1
A ru laka mai Jerusalemi qa ru sa voleke mai Pecifaki qa Pecani i na ulunivanua ni vi Olive o Jisu sa qei vatalaru a rua na lea tisaiveli.
2
Kwaya i vuaru," Ru laka ina koro koi tam vidonui qai vatiketa no Oru qei rusu boto yati , oru na tolavia e i lia na luve ni asa. Ru serekia qo ru mea mai iva au.
3
Maga i lia vuara e i tarogia , Baletia na yava oru tara ka na kwa kwea? Ru kwaya na Momo levu e i vinatia mai qa na qei vatala sara mai ka kwe
4
A ru sa laka yati qaru sa tolavia na luve ni asa ni vesu tu ina lia na mataniwere i tevai, qa ra sa serekia mai.
5
A bi na tamata a re dure tu so ka kwe qa re kwaya i vuaru," Na yava o ba tara , o ba serekia na asa?"
6
A ru sa vece i kora na kwa a veceru o Jisu, qa ra sa qei dei ni koru me ru laka ina ledru i yatoyato.
7
O koru na rua na tisaiveli aru sa mea mai na asa iva Jisu qa ru sa oniya ka na ledru i sulu me vodo ka i Jisu.
8
A bi na tamata a sa tevukia ledra i sulu i calevu a sewa a ra vitikia mai na tula ni kai qa ra tura nia.
9
O kora a ra teimata i vua qa o kora a re teitaku a re gisa,
"Osana, sa kalougata o koya a lia e i laka mai i na yaca ni Momo Levu.
10
Sa kalougata na matanitu sa yaco mai lei Tevita na tamai meda! Osana i yata sara!"
11
A sa qei yaco i Jerusalemi o Jisu sa rusu sara i were ni soro, a vitolayaki nia na vikwa coko.
12
Ko kwe sa vibereki vali qa sa laka dei mai i Pecani qa o kora na tinikarua.
13
A tola tu mai vakayawa, qa tolavia a lia na vunikai a drokodroko tu e rau, a toso yati me tolavia maga e i tau tu e vua, sa yacovia yati a tam tolavia ka e vua e rau vali boto ni si tam kea gauna me vua ka. A tatania qa qwaya
14
,"E i sana tam vua vaka lia leqwa. A ru varogo tu na tisaiveli ni kwaya o koya.
15
Ni ru sa yaco i Jerusalemi , a rusu sara ina were ni soro qa taula me vatala tira dei na dau volivolitaki qa ni kora na dau vivoli. A vukicia yacuva ledra teveli ni dauvisau i lavo qa ledra teveli na dau volitaki ruve.
16
A tam vasorokia lia me kau i buto ni were ni soro ei lia na kwa me volitaki.
17
A va vulicira qa kwaya ,"E i tam volai tu," 'Na lequ were e i na tia were ni masu ni vi matanitu? Ia o ba sa tara me ledra qwara na daudriva.".
18
Na bete levu qa o kora na vunivola a ra sa rogo na kwa a kwaya, qa re sa valigocia a lia na calevu me sa lei vakamate ka. Ni ra sa matakucia baleti kora coko, a re sa kanikanivina tira na lea i vavuvuli.
19
Ni sa valeke mai na yaviyavi a ra sa deinia mai na koro levu.
20
A sa laka mai na qwataqwata, a ru sa tolavia sa tiri malai civi tovo na vunilolo me yacovia sara e waka.
21
Sa numia lesu o Vita lea tata o jisu qa kwaya vua ."Vavuvuli tolavia ! Na vunilolo o borisitia sa tiri malai,".
22
Saumia lesu o Jisu," Vabautia na Kalou."
23
Qi kwaya vakadu i va iko maga e i lia e i kwaya i na ulunivanua 'tacavu mai qo tiso i waitaci, qa vabautia tam vatitiqataki nia na kwa a kwaya e i na yaco, i a na kwa e i kwaya i na tara na Kalou.
24
Qi sa kwaya i va vatikem na kwa coko, o ba masu qa kerevia, vakadudutia ni o ba na vinatia qa na qei vatilem.
25
Ni o ba tu mo ba masu , mo vosoti kora a re tara a lia na cala i va iko, me rewa muni i va Tamai vatikem mai lomalagi me vosotia vatilem cakaca.
26
Ma ga e tam vivosoti, e i na tam vosoti iko muni o tamam vakalomalagi.
27
A ru laka leqwa i Jerusalemi. Sa laka leqwa o Jisu i were ni soro qa re laka mai vua o kora na bete levu , na vunivola o kora na tuqwaqwa.
28
A ra kwaya i vua,"Na lewa yava o ba rewa ni tara ka na kwa kwe, o ei a vaganiko na lewa mo tara ka?"
29
Sa kwaya o Jisu," Qi tarogi vatikem mo ba kwaya sila mai qa qu na qei vecei vatikem muni , na lewa yava e i rewa talia ka.
30
A laka mai lomalagi se mai vua na tamata na vavitaiso lei Joni? Ba saumia mai,"
31
A ru vitalanoa vatakiniru qa ru viba, ma ga teva kwaya "Mai lomalagi,' E i na qei kwaya o koya baletia na yava o ba tam vabauti koya ka?"
32
Ia ma ga teva kwaya , mai na tamata," A re matakucira na tamata ,baletia o kora coko e re vakadutia no o Joni a lia na varovita.
33
A ra sa qei vecei Jisu ," Mam tam kilatia, qi na tam kwaya muni i va vatikem se na lewa yava qu tara ka na vikwa kwe.