¹ Dra namaly I Zofa Namatita dra nizaka ho: ² " Reo vesivesiko gny mahavy anahy hamaly malaky nohon'gny fahararia zay ao agnatiko. ³ Mahare zaka fatrasy zay magnala baraka anahy zaho, fe misy fagnahy boaka'amin'gny fahazavan-saiko mamaly anahy. ⁴ Sy fatasiniha se zao raha misy zao hatramin'gny andro fahaela, no nametraky gny olombelo teto an-tany Zagnahary: ⁵ gny fandresen'gny olo rasy fagnahy dra fohiky, vo gny hafalian'gny pagnirasira dra maharisy fotoa fohiky avo? ⁶ Ndre dra mahatakasy gny lagnisy aza gny haabony, vo magnaniky gny raho gny lohany, ⁷ dra mbo ho velo manahaky gny malotony gny olo sahala anizay; reo ze nahita anazy dra hizaka ho: 'Eza izy?' ⁸ Hitily sahala gny nofy izy dra sy ho hita; eka vatany, ho ezehy sahala gny fahita amin'gny hariva izy. ⁹ GNy maso ze nahita anazy dra sy hahita anazy sasy; gny toerany dra sy hahita anazy sasy. ¹⁰ Hiala siny amin'gny olo mahatra reo zanany; sy mainsy hapihery gny harena azony gny tagnany. ¹¹ Reo tolany dra feno tazaky gny fahatanora, fe handry mindray aminazy agnaty bo-tany zay. ¹² Ndre dra mamy ao am-bavany aza gny faharasia, ndre dra magnavony anizay aoa ambanin'gny lelany aza izy, ¹³ ndre dra mihazo anizay ao sady sy mamela anizay han deh fa mbo mihazo anizay soa ao am-bavany avo aza izy--- ¹⁴ dra mivaliky mafaisy gny hany ao agnaty sinainy; zary poizy boak'amin'gny bibilava ao agnatiny zay. ¹⁵ Mitely harena izy, fe handoa anizay ndraiky; haboakin'Agnahary boakao amin'gny trokiny zay. ¹⁶ Hitretrisy gny poizin'gny bibilava izy; hamono anazy gny lelan'gny menarana. ¹⁷ Sy hotia reo renirao, reo riakin'gny tately vo ere-dronono izy. ¹⁸ Hapihery gny vokasy ze nivalahany izy sady sy afaka gny hinana anizay; sy afaky gny ho tia gny harena azony tamin'gny varony izy. ¹⁹ Akory izy napizaly sady nanao sinosino gny olo mahatra; nangala an-keriny reo tragno ze sy naoriny izy. ²⁰ Akory izy dra sy nahay fahafaham-po tamin'gny vatany, dra sy afaky gny hahavonzy gny raha ze nangalany fahafinareta izy. ²¹ Sy mmisy izay tavela ka sy ho nilevogniny; noho zay dra manam-petra avo gny fahombiazany. ²² Hilasaky agnaty fahoria amin'gny fahamaroan'gny hareny izy; gny tagnan'gny kirairaiky ze ao agnaty fahatra dra ho avy hanoshisy anazy. ²³ No fa hamoeno gny trony izy, dra hatorakin'Agnahary aminazy gny firehetan'gny fahoriany; handrosaky anizay eo aminazy Zagnahary no fa eo an-pihinana izy. ²⁴ Ndre dra hilefa gny fitova-pialia vy aza zeho lelahy zeho, dra hahavoa anazy gny sipiky saba. ²⁵ Hitomboky boakao an-damosiny gny lefo vo ho tafaboaky; dra hiboaky boakao amin'gny atiny vatany gny tendrony gny manzelanzelasy; ho avy aminazy eo gny horohoro. ²⁶ Ezim-be tateraky gny miamby gny hareny; vo afo sy nisofy gny hagnoro anazy; handevo ze sisa tavela ao agnatin'gny lainy zay. ²⁷ Hagnambara gny helony gny lagnisy, vo hizoro vavolombelo hanohisy anazy gny tany. ²⁸ Hiely gny harena ao an-tragnony; hiroroany hiala aminazy amin'gny andron'gny fahorian'Agnahary reo fanagnany. ²⁹ Zay gny azaran'gny olo rasy fagnahy boak'amin'Agnahary, gny lova voatoka ho anazy boak'amin'Agnahary."