¹ Niresaky tamin'i Mosesy i Yaveh , nanao ho: ² ''Miresaha amin'i Arona vo reo vo zanadahiny, vo amy vahoakin'Israely aby.Zakao anazy reo ze nandidian'i Yaveh: ³ 'Gny lelahy ao Israely ze mamono agn'omby , zanakagn'ondry, na osy eoamy toby na mamono anizay ambaliky toby, ba hanao soro zay- ⁴ ka raha sy minday anizay eo amy filira amy tragno-lay fihaogna ba hagnatisy zay ho soro ho an'i Yaveh eo anoloany tabernakely izy, dra ho meloky amy fandasahan-dra zay lelahy zay.Nandasan-dra izy, dra sy maisy ala eo amy vahoaliny zay lelahy zay. ⁵ gny anton'izay didy zay dra ba hinday gny vahoakin'Israely gny soron'ereo amin'i Yaveh eo amy filira ao amy tragno-lay fihaogna, ba hatolosy gny mpisoro ho fagnati-pihavana amin'i Yaveh, fa sy hagnatisy soro ao amy tanimboly malalaky. ⁶ Hamafy gny lio eo amy alitaran'i Yaveh eo amy filira ao amy tragno-lay fihaogna gny mpisoro;hagnoro gny sabora ho an'izay izy ba hagnome hagnisy mamerovero ho an'i Yaveh. ⁷ Ao sy hagnatisy gny soron'ereo amy sampy osy sasy gny vahoaky, fa tamin'izay gny nanovan'ereo fijangajanga .Ho lalana maharisy eo amin'ereo hatramy taranaky fara-mandimbiny zay. ⁸ Ao ianao hizaka amin'ereo ho:'Na iza na iza lelahy eo amin'Israely , na vahiny ze mony eo amin'ereo, magnatisy fagnatisy oroa na soro ⁹ ka sy minday anizay eo amy filira ao amy tragno-lay fihaogna ba hanao soro zay ho an'i Yaveh, dra ao ho ala eo amy vahoakiny zay lelahy zay. ¹⁰ Raha misy olo amy ankohonan'Israely , na misy vbahiny zay mony eo amin'ereo mihina lio, dra hanandrina gny tavako hanohisy anizay olo zay zaho dra hagnombosy anizay olo zay eo amy vahoakiny zaho. ¹¹ Fa oa amy liony gny ainigny biby.Nomeko anao gny lion'izay ba hampisy fagnavota eo amy alitara ho agny aindrareo, satria gny lio gny mampisy fagnavota, fa gny lio gny magnombosy hmy ay. ¹² Noho zay dra nizaka tamy vahoakin'Israely zaho ba sy hisy hihina lio amindrareo, na misy hihina lio ze vahiny mony eo amindrareo. ¹³ Na iza na iza amy vahoakin'Israely, na zay vahiny mony eo amin'ereo, zay magnety vo mamono biby na voro zay azo hany, dra handraraky gny lion'izay dra hatombiky tany gny lio. ¹⁴ Fa ao amy liony gny ainy raha-boaary aby.Zay gny nizakako tamy vahoakin'Israely ho:''Ao iandrareo sy hihina gny liony raha-boaary, satria ao amy liony gny ay gny raha-manan'ay aby.Na iza na iza mihina anizay dra ao ho roahy.'' ¹⁵ Gny olo kirairaiky mihina biby fa maty na voaviravira gny bibidia, na tera -tany na vahiny gny olo mony eo amindrareo, dra ao izy hanasa gny ankazony dra hampandro gny vatany amy rano, dra haloto izy mandra-paharivany andro. Dra halio izy aby eo. ¹⁶ Fa raha sy manasa gny akazony na mampandro gny vatany izy, dra ao izy hizaka gny helony.'''