¹ Paoly, apostolin'i Kristy Jesosy araka ny sitrapôn-dRagnahary, ho an-drô olo-masigny ny Zagnahary agny Efesosy, izay mahatoky i Kristy Jesosy. ² [Fagnamarihagna: Misy fandikagna sasany mangnadoso ny hoe: "Ao Efesosy" kanefa mety ao amin'ny taratasi'ny Paoly tamin'ny voalohany izany.] Ho aminarô ny fahasoavagna sy ny fiadanagna baka amin'ny Zagahary Babantsika ndraiky Jesosy Kristy Tompo. ³ Deraigny anie Zagnahary ndraiky Baban'i Jesosy Kristy Tompontsika, izay nitantagna atsika tao amin'ny Kristy tamin'ny fitahim-pagnahy jiaby baka an-dagnitry ao amin'i Kristy. ⁴ Zagnahary nifidy atsika taminany tao zisaka fanomboan'izao tontolo izao, mba ho masigny ndraiky tsisy tsigny aminany atsika. ⁵ Zagnahary zegny nifidy astika taloha ho amin'ny fananganagna ho zagnaka tamin'ny Jesoso Kristy, araka ny sitrapôny. ⁶ Ny fananganagna atsika zegny mitondra amin'ny fanopoagna ny fahasoavagny be voninahitry araiky namiany atsika bôjo tamin'ny Araiky tegna tiany. ⁷ Ao amin'i Jesosy Kristy zegny atsika mahazo fagnavôtagna amin'ny lionany ndraiky famelan-keloko, araka ny fanagnam-pahasoavany. ⁸ Narotsakany tamintsika tamin'ny alalan'ny fahendregna ndraiky fahaizagna i fahasoavagna zegny. ⁹ Nataon'ny Zagnahary ho haitsika ny raha magnasitriky sitrapônany, amin'ny araiky tiany, ndraiky araiky naboakany tao amin'ny Kristy, ¹⁰ niaraka tamin'ny fandaharagn araiky amin'ny fahafenoan'ny fotoagna, hamoriagna ny raha jiaby, etoan-tany ndraiky agny an-dagnitry, ho loha araiky, na Kristy foeky. ¹¹ Ao amin'ny Kristy zegny voatendry ho mpandova atsika. Nifidigna sandra araka fandaharan'ilay mampiasa ny raha jiaby araka ny tanjogno ny sitrapôny atsika. ¹² Zagnahary nanendry atsika ho mpadova baika ho atsika misy fahatokisagna voalohany ao amin'iKristy, mba ho fideragna ny voninahitrinany atsika. ¹³ Tamin'ny Kristy, anarô koa, izikoa fa nagnaboaka ny volagnan'ny fahamarignana, ny volagnanany zegny famonjegna anarô, kai nino Izy anarô sady voatomboko tamin'ny Fagnahy Masigny araiky nampagnantenaigna, ¹⁴ araiky antoko ho an'ny lovantsika mandra-pazahoantsika tanteraka izegny, ho fideragna ny voninahitrinany. ¹⁵ Dikany zegny, rango naharignesako ny finoagnanarô i Tompo Jesosy ary ny fitiavanarô irô olo-masigny jiaby io, ¹⁶ tsy nijanogno nisaotra Zagnahary za nohon'ny aminarô sady indesoko am-bavaka fo anarô. ¹⁷ Mivava za baika ny Zagnahary Jesosy Kristy Tompontsika, araiky Baba ny voninahitry, hagnamia anarô ny fagnahy fahendregna draiky fagnambaragna amin'ny fahaizagna Izy. ¹⁸ Mivavaka koa za baika hahaizanarô ny toky araiky nikahiany anarô draiky ny haregnan'ny voninahitry ny lovanany amin-drô olo-masigny ny Zagnahary jiaby. ¹⁹ Noho ny fitiako, za mangataka baika hahaizanarô ny fihoaran'ny habezan'ny gôvony amintsika zay mino, araka ny heriny maventy. ²⁰ I hery zegny fo no napiasain'ny Zagnahary tao amin'ny Kristy izikoa fa natsangany tamin'ny maty Izy sady napetrakany tan-tagnany ankavanana tagny an-dagnitry. ²¹ Kristy zegny napetrany ho agnabon'ny lalàgna ndraiky ny fahefagna ary ny hery ndraiky fitsaragna, sady ny agnaragna jiaby izay misy. Hanapaka Kristy, tsy amin'ny fotoagna ziôty fo fa, amin'ny ho avy koa. ²² Napetraka Zagnahary ho ao ambanin'ny vity ny Kristy aby ny raha jiaby sady namiany ho lohan'ny raha jiaby ao amin'ny fiagonagna koa Izy. ²³ Ny fiagonagna no vatangnanany, araiky fahafenoan'ny Araiky mameno raha jiaby amin'ny endriky nany jiaby.