¹ A sa deidei mai so kakwe qa laka i lae vanua, aru qei takucia na lea tisaiveli. ² I na Siga Tabu , a vakavuli vali i were ni masu. A bi na tamata ra varogoci koya qa re sa vadrukai. A ra sa kwaya ,"Na vuku ava sa soli tu i vua"? Na ava sewa na vicakacakamana a tara boto e lima"? ³ Tamnia kwe na matai ni kai, o luvei Meri e tagwane ko ri vitacini qa Jemesa qa Josese qa Jutasa vata qa Saimoni? E i tam nodoki no qa vatiketa kem o gwanea "? A sa rui tei vatatao i vuara o Jisu. ⁴ Sa qei kwaya vuara o Jisu, " Na varovita ina tam laidani cake tu maga vakavo ma ga mai lea vanua, vuara na wekaya qa na lea vuniwere. ⁵ A tam rewa ni tara lia leqwa na cakacaka levu vakavo ga na lea dere e lima a sewa na raraci qa vacola ni kora. ⁶ A vadrukai saraga ina ledra tam vivabauti. Oti sa qei viatoki i vikorokoro qa vivakavuli. ⁷ Oti sa qei coviru na tinikarua qa taula me vatalara yayarua, a solia vuara na qwaqwa ko i ulabaletia na viyalovelavela. ⁸ A vecera me re kuwa ni kau e i lia na kwa in aledra i yatoyato, vakavo ga na i toko, kua na madrai kua na beki, nai lavi ina ledra beleti. ⁹ Me re taqai vava, qa kua ni taqa i rua na kote. ¹⁰ A qei kwaya vuaru" Gauna ga o ba rusu i na lia na were, ba nodoki ga no qa me yacovia ni o ba sa laka dei mai ka. ¹¹ Wetai i lia na koro i tam ciqomi vatikem se tam varogoci vatikem ni o ba sa deinia mai na koro sokwe ba kurelaki nia dei mai na qweleqwele vatimem ia me kea i vadudu i vuara. ¹² A ru sa qei laka qa ru kacivaki nia ati i vuara na tamata me re taiki dei mai na ledrai valavala cakaca. ¹³ A ru vikaratia dei a bi na yanitu, qa ru tabakia a bi na tamata raraci i na i lumi qa re vacolai. ¹⁴ Sa qei varogo na momo o Eroti ni sa lei kilati levu cake no ga e yaca o Jisu. A sewa a re kwaya ," Sa cola leqwa mai o Joni na dauni vavitaisotaki koi vavunia no na kaikai ni vicakacakamana i vua". ¹⁵ Se wa leqwa a re kwaya ," O koya o Ilaija, re kwaya ga no i sewa, O koya i lia na varovita , wetai i lia na varovita ni vigauna sa oti,". ¹⁶ E i varogo o Eroti qa kwaya, " Joni o koya qu drutakia e domo sa cola leqwa mai". ¹⁷ I na lewa o Eroti a sobe o Joni wa rusu i wereniveivesu me baleti Erotiasa (e lewe ni Filipi koru i vitacini), do a vakawatitaki nia leqwa. ¹⁸ Do a vece i Eroti o Joni , " E itam dodonu iva iko mo vakawatitaki nia e lewe ni tacim," ¹⁹ A qei borisitaki oErotiasa qa mata vamate, ia a tam rewa. ²⁰ Sa matakuci Joni sara ga o Eroti, a kilatia no ni lia na momo dodonu qa savasava, a qei maroroi koya. Na lea dau varogoci kya a vavunia me yatayatava vakalevu, ia dau varogoi koya vina. ²¹ A lia na siga a tara lea siganisucu o Eroti , a varautaki nia a lia na vayaviyavi vuara lea vailesilesi, turaganivalu, qa ra na tuqwaqwani Kaleli. ²² A qei rusu mai o luvei Erotiasa vulau me tuisi i vakora, sa lia na kwa na lea gadretaki mai bva Eroti q ara na lei sureti mai. Sa qei kwaya na tagwane vua na vulau," Kerevia mai e lia na kwa e i va au qi na vaganiiko ga". ²³ A qei tata bubuluoi vua qa kwaya," Na kwa ga e kwaya i va au, qi na vagani iko, yaco sara me vimama na lequ matanitu." ²⁴ A laka yati qa kwaya i va mnaya,"Na ava me qu na kerevia vua "? A kwaya , ²⁵ "E ulu ni Joni na daunivivavitaiso." A lesu varewarewa leqwa vua na tagwane, kerekere qa kwaya ," Qi vinatiko mo vagani au mai, na gauna