¹ Tamin'gny andron'i Ahza zanadahin'i Jotama zanadahin'i Ozia, pazakan'i Joda, dra niakasy nagnagny Jerosalema i Rezina pazakan'i Syria, Pelza zanadahin'i Remalia, pazakan'i Israely ba hananga aly amin'zay, fa sy nandresy anizay ereo. ² Notatery tagny amin'gny fianakavian'i davida fa nindray tamin'gny Efraima gny Syriana. Nangovisy gny fony, vo gny fon'gny vahoakiny, manahaky reo hazo agn'ala agny ahozongozon'gny rivosy. ³ Dra ho Yaveh tamin'Isaia ho: " Miboaha mindray amin'i Seara-jasoba zanakin'iha lelahy ba hisena an'i Ahaza eo amin'gny faran'gny lakan-dranon'gny kamory ambony, egny amin'gny lala magnagny amin'gny Sahan'gny Panasa lamba. ⁴ Zakao anazy ho: ' Mitandrema, ka taitaisy, ka matahosy ndre apitaorin'ereo tapa-poroha ro midonaky reo, amin'gny hasosoran'i Rezina vo Syria, vo Pelza zanadahin'i Remalia. ⁵ Syria, Efraima, vo gny zanadahin'i Remalia dra nanao teti-drasy hanohera anao; ho ereo ho: ⁶ " Andao sika hanafiky an'i Joda sady hapihorohoro anazy,ary aoky sila hamaky anazy vo hametraky gny pazakasika, gny zanadahin'i Tabeala ao." ⁷ Ho gny Tompo Yaveh ho :'' Sy ho tateraky zay; sy hiseho zay, ⁸ akory Damaskosy gny lohan'i Syria, vo Rezina gny lohan'i Daamskosy. Agnatin'gny dimy amby eni-polo tao, dra ho torotoro gny Efraima vo sy ho vahoaky sasy. ⁹ Samaria gny lohan'i Efraima, vo gny zanadahin'i Remalia gny lohan'i Samaria. Gno sy mitoby fatrasy amin'gny finoa handrareo, dra azo antoky fa sy ho voaro. ¹⁰ Nizaka tamin'i Ahaza ndraiky gny Tompo ho: ¹¹ " Mangataha famatara amin'i Yaveh Zagnaharin'iha; mangataha an'izeho amin'gny laliky ndre amin'gny hahabonin'gny agnabo." ¹² Dra ho Ahaza ho: " Sy hangataky zaho, ndre hisapa an'i nYaveh." ¹³ Dra namaly Isaia ho: " Tenoy, ry akohonan'i Davida. Sy apy andrareo vahoaky se gny misapa gny faharetan'gny vahoaky? Sy maisy misapa gny faharetan'gny Zagnahariko koa ra handrareo? ¹⁴ No zeho dra gny Tompo mihisy gny hagnome famatara andrareo: Iho, ho bevoka gny somondrara, hiteraky zaza lelahy, vo hitoka gny agnarany ho Imanoela. ¹⁵ Hihina rononomandry vo tately izy no fa mahay manda gny rasy vo misafidy gny soa. ¹⁶ Fa mialohan'gny hahaizan'gny zaza manda gny rasy vo misafidy gny soa, dra ho lao gny tamin'gny pazaka riho ze natahoran'iha riho. ¹⁷ Yaveh dra hinday andro sy mbo nisy hatramin'gny nialan'i Efraima tamin'i Joda amin'iha, vo gny vahoakin'iha , vo amin'gny fianakavian-dran'iha ---handesy amin'iha gny pazakan'i Asyria." ¹⁸ Amin'zeho andro zeho Yaveh dra hisioky lalisy avy lavisy egny amin'gny onin'i Egypta, vo tately laha tamin'gnyb tanin'i Asyria. ¹⁹ Ho avy aby izy aby hifitaky ambany egny amin'gny llohasaha lao, egny asefasefany gny harambato, amin'gny fefy silo aby egny,vo amiamin'gny tany fihinam-bilo egny aby. ²⁰ Amin'zeho fotoa zeho gny Tompo dra handrasy amin'gny hareza nofay tagny andafin'gny onin'i Eofrata--gny pazakan'i Asyria--gny loha vo gny volo tomboky; hangala riho volom-bava avo koa zay. ²¹ Amin'zeho andro zeho,dra hiteza agnomby vaviny masaiky vo kadra ro gny olo. ²² Vo nohon'gny hamaroan'gny ronono ze homen'ereo,dra hihina rononomandry izy, akory gny olon'aby tavela amin'gny tany eo dra hihina rononomandry vo tately. ²³ Amin'zeho fotoa zeho,teo amin'zeho nisy voloboky aman'arivony tombagna sekely volafosy arivo, dra hisy ndre ino ndre ino gno nsy silo. ²⁴ Handeha ho agny so hizaha amin'gny sipiky gny olo, akory gny tany aby dra silo aby. ²⁵ Hizano lavisy gny tately ze navaliky tamin'gny fangaly ereo, nohon'gny tahosy an'riho silo; fa ho toera fihinanan'gny biby fiteza vo kadra zeho