¹ Aleo misafidy gny laza soa toy zay be harena dra soa noho gny volafosy vo gny volamena gny sitraky. ² Gny panakarena vo gny mahatra dra samy manan'anizay__Yaveh gny paharay anazy aby. ³ Gny olo mailo mahisy gny loza dra mivony, fa gny babo koa mandroso dra mizaly noho zay. ⁴ Gny valisoanigny fanetre-tegna vo fahatahora an'i Yaveh dra harena, voninahisy, dra fiegna. ⁵ Gny silo vo gny fandriky gny eo aminigny lalanigny maheriloha; fa ze miaro gny ainy dra hagnalavisy anereo. ⁶ Apenaro aminigny zaza gny lala tokony alehany dra gny fa izydra sy hiala amizay fapenara zay. ⁷ Manapaky eo aminigny ory gny pana-karena dra ze mindra dra ho andevonize napindra. ⁸ Ze mamafy gny sy rariny dra hiziza fahoria dra halazo gny sorakazonigny fahatezerany. ⁹ Ze mana maso be fiatra dra hotahy, akory mizara gny mofosy aminigny mahatra izy. ¹⁰ Roaho gny panirasira dra ho lasa gny fifandira; hisahasy gny aly vo gny fanevateva. ¹¹ Ze tia fo malio vo ze mizaka fahasoava, dra hana gny pazaka ho namany. ¹² Gny mason'i Yaveh dra miamby hatragny gny fahalala, fa gny zakanigny pamadiky dra ravany. ¹³ Gny olo malaiky manao anizahoky ho: "Misy liona agny andala! Ho maty egny akalamazana zaho." ¹⁴ Gny vavanigny apela zanga dra lavaky laliky; mihesiky amize lasaky ao aby gny fahorian'i Yaveh. ¹⁵ Miraiky aminigny fonigny zaza gny hamola, sangy gny sorakazo famaiza hapiala zay. ¹⁶ Ze mapahory gny olo mahatra dra mapitombo gny olo mahatra dra mapitombo gny heriny, dra ho avy aminigny fahatra ze magnome gny pana-karena. ¹⁷ Atongilagno gny sofinao dra mitenoa reo zakanigny hendry dra apagnekeo gny fahalalako gny fonao, ¹⁸ akory hahafinarisy anao reo raha tandremanao ao aminao, raha vonona eo aminigny molosao izy aby. ¹⁹ Ho ao amin'i Yaveh noho zay gny fahatokisanao, mapianasy anao zay zaho anio__hanao dra hanao. ²⁰ Moa ra zaho sy fa nanorasy ohabolanigny fapenara vo fahalala telopolo honao, ²¹ ba hapenarin'anao gny mary amireo zaka mahatoky reo, ba hagnomezanao vali-zaka mahatoky amireo ze nagnirak'anao? ²² Ka mandroba gny malahelo akory mahatra izy, na magnosihosy gny ary eo am-bavahady, ²³ fa Yaveh gny hisolo vava anereo, dra Izy handroba gny ain'ireo ze nandroba anereo. ²⁴ Ka misakaiza aminigny olo ze fehezinigny fahatezera dra za mindray amizay romosy, ²⁵ soa hanao hianasy gny fanaony dra hahazo fandriky ho anigny fagnahinao. ²⁶ Ka mety ho isan'izy manizi-tagna aminigny fiatoha, na mitoka-trosa. ²⁷ Raha sy mana haloa hanao, ino moa gny hahasaka gny olo sy hangalaky gny fandria andrianao? ²⁸ Ka magnasitraky gny fefy vato fahizay ze fa natoby gny razandrareo. ²⁹ Mahita olo malaky aminigny asany ra hanao? Hisangan'eo anoloan'ireo pazaka izy; sy hisangan'eo anoloanigny olo mahazasy izy.