¹ Yanaa karaq-goni aqkonnaraq Poroma Ituni monoq mayai-naare. Timotima minna Poroni abaqawaa, Korosaiye mai naapowana, wema arukaqke araine-tena Itu-taba tiraiye. Ito-we, ketaai tiwaqna ² Tani kateko mai-aikaraq amuramuq aaimma Kerawate maniye. ³ Ituni abowama Itogo-taba timuqa kemareta nunamumma maqte tuqpa tiyaakanu-nataae. ⁴ Itogo anaaemma ame-kayuka yiqkai-yiqkai eraq Itu-kaq timmakaki onaimma ketaama itaatukaunataae. ⁵ Miran-akai-akai aaitaaba abayapaq matuq-matuq maruqa yokaa-uyaakaraiye. Mamirauma maruqa araimma yokaa-uyaakaraiye, teta kamukamuq keowana, Anaaekaqa aubaa-bike mnoq aimma yiraiye. ⁶ Main-aaiko maa-maraanaqbi aramma-ima anoniq iye. Aubaa-bike Itogoni aqkai-aqkai aimma onamma waranamo, etegaraq mina aramma i-ma anoniq keone. ⁷ Epaphras-inopake Mami monoq aimma itarae.Wema ketai tiqkai tiqkai monoq anawobona Ituni meyaai akoqna arukake kemayena ketaai toyauqa maama tiraiye. ⁸ Aokaq agoni akoqnaraq Epaphras-ima Itogoni aqkai-aqkai aimma tiraitae. ⁹ Mamin-aaimmo itadukaunatakake ita kagaaunataibo nunaumma titikeuyakaunatae.Noitababio,mammina Ituni akai-akai aitabae. ¹⁰ katoko aikaq amuramuq-amuramuq Uma Itu-kaq wikaae teta nunaumma titiq keunataae. Eni mate kateko aikoma aramma iyaaina Itu-ni itairaq anomma auraikaae teta nunaumma ketunatae. ¹¹ Itogo-ni akoqna awarara irarake akoqna mamateraq taroq-inoma ito-uma akoqna uraiyana mate-maten-uma inimma mama tagamma atobariq ikae-teta nunamumma ketunatae. ¹² Amuramuq aipike Itumma tugiyo timakaao teta nunamumma timatikaunnataae. Wemo maa-mara taroq-ena manunata maqa yoqkaa-umatikaraitawae. ¹³ kumuyuq aainobake tiwiqmata Aniko yawikai marukata tiwaqnauma tikaraitaae. ¹⁴ Itogo-ni Aniko ketaai kumiq aimma mama paaena, ketama yauweqma tiwikaitaae. ¹⁵ Anikoma ima aonainnona Itogo-ni auyawaare. Maa-maraanaqbi mama paq-urai naakoni aqnaae iyaapowe. ¹⁶ Auramma aone-i-aone inna yataaqa abaayaqpaq maiyo, maa-maraabi maiyo. Itogo taroq-urai tataare. ¹⁷ Wema maqte-tataakaq aqnaabariq-uraipoana, wema maqte-tataakaq yatokaiye. ¹⁸ Monoq nama Itu-ni auyaawapoana, wema monq naakoni aqnone. Ituma aaimma ataarai poana, puyibike aqnaabaq-yataaqa itouraiye. ¹⁹ Maqte tataaqa aanikonna-boana, wema kawaa-iniye, ten Itogo amuqa makaiye. Itu-ni awiqkaq maqte tataaqa maibo, wekaq tiruno-tero. ²⁰ Itu-ni naaema kaapaq yaataqke kukai-taba, abowama, kateko mai-aaimma mama paaq-uraiye. ²¹ Mora taoqa eni auyanakoma tawiqo-itaama, maa-maraabi aaimma taroq-onnamo, weni naamuro-aure, Itogo-kaq naamuq naqa aurainone. ²² Mirai-manibo, weni auyaawa-taba I'ma ten, kupuqmena koikaake, turuno-aaiko paaq-uraiye. Abo Itu maminna araatake aminimma, aamma-aummakai-karaq, aubi ima maraina, wema aqnaabaq maraina wekaq noraq urainna aaimma tagaainone. ²³ Aqkonna auyaana-kaq wiq-wiq emo, aaimma ataama aqkonna-uwo. Mora akaq auyanamma itare i-taana monoqa I'ma yuwe kowao. Itu taroq-urai kayukama maraa-bi maunnatama, Mami monoq-aaiko timatimiqma tagaaraitaae. Kema Poroma monoq mayai-naaqa maaeq mataunna monoq-aaiko. ²⁴ Tawiq-uma maunnatabike, eqkaaqa ibeqa timuraamuq aaimma mayaunataae. Tunobaq noinaq I'ma maimma mama timuq-yaune. Weni auyawaq-taba monoq namma maiye. ²⁵ Monoq naaupaqke monoq mayai-naaqa auqkaune. Eqtaba Itogoma weni aqkonnaraq timiqkaine. Itu-ni amaan-aimma paaqo-ina, araine-tena timakaao. ²⁶ Mamin-aupaq aimma min-aqnoka-karaq, mi-kanaaraq wayuka-raq aupaq yuqkaunnaae. Miraurai-manibo, ibeqa wetaaba araine-teta-te kayuka-garaq mama abaarokariq-uraiye. ²⁷ Yerawatabaae ten Itogo iyaa-urai awaarara-karaq aupaq arai-aimma, Yentariq wayukama Itu-taba kamuqkamuq-o awaarara-karaq mama abaaro-kariq uraiye. ²⁸ Itumma mama abaarokariq-uraunnataae. Mate kayuka Aqkonna itai tiraatima timayimikaunataae. Mirainaraq, Itu-ni awiqkaq maqte kayuka yimiqma anaatatuwaniye. ²⁹ It weni aqkonna-goma keeping mayaima mama Aqkonna timitaq, min-imamuraqke tiyaatamma Kuma weni mayaima mataune.