¹ Dra gny fa tafapetraky tao amigny tragnony gny pazaka, dra hoy izy tamin'i Natana paminany ho: "Ingo, monina agnaty tragno sedera zaho, nefa gny fiaranigny fagneken'i Yaveh dra mizano ao ambany lay." ² Dra hoy Natana tamin'i Davida ho: "Mandehana, atovy ze ao aponao, fa momba anao Zagnahary." ³ Nefa tamigny hariva igny avo koa dra avy tamin'i Natana gny zakan'Agnahary, nanao anizahoky ho: ⁴ "Mandehana dra zakao i Davida panopoko ho: 'Izao gny zakan'i Yaveh: Sy hagnory tragno honahy ba hipetrahako hanao. ⁵ Fa sy bo nipetraky tao agnaty tragno zaho nanomboky tamigny andro ze nindesako an'Israely niakasy dra hatramin'izao andro izao. Fa koa, nipetraky tao agnaty lay zaho, dra tabernakely, tamigny toera sambihafa. ⁶ Tamigny toeran'aby ze fa nifindrako teo amin'Israely aby, moa ra Zaho fa nizaka na ino na ino tamireo pitarik'Israely ze nitendreko ho piamby gny vavahadiko, nanao anizahoky ho: "Nagnino handrareo gny sy nagnory tragno sedera hinahy?""' ⁷ "Amizao dra, zakao Davida panopoko ho: 'Izao gny zakan'i Yaveh toponigny maro: Izaho gny nangalaky anao boak'amigny tany fihinanam-bilo, boak'amigny fagnarahan'agnondry, ba ho panapaky eo amin'Israely oloko hanao. ⁸ Nomba anao Zaho na teza na teza nandehananao dra nandringa reo fahavaloko sy ho eo anoloanao, dra hameko agnara, manahaky gny agnaran'ireo ze lahibe eto agnabonigny tany hanao. ⁹ Hanendry toera raiky ho an'Israely oloko zaho dra hametraky anereo ao, ba hipetrahan'ereo ao amigny toeran'ereo manoka dra sy ao amigny toeran'ereo manoka dra sy hana ahiahy sasy. Reo olo rasy fagnahy dra sy hapahory anereo, manahaky gny nataon'ereo taloha sasy, ¹⁰ manahaky gny nataon'ereo nanomboky tamigny andro ze nandidiako reo pisara ba ho eo amin'Israely oloko. Boak'eo hapandavo lefo reo fahavalonao aby zaho. Fagnapin'izay dra zakako aminao fa izaho, Yaveh, dra hagnory tragno raiky honao. ¹¹ Ho avy zay gny fa tateraky gny fotoanao ze handehananao agny amireo razambenao, dra hananga reo taranaky mandimby anao zaho, dra ho anigny raiky amireo taranakao, dra Izaho gny hametraky gny fazakany. ¹² Hagnory tragno honahy izy, dra Izaho hametraky gny seza fiandriana mandrakizay. ¹³ Ho rany zaho, dra izy ho zanako. Sy halako aminazy gny fahatokianigny fagnekeko, manahaky gny nangalako anizay tamin'i Saoly, ze nanapaky talohanao. ¹⁴ Hapetrako ho eo amigny tragnoko vo ho eo amigny fazakako mandrakizay izy, dra gny seza fiandrianany dra hitoby mandrakizay."' ¹⁵ Dra nizaka tamin'i Davida i Natana dra nitatisy reo zaka aby reo tagny aminazy, dra nizaka taminazy mombanigny fahita raiky manotolo izy. ¹⁶ Dra nilisy Davida pazaka dra nipetraky teo anoloan'i Yaveh; hoy izy ho: "Iza moa zaho, ry Yaveh zagnahary, dra ino gny fianakaviako, gny nandesinao ho amizao tazo zao zaho? ¹⁷ Fa raha kely teo amasonao zay, ry Zagnahary. Nizaka gny amigny fianakavianigny panoponao ze bo ho avy Hanao, dra napiseho anahy reo taranaky ho avy, ry Yaveh zagnahary. ¹⁸ Ino koa gny azoko? Namenao voninahisy gny panoponao. Namenao voninahisy fakatoava manoka gny panoponao. ¹⁹ Ry Yaveh, nohonigny amigny panoponao, vo ba hahatateraky gny tazo manoka, gny nanovanao anizao raha lahibe zao ba hapihary reo asanao lahibe aby. ²⁰ Ry Yaveh, sy misy manahaky Anao, dra sy misy Zagnahary afa-sy hanao, araky ze fa renay mandrakariva. ²¹ Fa iza gny firenena eto agnabonigny tany manahaky gny Israely olonao, ze navotanao, Zagnahary, boak'agny Egypta ba ho vahoaky honao, ba hanao agnara ho anao amireo asa lahibe vo mahagaga? Reo firenena dra niroahinao sy ho eo anoloanigny vahoakao, ze navotanao tamin'i Egypta. ²² Nataonao ho vahoakao manoka mandrakizay i Israely, dra Hanao, ry Yaveh, dra lasa Zagnaharin'ereo. ²³ Ko amizao, ry Yaveh, hitoby mandrakizay anie gny fapanatena ze nataonao mahakasiky gny panoponao vo gny fianakaviany. Atovy araky ze fa nizakanao. ²⁴ Hitoby mandrakizay anie gny agnaranao dra ho lahibe, dra hizaka gny olo ho: "Yaveh toponigny maro gny Zagnaharin'Israely,' raha apetraky eo agnatrehanao, gny tragnoko, Davida panoponao. ²⁵ Fa hanao, ry Zagnahariko, dra fa napiseho tamigny panoponao fa hagnory tragno honazy Hanao. Izay gny atony, nahitako, izaho panoponao, faharisiha hivavaky aminao. ²⁶ Ko amizao, ry Yaveh, Hanao gny Zagnahary, dra fa nanao anizay fapanatena soa zay tamigny panoponao: ²⁷ Dra sitrakao gny hitahy gny tragnonigny panoponao, ba hitohizanizay mandrakizay eo agnatrehanao. Hanao, ry Yaveh, gny nitahy anizay, dra ho voatahy mandrakizay zay."