¹ Zao gny lalana agny fagnatisy noho gny heloky.Zay gny masy indrindra. ² Ao izy reo hamono gny fagnatisy noho gny heloky eo amy toera famonoa anizay, dra ao izy reo hagnaparitaha gny lio isaky gny lafinigny alitara. ³ Gny sabora aby eo aminizay dra ho atolosy:gny hoiny matavy , gny sabora ze magnodidy gny ao agnatiny, ⁴ gny tegnany ro vo gny sabora eo aminizay, ze mangneky gny valahany, dra zay mandrakoky gny atiny, miaraky amin'ereo tegnany-dra ao ho ala avo koa zay aby zay. ⁵ Ao hagnoro reo farisy reo eo amy alitara gny mpisoro ba ho fagnatisy natao tamy afo ho an'i Yaveh.Zay gny fagnatisy noho gny heloky. ⁶ Gny lelahy kirairaiky eo amy mpisoro dra ao amy mpisoro dra ao hihina gny ampahany amin'io fagnatisy io.Ao hohany eo amy fitoera masy zay satria masy indrindra. ⁷ Manahaky gny fagnatisy nohon'ny heloky gny fagnatidy nohon'ny ota. Mitovy gny lalana mihatra amin'izy. ereo dra an'ny mpi- soro izay manao fanoloa amin' izy ereo. ⁸ Gny mpisoro izay magnomeza fana-titra oroa olo dra tokony hana gny holisizaho soro izay ho azy. ⁹ Gny fagnatisy tegnany aby zay nahandro tao agnatiny lafory, vo gny fagnatisy manahaky anizay aby zay nindazy tamy lasitra fagnindaza na nahandro tamy mpisoro zay nanolosy anizay. ¹⁰ Gny fagnatisy tegnany aby, na maiky na naharo tamy menaky, dra ho agny taranak'i Arona aby avo koa. ¹¹ Zao gny lalana amy soro gny fagnati-pihavana zay ho hatolosy gny olo ho an'i Yaveh. ¹² Raha misy magnatisy anizay ba ho fagnomezam-pisaora , dra ao izy hanolosy anizay miaraky amy soro gny mofo sy misy lalivay saiky naharo tamy menaky , gny mofo sy misy lalivay, saiky mihososy menaky, dra gny mofo natao tamy koba soa lisa zay naharony tamy menaky. ¹³ Ao agnatiny tazonigny fagnomezam-pisaora avo koa, dra ao izy hanolosy ampempa-mofo nasia lalivay miaraky amy fagnati-pihavanany. ¹⁴ Ao izy hanolosy karazany reiky avy amin'ereo soro reo ho fagnatisy haseho eo amin'i Yaveh.Ho agny mpisoro zay nagnaparitaky gny liony fagnati-pihavana teo amy alitara zay. ¹⁵ Ao gny olo zay maneho gny fagnati-pihavana ba ho fagnomezam-pisora hihina gny hena gny fagnatiny amy andro gny soro.Ao sy hagnisy tavela aminizay mandra-paharay gny andro izy. ¹⁶ Fa raha ho amy voady gny soro gny fagnatiny, na ho amy fagnatizy asitrapo, dra ao hohany amy andro zay hagnaterany gny sorony gny hena , fa na ino na ino mety ho sisa amin'izay dra azo hany gny maray gniny. ¹⁷ Na zay avo, na ino na ino henanigny soro tavela amy andro fahatelo dra ao ho oroa. ¹⁸ Raha misy hena gny soro ho oroa amin'izay fagnati-pihavanba nihany amy andro fahatelo ,. dra sy ho ekeny zay, na ho tagnan'izay nanolosy zay.Ho raha mampagnelakelaky zay , dra gny olo zay mihina zay dra hinday olo z e mihina zay dra hinday gny heloky gny otany. ¹⁹ Zay hena mikasiky raha maloto dra ao sy hohany .Ao ho oroa