¹ Tafaranizay Davida dra nanafiky gny Filistina dra nandresy anereo. Nalany teo amigny fifehezanigny Filistina i Gata vo gny tanany. ² Dra nandresy an'i Moaba izy boak'eo, dra lasa panopon'i Davida gny Moabita dra nandoa hetra taminazy. ³ Dra resin'i Davida i Hadarezera, pazakan'i Zoba tao Hamata, raha bo nandeha ba hametraky gny lalany teo amoronigny reniranon'i Eofrata i Hadarezera. ⁴ Nanambosy kalesy arivo, vo pitikisy sovala fitorivo, dra pandeha atomboky roaly i Davida. Nitraingon'i Davida reo sovalanigny kalesy aby, fa nanoka ze mahapy kalesy zato izy. ⁵ Nony avy ba hagnapy an'i Hadarezera pazakan'i Zoba reo Syriana boak'agny Damaskosy, dra namono lelahy Syriana roarivo sy roaly Davida. ⁶ Boak'eo dra nametraky maramila tagny Syriana Damaskosy i Davida, dra lasa panopon'i Davida gny Syriana dra nandoa hetra taminazy. Namen'i Yaveh fandresen'i Davida na teza na teza nandehanany. ⁷ Nalan'i Davida reo apinga volamena aby tegny amigny panopon'i Hadarezera dra nizaka tagny Jerosalema. ⁸ Tagny Tibata vo Kona, tanan'i Hadarezera, dra nangalaky varahy maro i Davida. Izay varahy zay gny nanovan'i Solomona gny ranomasim-barany, gny andry, vo gny fitova varahy taty afara. ⁹ Nony ren'i Toy, pazakan'i Hamata, fa resin'i Davida gny tafik'i Hadarezera pazakan'i Zoba aby, ¹⁰ dra nalefan'i Toy tagny amin'i Davida i Hadorama zanadahiny ba hiarahaba vo hisaosy anazy, akory Davida nialy yamin'i Hadarezera vo nandresy anazy, dra akory nananga aly tamin'i Toy i Hadarezera. Dra Hadorama dra ninday raha vita tamigny volafosy, volamena, dra varahy niaraky taminazy. ¹¹ Natokan'i Davida pazaka ho an'i Yaveh reo raha reo, niaraky tamigny volafosy vo volamena ze nandesiny boak'amigny firenena aby: Edoma, Moaba, gny vahoak'i Amona, reo Filistina, dra gny Amalekita. ¹² Namono Edomita valo arivo vo raialy i Abisay zanadahin'i Zeroia tao amigny Lohazaka-sira. ¹³ Nametrahany maramila tao Edoma, dra lasa panopon'i Davida reo Adomita aby. Namen'i Yaveh Fandresena i Davida na teza na teza nandehanany. ¹⁴ Nazaka teo amin'Israely aby i Davida, dra napihasy gny rariny vo gny fahamarigna tamigny vahoany aby izy. ¹⁵ Joaba zanadahin'i Zeroia gny pifehy gny tafiky, dra Josafata zanadahin'i Ahiloda gny pita-sorasy. ¹⁶ Zadoka zanadahin'i Ahitoba vo Abimeleka zanadahin'i Abiatara gny pisoro, dra Saosa gny panora-dalana. ¹⁷ Benaia zanadahin'i Joiada gny nifehy reo Keretita vo Peletita, dra reo zanadahin'i Davida gny panolosay mitariky gny pazaka.