1
Ko kwe na i taula ni tukutuku vina lei
Jisu Karisito,na luveni Momo Levu
Me wetei sa vola o Asea na parofita
2
"Dania
qi na qei vatala yati na lequ vakavakatala me teimata yati i va vatikem. I na vatakeya o koya na lem calevu
3
A qei lia na lio a coco no mai ina buto ni
vikaikai, " "Ba vakarautakinia na ca levu ni Kalou Ba vadodonutaki nia na lea ca levu"
4
A qei laka mai o Joni i na buto ni vikaikai qa vunautakinia me re vivutuni qa me re laka dei mai ina ledra i valavala cakaca
5
A re sa laka coko ivua na koi Jiutia qa o kora na koi i Jeruisalemi, qa re sa vavitaisotaki mai vua .
6
Sa qei taqa tu mai o Joni na taba ni kameli qa na i yoro i ye i gau,qa kania na vodre qa na ta ni oni.
7
A qei kwaya ina lia i na tei taku mai I lia ina tetelagi sara i va au,i na lea tetelagi qi tam` rewa ni koruva mequ serekia na lea wawa ni vava.
8
Qi na vavitaisotaki ni iko ina wai, i na qei laka mai Koya qa qei mai vivavitaiso ina Yalo Tabu
9
I na siga so kwe a sa vavitaisotaki qa ka o Jisu, a laka no mai Nasareci ina vanua o Kaleli,qa qei vavitaisotaki ni koya o Joni i na gusu ni ruwai na Joritani.
10
Na gauna sa cavaraki mai kha o Jisu ,sa qei taseva mai na lomalagi qa oro mai na Yalo Tabu me wetei na ruve.
11
A sa qei rogo mai a lia lio mai lomalagi "O iko o luvei au vina .Qi sa rui gadretaki ni iko` vakalevu"
12
A sa qei kaywa mai vua na Yalo ni Kalou me laka i vikaikai.
13
A qei no tu mai vikaikai me vasagavulu na siga qa maritia mai o Setani.Sa no qara tu na manumanu raukawa ,qara qwaravi tu na agilosi.
14
Gauna a sa vesu oti kwa o Joni ,a sa qei laka mai Jisu i Kaleli qa kacivakinia rauni na tukutuku vina ni Kalou.
15
Qa kwaya " Ko kwe na gauna yalataki isa voleke mai na lea matanitu na Kalou ,vivutuni qo vabautia nai tukutuku vina.
16
Na gauna a taubale vali a bati ni ruwai i Kaleli, a lau sara e mata i vuaru na vitacini o Saimoni qo Adriu o koru na dau roro.
17
Qa kwaya sara yati i vuaru o Jisu " Ru laka mai ,takuci mai qi na qei vakavuli ni vatikem`mo tia dau roro ni yalo ni tamata.
18
Qaru sa deinia tu ledru lawa qa ru takuci koya sara.
19
Vakasewsewa leqwa yati i mata, a sa dani ru sara o Jisu o koru na luvei Sepete,o Joni qo Jemesa o tacia,a ru cironitia no na lawa i na buto ni ledru waqa.
20
Coviru sara yati o Jisu qa ru sa dei ni tamadru o Sepete i buto ni waqa qa lia na ledru tamata cakacaka qaru sa takuci sara.
21
Qa sa toso sara na ledru yatoyato i na vanua o Kapenaumi,i na siga ni vakacecegu a sa lei vakavuli sara i na vanua ni bose na ledra na Jiu.
22
Sa rui vivakayavalati na lea vivakavulici i wetai i lia i tau vua na lewa,qa tam wetai o kora na lea vivakavuvuli o Mosese.
23
A qei gisati Jisu qa mai a lia a curumi yanitu tu mai ina buto ni vanua ni bose.
24
"Na yava me ba tara iva iko ,Jisu na koi Nasareci? E sa laka no mai mo mai vacaca ni kemam`? Qi kilati iko vina du.O iko na kwa talei ni Kalou".
25
Qa qei karavia dei na nitu a curumia tu qa kwaya "Sogotiam` gusu qo vagwalala mai vua".
26
Qa sa qei walataki ni koya mai ra na nitu a curumi koya tu qa sa vagwalala mai vua,qa qei tagi lagalaga tu yati na tamata du.
27
A re sa vitolavi qa vicacanitaki. "Na yava kwe? I lia leqwa nei vakavuvuli qwaqwa vou! Sa rewa ni borisitia na nitu qa varogocia!"
28
Sa qei robotia kece yati ina vanua i Kaleli na tukutuku o Jisu.
29
I na gauna sa deinia mai kwa na were ni bose o Jisu qa o koru Jemesa qa o Joni, aru sa laka vata sara i na ledru were o Saimoni qo Adriu.
30
Ni ru yaco yati ,aru sa vatakea sara i va Jisu ni tauvimate taka no o gwani tamai Saimoni.
31
A laka vua o Jisu qa qulu sara e lima qa vakatunia;sa qei laka dei mai vua na raraci qa varautakinia sara mai na kedru.
32
Ni si bere ni drom`na siga ina yaviyavi so kwe, a re sa qei lai mei mai vua o kora coko a re raraci qa re waqani anitu tu.
33
A re sa qei sososvia coko qamai na ledru mata ni were.
34
O Jisu a sa qei vakacola nira coko na raraci qa vikaratira dei na anitu a waqanira tu.
35
A cavutoro mai ina gwatagwata gigilo ni siga taravia,qa laka sara i na lia na vanua vakikitawa me lai masu vura ka.
36
O Saimoni qaru nakea vo aru sa qei vabutu ki koya mai.
37
I na gauna aru sa ligoci koya ka, aru qei kwya"E re sa va qetuvi iko coko tu mai".
38
A qei kwaya,"Te va laka leqwa i na vivanua leqwa i sewa mequ lai vunau rauni tovo ka.So kwe nei naki ni lequ laka mai "
39
Qa sa qei volitia coko na ledra vanua ni bose na Jiu ina vanua o Kaleli,a vunau qa vikaratira muni na waqani tu ina anitu.
40
A lia na tagwane vukavuka a laka mai vua qa mai tekituru qa cauria,"Maga e rewa ni tara, qo vasavasavataki ni au sara".
41
I na lea wewea o Jisu a qei kwaya"Qi rewatia.Qo savasava"
42
A vele vasauri vua na vukavuka ,qa sa savasava e yago.
43
A tara a lia na tata bitabita ni vivakadre o Jisu i vua qa vakatala dei.
44
Qa qei kwaya vua"Kuwa ni lai dola gusutaki vua i lia ,laka qo vatekea m` yago vua nai talatala,qo lai vakacabo i soro me wetai na lea i vakaro o Mosese, qa me tia i vadudu i vuara ni o sa vakacolai".
45
A qei laka qa lai kwalekwaletira rauni ,qa sa vavunia na lea tam` rauni rewa o Jisu i na levu ni oso ni tamata qa sa no tu boto i na lia na vanua vagwalala.
Qa re si cedre ga no yati na tamata.