zay.Gny amy sisiny gny hena, dra azon'ereo olo malio hohany zay. ²⁰ Na zay avo anefa, zay olo maloto mihina hena laha tagny soro gny fagnati-pihavana zay an'i Yaveh-dra ao zay olo zay ho ala eo amy vahoakiny. ²¹ Raha misy olo mikasiky raha maloto-na fahalotan'olo,na biby maloto, na raha maloto vo mampagnelakelaky gny hafa, dra raha mihina taminigny sora gny fagnati-pihavana zay an'i Yaveh izy laha teo , dra ao zay olo zay ho ala eo amy vahoakiny.''' ²² Dra nizaka tamin'i Mosesy i Taveh, nanao ho: ²³ ''Miresaha amy vahoakin'Israely dra zakao ho:'Ao iandrareo sy hihina gny sabora gny agn'omby na agn'ondry na osy. ²⁴ Gny saborany biby niviravirany bibidia, dra azo ampiasa amy raha hafa, fa ao iandrareo sy hihina anizay mihisy. ²⁵ Na iza na iza olo mihina gny sabira gny biby ze mety ataony gny olo ho soro natao tamy afo ho an'i Yaveh, dra ao ho alany amy vahoakiny zay olo zay. ²⁶ Ao iandrareo sy hihina lio na avy amin'ino na avy amin'io ai an-tragnondrareo , avy amy voro zay na biby. ²⁷ Na iza na iza mihina gny lio, dra ao ho alandrareo eo amy vajhoakiny zay olo zay.''' ²⁸ Dra niresaky tamin'i Mosesy i Yaveh dra nizaka ho: ²⁹ ''Miresaha amy vahoakin'Israely dra zakao ho:'Ao hinday azara soro ho an'i Yaveh zay magnatisy gny fagnatisy gny sorom-pihavana ho an'i Yaveh. ³⁰ Gny fagnatisy ho an'i Yaveh zay hatao amy afo, dra ao gny tagnany avo gny hinady anizay.Ao izy hinday gny sabora miaraky amy tratrany, ka ao hahevaheva ho fagnatisy ahevaheva eo anoloan'i Yaveh zay. ³¹ Ao gny mpisoro hagnoro gny sabora eo amy alitara, fa gny tratrany dra an'i Arona vo reo taranany. ³² Ao homendrareo gny mpisoro gny feny havanany ho fagnatisy aseho ao amy sorony fagnati-pihavandrareo. ³³ Gny mpisoro , raiky amin'ereo taranak'i Arona, zay manolosy gny liony fagnati-pihavana vo gny sabora -dra hahazo gny feny havana izy ho manahaky gny azarany amy fagnatisy. ³⁴ Fa nirambesiko tamy vahoakin'Israely, gny tratrany fagnatisy ahevaheva, vo gny feny zay fandresa azara , dra reo dra nome an'i Arona mpisoro vo reo zanadahiny ho azara mahazasy ho anazy reo. ³⁵ Zay gny azara ho an'i Arona vo gny taranany aby amy fagnatisy natao tamy afo ho an'i Yaveh, tamy andro ze nanoloran'i Mosesy anazy reo ba hanompo an'i Yaveh amy asa maha mpisoro. ³⁶ Zay gny azara ze nandidian'i Yaveh home anazy reo aby amy vahoakin'Israely , tamy andro nagnosora gny mpisora .Zay avo gny ho azaran'ereo hatraminigny taranaky fara-mandimby. ³⁷ Zay gny lalana amy fagnatisy oroa, amy fagnatisy tegnany, amy fagnatisy noho gny ota, amy fagnatisy noho gny heloky, gny fagnati-pagnokana, vo gny sorony fagnati-pihavana, ³⁸ zay fa nagnomezan'i Yaveh didy an'i Mosesy teo antendrombohisy Sinay tamy andro zay nandidiany gny vahoakin'Israely ba hanolosy gny soron'ereo ho an'i Yaveh tagny an-tany efisin'i Sinay.'''