¹ Nizaka tamin'i Mosesy i Yaveh , nanao ho: ² ''Raha misy olo manota dra mandika gny lalana manohisy an'i Yaveh, manahaky gny hoe mifampiraharaha ambaliky miaraky amy namany mahakasiky gny raha ze nakininy taminazy, raha mamitaky izy na mandroba anazy, na nampahory gny namany, ³ na nahita raha zay noverezinigny namany ka mavandy gny aminizay , dra miay amy vandy , na gny amin'ereo raha manahaky gny ganota gny olo, ⁴ dra, dra manota izy ka ory , dra sy maisy hagnery anizay aby nalany tamy alalany fandrobahana na fampahoria na nangalaky ze nahaky taminazy na raha levo ka hita draiky. ⁵ Na vandy gny amy raha-iaby izy , dra sy maisy hagnery manotolo anizay dra sy maisy hagnampy raiky am-pahadimy honera aminizay tompon'izay, amy andro zay naha hory anazy. ⁶ Dra sy maisy hinday gny fagnati-pagnoregnany ho an'i Yaveh izy:Agn'ondry lahy sy misy handrany avy amy agn'ondry vo osy zay mendriky gny tomba-viliny, ho fagnati-pagnavaha ho agny mpisoro. ⁷ Hanao fagnavota ho anazy eo anolon'i Yaveh gny mpisoro, dra ho voavela aminizay aby nahavy anazy ho ory amy gny nataony izy.'' ⁸ Dra nizaka tamin'i Mosesy i Yaveh , nanao ho: ⁹ ''Dadio i Arona vo reo zanany, zakao ho:'Zao gny lalanigny fagnatisy oroa:Sy maisy eo agnabony fatany alitara mandrisy gny hariva manotolo mandra-paray gny fagnatisy oroa, dra gny afo gny alitara dra hanga hirehisy avo. ¹⁰ Hanao gny ankazo rongony avo gny mpisoro, dra hanao gny atin'akazo rongony avo koa izy.Hangalaky reo laveniky ze tavela tafarany gny nandevegna gny afo gny fagnatisy oroa eo agnabony alitara izy , dra hametraky reo laveniky mariny gny alitara eo. ¹¹ Hangalaky reo fiakazoany izy dra hampilisy reo ankazony hafa ba hindesany reo laveniky hiboaky gny toby ho agny amy toera ze malio. ¹² Gny afo eo amy alitara dra hanga hirehisy avo.Ao sy hiboaky zay, dra reo mpisoro dra hagnoro hazo eo agnabony zay isa-maray.Handamy gny fagnatisy oroa araky zay takiny aminizay izy,dra hagnoro gny saboranigny fagnati-pihavana izy. ¹³ Angao hirehisy eo agnabony alitarta mandrakariva gny afo.Ao sy hiboaky zay. ¹⁴ Zao gny lalany gny fagnatisy tegnany.Hanolosy anizay eo anoloan'i Yaveh manoloa gny alitara reo zanadahin'i Arona . ¹⁵ Hangalaky koba soa lisa eraky gny tana amy fagnatisy tegnany vo amy dililo dra litin-kazo magnisy ze eo agnabony fagnatisy tegnany gny mpisoro, dra hagnoro anizay eo agnabony alitara ba hamoaky fofo magnisy manahaky gny fagnati-pahasiariva zay. ¹⁶ Hihina ze sisa amy fagnatisy i Arona vo reo zanadahy.Sy maisy hihany sy misy lalivay ao amy fitoera masy zay.Hihina ao amy kiaza gny tragno-lay fihaogna izy reo. ¹⁷ Ao sy hahandro miaraky amy lalivay zay.Nomeko ho azaran'ereo amy fagnisinao natao tamy afo zay.Masy iindrindra zay, manahaky gny fagnatisy noho gny ota dra fagnati-pagnavaha zay. ¹⁸ Fa mandrisy reo fotoa aby hahavian'ereo taranakinao fara mandimby, reo taranaky lahy sasany aby amin'i Arona dra ao hihina anizay manahaky gny fizarany, nalany aby tamin'ereo fagnatisin'i Yaveh natao tamy afo.Na iza na iza mikasiky anizay dra ho avy masy.''' ¹⁹ Ka nizaka tamin'i Mosesy draiky i Yaveh, nanao ho: ²⁰ ''Zao gny fagnatisin'i Arona vo reo zanadahiny, zay homen'ereo an'i Yaveh amy andro zay hagnosora reo zanadahiny aby:gny ampahafolony gny efaha raiky amy koba soa lisa ho fagnatisy tegnany fanao mahazasy, asasany aminizay amy maray dra gny asasny amy hariva. ²¹ Ho vita amy menaky agnatiny lasitra mofo zay. Fa gny vonto menaky zay, dra ho andesinao milisy.Voaendy gny hanoloranao gny fagnatisy vihiny ba hamoaky hagnisy malefaky ho an'i Yaveh. ²² Gny zanadahiny mpisorom-be zay avy ho mpisoronabe vaovao amin'ereo zanadahiny gny hanolosy anizay.Araky gny fa nandidiany avo, dra horoany ho an'i Yaveh avo koa zay. ²³ Gny fagnatisy tegnany mpisoro dra ho oroa iaby .Ao sy ho hany zay.'' ²⁴ Nizaka tamin'i Mosesy draiky i Yaveh, nanao ho: ²⁵ ''Mizaka amin'i Arona vo reo zanadahiny , manao ho:''Zao gny lalany gny fagnatisy noho gny fahota:Gny fagnatisy noho gny fahota dra sy maisy vono eo amy toera zay namonoa gny fagnatisy oroa eo anoloan'i Yaveh.Zay gny masy indrindra. ²⁶ Gny mpisoro zay hanolosy anizay ho agny fahota dra hihina anizay.Sy maisy hohany agny amy fitoera masy ao amy hiazany gny tragno-lay fihaogna zay. ²⁷ Na iza na iza mikasiky gny henan'ereo dra ho avy nasy , dra raha misy lio mifafy amy akazo, dra sy maisy sasany agny amy toera masy gny farisy zay nipitihany. ²⁸ Fa gny vilagny tanimanga zay nampangotraha zay dra hovaky.Raha nampangotraha tagnatiny vilagny varahina zay, dra ao hokosehy vo hosasa malio amy rano zay. ²⁹ Gny lelahy sasany amin'ereo mpisoro dra mahazo mihina aminizay satria masy indrindra zay. ³⁰ Fa raha misy fagnatisy noho gny fahota ka andesiny ao amy tragno-lay fihaogna ba hanova fagnoregna gny liony dra ao sy hohany.Ao ho oroa zay.