akagny ampônjareo dia nimpôdy tagny Egypta zareo. ⁴⁰ Tamin' io fotoagna io nivaolagna tamin'ny Arona zareo nagnanjao: "Tsaboano Zagnahary zahay hitariky zahay, karaha Mosesy, zay nitariky atsika hiboaka akagny Egypta, tsy haintsika zay nahavoa azy.'' ⁴¹ Ary nagnano aomby hely zareo tamin'ny zany andro zany aveo ninday fagnatitry teo amin'ny lehy sampy, ary niravo tamin'ny asan-tagnany zareo. ⁴² Nitodiky Zagnahary avakeo nagnambaila zareo mbô ho fideragna reo lakintagna egny an-dangitry, araka ny voasaoratra tao amin'ny bokin'ny mpagnazary: "Areo moa nanôlotro zaho biby maty ndraiky fagnatitry nandritran'ny aifapôlo tagno tao antany maty, tragnon'Israely? ⁴³ Nikehinareo ny tabernakelin'i Moloka ndraiky ny lakitan-Janahary Refana, ndraiky reo sary zay natanareo hideragna azy, aveo zaho nitondra areo akagny hafan'ny Babylona." ⁴⁷ Fao Solomona no nagnamboatra tragno ho nihin-Jagnahary. ⁴⁸ Na zany aby, ny taigna Agnambo dia tsy nibidôko tao amin'ny tragno vita tamin'ny tagnagna, araka ny nikoragnin'ny mpagnazary: ⁴⁹ "Ny langitry no dabilio fiandriagnako, avakeo ny tany no fidaohan-kongotro. Tragno karaha ino no afaka hamboarinao ho nihinaha? Hoizy ny Tompo, na toairagna karaha ino no hitsaharako? ⁵⁰ Tsy tagna naha moa nitsabo reo raha jiaby reo? ⁵⁴ Ary koafa naharegny reo raha reo ny mpiômbogno akao amin'ny filan-kevitry, tôhigny ny fôn-jareo, aveo nihidy vazagna zareo tamin'ny Stefana. ⁵⁵ Fao izy, zay feno Fagnahy Masigny, nizaha tsara ny langitry ary nahita ny vogninahitry Zagnahary, ary nahita Jesôsy nitsangagna teo an-kaherin-Jagnahary. ⁵⁶ Stefana nivaolagna nagnajao: "Zahavo, hitako misaokatra reo langitry, aveo ny Zanak'ôlogno mitsangagna eo ankaherin-Jagnahary." ⁵⁷ Teo amin'ny zany dia nibadan-jareo mpiômbogno ao amin'ny filan-kevitry ny sôfigny n-jareo, avakeo nangaiky nakatra tamin'ny feo agnambo, nilomoay zareo nagnegny aminazy. ⁵⁸ Nitaritin-jareo ambailan'ny Tanàgna izy ary nanomboko nanopy vato azy zareo, ary reo antomoa dia nagnambaila ny lambany teo amin'ny hongony lehy zaza lalahy antsôvigny Saoly.