¹ Gny fa avy tagny Jerosalema i Rehoboama, dra navory gny taranak'i Joda vo Benjamina, lelahy maramila voafily 180 000, ba hialy amin'Israely, ba hagnery amigny loniny gny fazaka ho an'i Rehoboama. ² Kanefa avy tamin'i Semaia gny lelahin'Agnahary gny zakan'i Yaveh, nanao anizahoky ho: 3"Zakao i Rehoboama zanadahin'i Solomona, pazakan'i Joda, vo gny Israely aby agny Joda vo Benjamina ho" ⁴ 'Izao gny zakan'i Yaveh: "Ka manafiky na mananga aly amireo rahalahindrareo handrareo. Gny olon'aby dra sy maisy mihery agny amigny fonegnany aby, fa izaho gny fa napitranga anizay."' Ko dra nakato gny zakan'i Yaveh ereo dra nihery sy ho amigny fanafiha an'i Jeroboama. ⁵ Nony tao Jerosalema i Rehoboama dra nananga tana tao Joda ho ferova. ⁶ Nananga an'i Betlehema, Etama, Tekoa, ⁷ Beti-zoro, Soko, Adolama, ⁸ Gata, Maresaha, Zifa, ⁹ Adoraima, Lakisy, Azeka, ¹⁰ Zora, Aialona, dra Hebrona izy. Reo gny tana mimanda tagny Joda vo Benjamina. ¹¹ Nagnamafy reo Manda izy dra nametraky pifehy tao amireo, niaraky tamigny pisy hany, dililo, dra divay. ¹² Nametraky apinga vo lefo tagny amigny tanan'aby izy dra nagnamafy reo vatany. Dra lasany i Joda vo Benjamina. ¹³ Reo pisoro vo reo Levita ze tao amin'Israely aby dra nagnato anazy boak'ao amireo fari-taniny. ¹⁴ Fa reo Levita niala tamireo tany fihinanam-bilony vo gny tragno vo tanin'ereo ba handehana agny Joda vo Jerosalema, akory fa niroahin'i Jeroboama vo reo zanadahiny ereo, ba sy hahafahan'ereo manao anireo adidy amigny maha-pisoro ho an'i Yaveh sasy. ¹⁵ Jeroboama dra nanendry pisoro ho anazy ho amireo fitoerany abo vo osy vo sai-zanak'agnomby ze fa namboariny. ¹⁶ Gny vahoaky avy tamireo fokon'Israely aby dra avy tafaran'ereo, reo ze nanefy gny fony hialy an'i Yaveh, gny Zagnahariny gny Israely; avy tao Jerosalema ereo, ba hanao soro ho an'i Yaveh, gny Zagnahariny gny razamben'ereo. ¹⁷ Ko dra nihamasinin'ereo gny fazakan'i Joda dra nagnamafy an'i Rehoboama zanadahin'i Solomona nandrisy gny telo tao, dra nandeha tamigny lalan'i Davida vo i Solomona nandrisy gny telo tao ereo. ¹⁸ Nangalaky valy ho anazy Rehoboama: dra i Mahalota, gny zanakapelan'i Jerimota, zanadahin'i Davida, vo Abihaila, gny zanakapelan'i Eliaba, zanadahin'i Jese. ¹⁹ Niteraky zanadahy taminazy izy: dra i Jeosy, Semaria, dra Zahama. ²⁰ Tafaran'i Mahalottta, dra nangalaky an'i Maka, zanakapelan'i Absaloma, i Rehoboama; niteraky an'i Abia, Atahy, Ziza, dra Selomita taminazy izy. ²¹ Rehoboama nitia an'i Maka, zanakapelan'i Absaloma, nihiasy reo valiny hafa vo reo valisindranony aby (nangalaky valy apela valo ambiny folo vo valisindrano eni-polo izy, dra lasa babanigny zanadahiny valo amby ropolo vo zanakapela eni-polo). ²² Rehoboama nanendry an'i Abia zanadahin'i Maka ho lahibe, pitariky eo amireo rahalahiny; fa nana-kevisy gny hanao anazy ho pazaka izy. ²³ Nanapaky tami-pahendrena i Rehoboama; napiely anireo zanadahiny aby nanera zanadahiny aby nanera gny tanin'i Joda vo Benjamina aby ho agny amigny tana mimanda aby izy. Nagnome sakafo be ho anereo avo koa izy dra nitalia valy maro be ho anereo.