¹ Akabvunza eiti: Zvirokwazvo ndinomubvunzai, panoamweni pano hazotongombooni rufu, dhakara aona umambo waMwari wotchiuya nosimba ² kupera komazuya matanhatu, Djesu akatora Peduru, naTiago, uye naJuau, wakaenda nawo, ari woga, kudhunhu guru; kuguma kaakaita padhunhu, Djesu wakapenya pamberi pawo. ³ Matchira ake akadjeka, otchenesesa, akuna munhu panyika unophadza kudharo. ⁴ Uye Paakaoneka Eria naMozesi, aibhuya na Djesu. ⁵ Peduru wakabvunza Djesu: Mufundisi zvangazvirinani kuti tigare hedhu pano: toruka matumba matatu: rimwe renyu, rimwe raMozesi, rimweni raEria. ⁶ Iyena angaasikazwizi zvaireketa, Ngokuta angaakafukidzwa. ⁷ Hino Kakazotchita makuta, akazoa fukidza, kwakauya izwi mumakuta reiti: Uyu ndie Mwana wandinodha; mupurutanei. ⁸ Tchiriporipotcho paaka ringisa mumutcheto mao, azii kuzoona munhu, wakasara Djesu ega noaona. ⁹ Paitchita mudhunhu, Djesu wakaabvunza kuti musabvunze munhu zvamaona, kudzamara Mwana woMunhu wapurumuka kuwakafa. ¹⁰ Iyona akazwi tchengeta mumoyo yao, otchizobvunzisana zwi izwona "zwokumuka muakafa". ¹¹ Hino akozomubvunzisa: Ngondawa yei atari anoti Eria ngatange kuya? ¹² Iyena wakaadhaira: Zyirokwazo kuti Eria unotanga kuya, ozogadzirisa zviro zwese. Hino nomutarirwe wozwakaizwa ngondawa yoMwana oMunhu, kushuphika kwakwe kukuru nokunyozwa? ¹³ Hinopano ndinomubvunzai kuti Eria wakauya, nomutarirwe wazwakaizwa. ^{15 14} Paakauya afundi, akaona anhu ajinji akamutenderera; noatari amwemweni aireketedzana nao. v 15 Anhu ajinji paakamuona, akapatika. Akamugogomera komutchungamidza. ¹⁶ Djesu wakawabvunzisa: Tchi tchamuri kureketedzana nao? ¹⁷ Umwe woajinji wakadhaira akati : Mufundisi, ndauya nomukorore wangu, unomwiya wetchimumu. ¹⁸ Zwikamubhata, zwinomuitisa phua, otanga kubhudha mafuro, unogedha gedha, oh omerwa. Ndabvunza afundi yenyu kuti adzingire mwiyeo, hino azii kuukwanisa. ¹⁹ Djesu wakaadhaira: Ìh... dzinza risikatendi! dhakara narini tiri tese? Dhakara nari ndotchindomubhatsirai? Muunzisei kuno. ²⁰ Akamuendesa kwaangari. Pakandomuona, tchiriporipotcho mwiya wakamuitisa phua, ukamumbwedzera pasi, akamburumbuka etchibvisa mafuro. ²¹ Djesu akabvunzisa bhabha ake weit: zvakamutangira rini? Akadhaira kuti: kubvira pakubharwa kwake. ²² Kajinji unosomumbwedzera patchoto uye namumbvura yetchidha kumuuraya. Kudhai metchikwanisa kuita tchiro, tizwireiyo ngoni, uye mutibhatsire. ²³ Djesu wakambvunza: Iwewe unobvira? Zvese zvinoitika kuna aya anonotenda. ²⁴ Tchiriporipotcho bhabha omwana aka khuwa akati: Ndinotenda! Ndibhatsirei nokutama kutenda kwangu. ²⁵ Djesu pakaona anhu ajinji otchi gugumirana otchiungana, wakadzingirisa mweya yotswina atchiti: Mwiya otchimumu uye nowodhambanzé, ndinokubvunza budha maari, uye usazo whirirezwe. ²⁶ Nguwa yeneio mwiya wakahua otchimuitisa phuwa, kwaakubhudha. Mwana akazoita hinga wafa, zwokuti ajinji aiti wafa. ²⁷ Djesu wakamubhata pamuoko, akamumutsa; iyena wakamuka. ²⁸ Pakapinda mumba, afundi akamubvunzisa arioga: Nguei isusu atizi kukwanisa kudzingira? ²⁹ Wakaadhaira eiti : Mushobho uh womwiya aubhuti nomushobho umweni pasina munato omutsanyo. ³⁰ pamberipo akazobhudha oenda kuGarireya. Asi Djesu wangaasingadhi kuti anhu azvizie, ³¹ Nokuti waifundisa afundi, etchiabvunza: Mwana womukomana womunhu utchabhatwa nowanhu, uye atchamuuraya; paanofa, utchazopurumuka pazuwa rotchitatu. ³² Asi awona anga asika natsi kuzwibhata zwaireketa aitya kumubvunzisa. ³³ Akaguma paKafarnaume, paakapinda mumba,wakaabvunzisa: maibvunzisanei pataiuya? ³⁴ Aona aka nyarara; ngokuti anga etchibvunzisana mugwanza, kuti ndiani utchaita mukuru patiri pano. ³⁵ Paakagara pasi, wakadhainza afundi, uye wakaati: munhu unodha kuita okutanga, ngaite yokupedzesera paese, musenzi oh ese. ³⁶ Wakatora mwana mudhoko, akamukanda pakati pao, wakamutakura, eiti: ³⁷ Wese Unotambira umwe wowana adhoko muzina rangu, unonga wanditambirao; uye wese unonditambira, haatambiri inini ndega, asi nauya wakandituma. ³⁸ Juau wakumubvunza eiti: Mufundisi, taona munhu otchidzingira mwiya yotswina muzina renyu, uye iyena atiteeri. Takamurambisa, ngokuti hatiteeri, ³⁹ Djeso wakati: Musamurambise; ngokuti apana unoita zvishamiso nozina rangu; pedzepo ondireketa kushata. ⁴⁰ Uye, uya asikarwi nesu, unesu. ⁴¹ Nokuti umwe noumwe unokupai ndiko yomvura yokumwa ngozina rangu, ngokuti muri waKirisitu, zwozwirokwazvo ndinoti, haazongoruzi mubhairo wake. ⁴² Uye Munhu unoshora umwe hoadhoko anotenda kuna ini, zvirinani kumusungira bhuwe guru pamutsipa wake, Kakumkhandira mubhahar. ⁴³ Kudhai moko wako yotchikutadzisa, ugure; zvirinani kupinda muupenyu wakaremara, panekupinda mugehena, nomoko dzese kumuriro usinga peri ⁴⁴ _ ⁴⁵ Kuti murenje wako yotchikutadzisa, ugure, zvirinani kupunda muupenyu uri tchigono pane kupinda mugehena no murenje dzese ^{46 47} Dhai dziso rako ritchikutadzisa, ritokodhore utswete; zwirinani kupinda humambo yokudhenga no dziso rimwe, pane kupinda mugehena nomadziso ese. ⁴⁸ kuna honye dzisingafi , muriro usikadzimi. ⁴⁹ Ngokuti umwe ngaumwe utcharungura munyu womuriro. ⁵⁰ Munyu wakanaka; kuzoti ukaramba kurungura, tinozou venga nei? Garai nomunyu imwimwi; norugariko kuwadhoni enyu.