¹ Niditry tagny amin'ny sambohely i Jesosy, niampita, aviô navy tagny amin'ny tanàgnanany. ² Igny, fa nisy lelahy mararin'ny paralysisa nandry tiô amin'ny fandriagna nandesin'ndrô taminany. Izikoa fa nahita finoagnan'ndrô, kay nambaran'i Jesosy tamin'ny lelahy araiky mararin'ny paralisisa hoe: "Zanako, aoka anao hifaly. Efa avoavela helokonao." ³ Igny, fa ny sasany tamin'ndrô mpanora-dalàgna nagnano anakampo hoe: "Mivôlagna ratsy iô lelahy iô." ⁴ Hain'i Jesosy eritreritrin'drô aviô nivôlagna hoe: "Nagnino anarô mieritreritry ratsy ao am-ponarô? ⁵ Fa azôvy taigna moramora mivôlagna izy hoe: 'Voavela helokonao,' sa mivôlagna hoe: 'Mitsangàna kay mandihana'? ⁶ Fa mba ho hainarô fa ny Zanak'olôgno managna fahefagna hamela heloko eto ambonin'ny tany,..." Izy nagnambara tamin'lay mararin'ny paralisisa: "Mitsangana, hidrona fandragnanao, avio mandihana agny an-tragnonao." ⁷ Aviô nitsangana lelahy iô aviô nandaiha tà tragnonany. ⁸ Izikoa fa nahita izegny irô vahoaka iô, gaga irô aviô nidera dRagnahary, zay nagnamia fahefagna karaha izegny hoan'olo. ⁹ Aviô izikoa niala tiô i Jesosy, kay nahita lelahy nikaiagna hoe Matio Izy, zay nipetreka tamin'ny lain'ny famoriagna hetra. Izy nivolagna taminany hoe: "Magnaraha zaha." Nitsangana izy nagnaraka Izy. ¹⁰ Aviô izikoa fa nipaitraka hihinagna tà tragno Jesosy, igny fa mpamory hetra ndraiky olo mpanota maro navy aviô niaraka nihinagna tamin'i jesosy ndraiky irô mpianatranany. ¹¹ Izikoa fa nahita izegny irô fariseo, nivolagna tamin'ndrô mpianatranany irô nagnano hoe: "Nagnino mpampianatranaro miaraka mihinigna amin'ny mpamory hetra ndraiky olo mpanota?" ¹² Izikoa fa naregny izegny i Jesosy, nivolagna Izy nagnano hoe: "Ny olo matanjaka ara-batagna tsy mila mpitsabo, fa irô zay marary fo. ¹³ Tokony mandaiha mianatra anarô midika hoe: 'Famindram-po iriako fa tsy sôrôgno.' Fa navy zaha, tsy hikaiky irô marigny hibaibaka, fa irô mpanota." ¹⁴ Aviô navy tiô nagnantogno irô mpianatran'i Jaona kay nivolagna nagnano hoe: "Nagnino zahay ndraiky irô Fariseo mifady hanigny matetika, fa irô mpianatranao fo tsy mifady ? ¹⁵ Nambaran'i Jesosy tamin'ndro: "Mety malahelo mba irô havan'ny mpampakatra, izikoa mbola miaraka amin'ndrô ny mpampakatra? Fa hoavy andra angalan'ny mpampakatra amin'ndro, kay amin'izegny irô vao hifady hanigny. ¹⁶ Tsary nisy olo magnampigny akanjo tonta amin'ny tapaka lamba vaovao, fa tampigny handrovitry lamba, aviô hisy triatra ratsy lavitra. ¹⁷ Tsary misy olo magnisy divay vaovao agnatiny siny hoditra tonta. Izikoa magnano izegny irô, kay ho triatra ny siny hoditra, ho raraka ny divay aviô ho potika ny siny hoditra. Fa kanaifa ndraiky, magnisy divay vaovao agnatiny siny hoditra vaovao irô, aviô ho voatahiry izy aroé." ¹⁸ Izikoa mbola nivolagna zaka jiaby izegny tamin'ndrô i Jesosy, igny fa , nisy manam-pahefagna araiky navy