¹ Izaho soja be mamangy Galo tiagna, lehy tiako amin'ny fahamarinagna. ² Ry tiagna, mivavaka zaho mbô hambinigny amin'ny raha jiaby anao ave ho salama, karaha ny hanambinagna fagnahinao. ³ Fao taigna niravo tatô be zaho taminy nisy rahalahy avy ave nitsangagna ho antomo tamin'ny fahamarignanao, karaha ny andihananao amin'ny marigny. ⁴ Tsy managna haravoagna goalahy noho tô zaho, dia ny maharegny fao mandaiha amin'ny fahamarinagna ireo zanako. ⁵ Ry tiagna, magnano asa mahatoky anao na amin'ny ino na amin'ny ino asa tsabonao ho amin'ny reo rahalahy ndraiky reo vahiny, ⁶ zay nitsangagna ho vavolombelogno ny fitiavanao t'agnatraihan'ny fiangonagna. Tsara no natanao raha alaifanao mandaiha amin'ny fomba mendriky Zagnahary zare, ⁷ satria nohon'ny agnaragna no nialany, tsy nitondra na ino na ino avy tamin'ny reo jentilisa. ⁸ Noho zany, atsika dia tôkony handray karaha zany, mbô ho mpiara-miasa amin'ny fahamarinagna atsika. ⁹ Nanaoratra raha tamin'ny fiangonagna zaho, kanaifa Diotrefa, lehy te-ho laohany aminare, dia tsy nandray zahay. ¹⁰ Noho zany, raha avy zaho, dia hotsaroako reo asa zay nitsabony, ny fomba nagnambarany raha mahatsiravigny manohitry zahay miaraka amin'ny vaolagna ratsy. Tsy afa-pô tamin'ny reo asa, dia tsy nandray reo rahalahy izy. Nandrara reo zay te-hagnano karaha zany izy avake nandroaka zare hiboaka fiangonagna. ¹¹ Ry tiagna, aza mangalatahaka zay ratsy fao zay tsara. Lehy araiky zay magnano tsara dia nihin-Jagnahary; lehy araiky zay mitsabo ratsy dia tsy nahita Zagnahary. ¹² Ny Jiaby ndraiky ny fahamarinagna dia antomoa magnambara Dimetrio. Zahay faogna koa dia mitsangagna antomo, ave hainao fao marigny ny fagnambaranay. ¹³ Nanagna raha maro ho soroatagna aminare zaho, fao tsy magniry hanaoratra reo aminare amin'ny stilô ndraiky ranomainty zaho. ¹⁴ Kanaifa zaho magnantaigna hahita are tsy ho aila, ave hikoragna mifagnatriky atsika. ¹⁵ Ho aminare ny fiadanagna. Magnano viloma anao reo sakaiza atoy. Viloma agny amin'ny reo sakaiza tsiaraikiaraiky araka ny agnarany avy.