boto kwe, e ulu ni Joni na daunivicavitaiso i na lia na dela ni veleti kai." ²⁶ A sa rarawa vakalevu e yalo na tagwane kwe, ia sa tam rewa ni vasukania na kwa a gadrevia na vulau qa sa sureti mai ina vayaviyavi. ²⁷ Sa qei vatala a lia na sotia mai vuara na yadra qa varoti koya me kau mai e ulu ni Joni. A laka mai na sotia i werenivivesu qa drutakia mai e ulu ni Joni. ²⁸ A sa qei kau mai e ulu ina lia na veleti kai qa vagania na vulau me ka iva mnaya. ²⁹ Ina gauna are sa rogo na tisaiveli na kwa kwe are sa laka qaru kau mai e yago qa ru bulutia. ³⁰ Ru lesu leqwa i va Jisu nai avositolo q aru vece vua na vikwa kece aru sa tara qa ru vivavuvulitaki. ³¹ Sa qei kwaya i vuaru," Sa bi are laka mai qa ra lesu leqwa , qa lala sewa na gauna me re kani ka." ³² A ru sa wetai lele dei vatakiniru ina lia na vanua gwalala. ³³ A levu are tolaviru qa re kilatiru, ra qei wavu teimata ni ru si bere ni yaco ati. ³⁴ Ni ru sa yaco i vovo qei tolavia o koya na i nono na tamata levu sa lia na kwa na lea lomanikora . Sa qei taula me vavuvulitaki vuara a bi na kwa. ³⁵ Toso na gauna, aru sa laka mai lea i tisaiveli qaru kwaya vua,"Ko kwe na vanua vagwalalaqa sa rewarewa no mai na yaviyavi. ³⁶ Vatalara re me re laka ati vivanua qa na vikorokoro me re lai volia i sewa na kwa me re kania ." ³⁷ Saumia qa kwaya vuaru," Ba vagania i sewa na kwa me re kania."A ru sa kwaya,"I ba rewa ni laka qa ba volia ei rua na drau nai lavo na madrai me rautia ei rua na drau nai lavo me re kani ka?" ³⁸ Sa qei veceru," Ei vica nai buli madrai ei tau iva vatikem? Ba lai dania," I na gauna aru sa dania oti ka, aru sa kwaya," E i lima nai buli qa rua na ika.' ³⁹ Sa qei vecera na tamata me re no yayavica nai korokoro i vioo. ⁴⁰ A re sa qei no yayadrau qa yayalimasagavulu ina lia nai korokoro ⁴¹ Sa qei qulumia na lima na madrai qa rua na ika, gadele i yata i lomalagi qa tata manamanataki nia qa viyayavica tikora. ⁴² A re kani me yacovia na ledra wabute. ⁴³ A toroki nia na moromoro ni madrai qa na ika qa vagani tia ina tinikarua na taga ⁴⁴ A lima na udolu na tagwane a re kani madrai ⁴⁵ Sa qei vavodoni koru na lea tisaiveli me ru teitei mata i taitai, e tiki wetai Pecisaita, ni sa vatalara lesu no na tamata. ⁴⁶ Ni ru sa lesu leqwa, a qei laka e dela me masu. ⁴⁷ Sa toso tovo mai na yaviyavi q asa donumaki no na boto na vimama ni ruwai, a nodoki talia no mai vovo no koya. ⁴⁸ A dania na ledru wakabokabo i na i voce baletia ina qwaqwa ni cagi a liwavi koru no mai. ⁴⁹ Rautia na i ka va ni wase ni bogi a qei laka mai vuaru o koya a yato vali mai i delani ruwai qa sagatia me teimata i vuaru. Na gauna aru sa tolavi koya ka aru qei gisa vata niru setava me tia yalo cola ⁵⁰ Sa lia na kwa na ledru docola ni ru sa dani koya. Oti sa qei tata mai vurau qa kwaya , " Ba yalo qwaqwa! O au boto! Ba kua ni mataku! ⁵¹ Sa vodo qaru i waqa qa sa malum civo qa na cagi. ⁵² A ru sa tam vanumia boto na kwa a tara vua na madrai. Ni sa rui kaikai meudru yalo. ⁵³ Ru takoso rewa qa ru kele i Kerisareti. ⁵⁴ Na ledru sovu yati are kilati koya vina mai na tamata. ⁵⁵ A re duku caraqetu lesu qa re toroki tira mai na raraci na vanua a nodoki no ka. ⁵⁶ Na vivanua coko ga a laka ka are mera ka na raraci. Are sa qei kerevi koya me re derera boto dudu ni lea i sulu, a re bi na dere are vacolai ka.