kay nankohoko taminany. Nivolagna izy nagnano hoe: "Maty zioty zanaka vavy, fa mavia aviô apitraho amin'ny tagnanao, fa ho velogno izy." ¹⁹ Abaka aviô nitsangana Jesosy aviô nagaraka izy, nagnano karaha zegny koa irô mpianatranany. ²⁰ Igny fa nisy viavy araiky efa nandaiha liô nandritra ny aroé ambin'ny folo taogno, nandaiha tàfaran'i Jesosy aviô nikasika tapany akanjonany. ²¹ Fa nivôlagna izy tamin'ny tegnany hoe: "Izikoa mahavoakasika lambanany fo zaha, mety ho janga." ²² Fa nitodiky Jesosy kay nahita izy, nivolagna nagnano hoe: "O zanako vavy, mahereza; ny finoagnanao nahajanga anao." Avio janga directy viavy iô nanomboka tamin'ny lera igny. ²³ Izikoa fa navy tagny amin'ny tragnon'i manam-pahefagna Jesosy, nahita irô mpitsoaka sodina ndraiky irô vahoaka nitabataba be Izy. ²⁴ Nivolagna nagnano hoe Izy: "Mandihana, fa tsy maty i zaza viavy iô, fa mandry izy." Fa nitokiky Izy tamin'ny blague ndrô. ²⁵ Izikoa namboaka tagny ambadika ivailany vahoaka, niditra tagny agnefitra Izy aviô nangala izy tamin'ny tagnana, aviô nitsangana i razazavavy. ²⁶ Nalaza nagnairagna ny faritra jiaby ny vaovao momba izegny. ²⁷ Aviô izikoa fa niala tiô i Jesosy, nisy jamba aroé lahy nagnaraka Izy. Tsy nitsahatra nikaiky irô salakady nivolagna nagnano hoe: "Mamindra fo aminay, ry zanaka Davida!" ²⁸ Izikoa fa navy tao an-tragno i Jesosy, kay nagnantogno Izy irô lelahy jamba. Nambaran'i Jesosy tamin'ndro hoe: "Mino anarô fa mahay magnano izegny Zaha?" Nambaran'ndrô taminany hoe: "Eka, Tompo." ²⁹ Abaka aviô nikasihan'i Jesosy mason'drô aviô nivolagna nagnano hoe: "Ho tantairaka aminarô araka finoagnanarô izegny," ³⁰ aviô nahiratra mason'ndrô. Abaka aviô Jesosy nandidy mare irô ndraiky nivolagna nagnano hoe: "Aoka mba tsy hoisy olo ahay momba zao." ³¹ Fa nandaiha irô aroé lahy kay nankalaza ny vaovao momba izegny magneragna faritra izegny. ³² Aviô izikoa fa nandaiha irô aroe lahy, igny fa nisy lelahy moah nipetrahan'ny demony nandesigny tiô amin'i Jesosy. ³³ Aviô izikoa fa niboaka demony igny, nivolagna directy i lelahy moagna igny. Gaga aby vahoaka kay nivolagna nagnano hoe: "Tsy mbola fahita hatrizay tamin' Israely ity!" ³⁴ Fa nambaran'ndrô fariseo hoe: "Tamin'ny fanapahan'ndrô demony, namohany irô demony." ³⁵ Nandaiha nitety irô tanàna maventy ndraiky irô bongo jiaby i Jesosy. Nanohy nampianatra tagny amin'drô synagogan'ndrô Izy, nitory filazantsaran'ny fanjakana, ndraiky nagnajanga irô karazagna aretigny jiaby ndraiky irô karazagna fahararina jiaby. ³⁶ Izikoa fa nahita irô vahoaka Izy, nanagna fangoram-po tamin'ndrô, satria niahiahy ndraiky kivy irô. Karaha ondrikondriky tsisy mpiambigny igny irô. ³⁷ Nambarany tamin'ndrô mpianatranany hoe: "Maro ny vokatra, fa irô mpiasa no vitsy. ³⁸ Noho izegny mivavaha malaky amin'ny tompon'ny vokatra, mba andefasany mpiasa agny amin'ny vokatranany."