¹ Nagnino ny fotoa fisara reo rasy fagnahy gny sy nahin'gny Tsitoha? Nagninoreo ze mahatoky an'Agnahary gny sy mahita gny fiavian'gny andron'gny fisarany? ² Misy olo rasy fagnahy zay mangalaky gny mariky gny sisin-tany; misy olo rasy fagnahy zay mangalaky an-kery gny andian'agnondry vo osy dra mametrak reo ao amin'gny valan'ereo manoka. ³ Mandroaky gny borikin'ereo ze kamboty rey ereo; mangalaky gny agnombin'gny manday vata ho ferova ereo. ⁴ Manery reo olo ory hiala amin'gny lalany ereo; reo olo mahatran'gny tany dra mivony andreo aby. ⁵ Ingo, reo olo mahatra reo dra miboaky miasa manahaky gny borikidia agny amin'gny tany hay, mitalia hany fatrasy;vasa mbo hanome andreo reo hany ho an'gny zanak'ereo avo i Araba. ⁶ Gny olo mahatra dra mizinza agny amin'gny sahan'gny olo hafa amin'gny hariva; misimpo gny voaloboky boak'amin'gny vokas'ireo olo rasy fagnahy ereo. ⁷ Mandry mifahasy sy misy akazo ereo gny hariva totolo; sy mana fisafora ereo amin'gny hatsiaky. ⁸ Lenan'gny eriky gny tendrombohisy ereo; sady mandry agnilan'gny vato lahibe akory sy manan-kialofa. ⁹ Misy reo rasy fagnahy manaisotra reo kamboty eo an-tratran-dreniny, vo olo rasy fagnahy ze mangala reo zaza ho fiarova amin'gny olo mahatra. ¹⁰ Fa reo olo mahatra dra mandehandeha mitahasy sy misiky; ndre dra mandeha resy aza ereo, dra mitarazo gny amboaram-barin'gny hafa. ¹¹ Reo olo mahatra dra manao dililo ao agnatin'gny rindrin'ireo rasy fagnahy reo; magnisakisaky ao amin'gny famiazan-divain'ireo rasy fagnahy ereo, fa ndre gny vatan'ereo dra mizalin'gny hetaheta. ¹² Misefosefo gny olo ao amin'gny tana, mikoraky fatrasy gny olo narasy, akory sy midary gny vavak'ereo Zagnahary. ¹³ Gny ilany tamin'ireo olo rasy fagnahy reo dra mikomy manohisy gny hazava; sady sy fatan'ereo gny lalany, gny mizano amin'gny lalany ereo. ¹⁴ Mialohan'gny andro mazava gny misanga gny pamono olo dra mamono gny olo mahatra vo gny olo ory; sahala gny pangalasy izy amin'gny hariva. ¹⁵ Miamby gny harivariva avo koa gny mason'ireo pizangazanga; ho izy ho: 'Sy hisy maso hahita anahy.' Manafosy gny tarehiny izy. ¹⁶ Ao amin'gny ezy gny hisavan'gny olo rasy fagnahy gny tragno; fa ereo dra mapisisgny gny vatan'ereo amin 'gny andro; sy miraharaha gny hazava ereo. ¹⁷ Amin'izy aby, gny ezim-pito dra manahaky gny maraindray; akory ereo dra sakezan'gny fapihorohoroan'gny ezim-pito. ¹⁸ Ndre zay aza anefa dra ho levo malaky ereo, manahaky gny roasy misikafo egny ambony rano; gny anzaran-tanin'ereo dra voaozo; sy misy olo andeha hiasa egny amin'gny tanim-boalobok'ereo. ¹⁹ Manahaky gny napisonihin'gny hain-tany vo gny hafana gny oram-panala ho rano, gny hangalan'gny fiaianan-sy hita reo ze nanota. ²⁰ Gny troky ze nanday anazy dra hagnaligno anazy; gny kankana gny hihina anazy an-kamamia; sy ho ssaroa sasy izy; amin'izay fomba zay, gny hahapotiky gny faharasia manahaky gny hazo. ²¹ Gny rasy fagnahy dra handrapaky gny apela momba zay sy nitera-zaza; sy magnisy soa amin'gny panday vat izy. ²² Kanefa Zagnahary bo mitariky gny olo mahery amin'gny alalan'gny heriny avo; misanaga Izy vo sy mapatazaky andreo amin'gny fiaina. ²³ Zagnahary dra mamela andreo hihevisy fa mandry fahalema ereo, vo faly gny amin'izay ereo, fe gny masony dra egny amin'gny lalany. ²⁴ Asondrosy reo olo reo; fe, ao agnatin'gny fotoa fohiky avo, dra ho lasa ereo; eka vatany, hahetry ereo; hahoro manahaky gny hafa aby ereo; ho tapahy mahanaky gny salohim-bary ereo. ²⁵ No sy zay, ia gny afaky hagnamary anahy ho pavandy; ia gny afaky hanao sinosino gny zakako?