¹ Josafata zanadahin'i Asa dra avy Pazaka nandimby anazy.Nampatazaky gny vatany hanohisy an'Israely i Josafata. ² Nametraky tafiky tamin'ireo tana mifefin'i Joda aby izy, dra nametraky miaramila tagny amin'ereo tanin'i Joda vo tagny amin'ereo tananan'i Efraima, zay nibaboin'i Asa rany. ³ Nomba an'i Josafata i Yaveh satria nandeha tamin'ireo lalan'i Davida rany volohany izy, dra sy nitalia reo Bala. ⁴ Fa nahatoky any Zagnahary gny rany izy, dra nandeha tamin'ireo didiny, fa sy ba tamy fitondra-tegnan'Isrraely. ⁵ Dra napetrak'i Yaveh teo an-tagnany gny fanapaha ;nagnome voninahisy an'i Josafata gny joda aby. Nana hanagna vo voninahisy be izy. ⁶ Gny fony dra natao ho an'ireo lalan'i Yaveh.Nangalaky reo fitoera abo vo baon'Asaraha tagny Joda avo koa izy. ⁷ Tamy tao fahatelo nazakany dra nagniraky an'i Benaila, Obadia , Zakaria, Netanela dra i Mikaia manam-pahefany izy, ba hampianasy agny amin'ireo tananan'i Joda. ⁸ Niaraky tamin'ereo koa reo Levita:dra i Semaia, Netania, Zebadia, Asahela, Semiramota, Netania, Adonia, Tobia, dra Tob-adonia;dra niaraky tamin'ireo i Elisama vo Jorama mpisoro. ⁹ Nampianasy tagny Joda ereo, dra nana gny bokiny lalan'i Yaveh niaraky taminazy. Nandeha nanera gny tanann'i Joda aby ereo dra nampianasy teo amy vahoaky. ¹⁰ Nilasaky tamin'ireo fazakany tany aby ze nagnodidy an'i Joda gny horohoro an'i Yaveh, ba sy hiasian'ireo aly amin'i Josafata. ¹¹ Gny Filistina gnilany ninday fagnomeza ho an'i Josafata, vo volafosy ho fagnomezam-boninahisy . Reo Arabo koa dra ninday agn'ondry vo osy ho anazy, agn'ondrilahy 7 700 dra osilahy 7 700. ¹² Avy tena nahery i Josafata. Nagnory fiarova fatrasy vo tana fignaza tao Joda izy. ¹³ Izy dra nana fitova maro tao an-tananan'i Joda, vo miaramila -matazaky, lelahy mahery fo-tagny Jerosalema. ¹⁴ Tahoky gny listan'ereo , milahasy araky reo agnarany ankohon-dran'ereo:Laha tagny Joda, reo mpifehy gny agn'arivony;Adna mpifehy , dra niaraky taminazy gny lelahy mpialy 300 000; ¹⁵ tao afarany i Johanana mpifehy, dra niaraky taminazy gny lelahy 280 000; ¹⁶ tao afarany i Amasia zanadahin'i Yaveh;dra niaraky taminazy gny lelahy mpialy 200 000. ¹⁷ Laha tamin'i Benjamina;dra i Eliada lelahy natazaky tamy herim-po , dra niaraky taminazy gny mitam-pialia 200 000 niaraky tamin'ereo sipika vo reo ampianga; ¹⁸ magnaraky anazy i Jozzabada, dra niaraky taminazy reo 180 000 vonona ho amy aly. ¹⁹ Reo gny nanompo gny Pazaka, ankoasy reo napetraky gny Pazaka tamin'ireo tana mifefy nanerana an'i Joda aby.