¹ Paoly, mpanompon'i Jesosy Kristy, da voangaiky ho apostoly, ary votoka ho mpitory gne filazantsaran'Andriamanitra. ² Io gne fagnambara izay efa nampagnantegnainy mialoha tame gnalalan'ireo mpaminany tao ame Soratra Masina. ³ Izany da momba gne Zanany lahy, izay teraka avy ame taranak'i Davida araky e nofo. ⁴ Tame fitsangana tamin'ny maty, da vômbara ho gne zanaka maherin'Andriamanitry tame herin'e Fagnah Fanamasina Izy da i Jesosy Kristy Tompotsika. ⁵ Tamin'ny gnalalany gne nandresatsika fahasoava sy gne maha-apostoly ame fagnekè gne finoa eo ame firenena agnaby, noho gne Agnarany. ⁶ Amin'ireo firenena ireo, enareo koa da voahaiky ho an'i Jesosy Kristy. ⁷ Itiky taratasy itiky da ho andreo agnaby ao Roma, izay malalan'Andriamanitra, izay voahaiky ho olo-masina. Ho aminareo anie gne fahasoava, sy gne fiadana avy amin'Andriamanitra Raintsika sy Jesosy Kristy Tompo. ⁸ Vôloany, isôrako gn'Andriamanitriko ame gn'alalan'i Jesosy Kristy noho gn'aminareo agnaby, satria gne finoanareo da efa nozakay magnerana izao tontolo izao. ⁹ Fa Andriamanitra gne vavolombeloko, izy tompoiko ao ame fagnaiko ao ame filazantsaran'e Zanany, fa tsy miegny e mikora anareo Aminazy iao. ¹⁰ Mangataky feizay Iao ame vavaky aniko gne mba haombiazako ame fomba agnaby araka gne sitrapon'Andriamanitra mba ho avy aminareo. ¹¹ Fa iao da magniry ahita anareo, mba hafako magnomè fagnomeza-pagna sasantsasany ho anareo, mba hampahery anareo. ¹² Iza, da magniry Iao gne mba hifankaherezantsika etoa ategnategnantsika, ame alalan'ny finoa tsirairaiky agnaby, gn'anareo sy gne anahy. ¹³ Androany tsy tiako enareo tsy ahafatatry, e rahalahy, hoe matetiky iao gne mana kinia hagnato anareo, (nefa Iao da voasaka feizay hatram'izao), mba hahazoa vokatry eo aminareo, akô gn'efa nahazoako gn'ambin'ireo Jentilisa evakoa. ¹⁴ Iao da mpitrosa amindreo Grika sy gne vahiny, ame hendry sy gne mola. ¹⁵ Noho iza, amina, da vonogny evakoa iao hitory gne filazantsara ho anareo agny Roma. ¹⁶ Fa iao da tsy megnatry ame filazantsara, fa iza gne herin'Andriamanitra ho famoze ireo rehetra izay mino, ho agne Jiosy aloha da ho agne Grika. ¹⁷ Fa amin'iza no ampisehoa gne fahamarinan'Andriamanitry avy ame finoa ho ame finoa, araka izay voasoratry hoe : '' Gne marigny da ho velo ame finoa.'' ¹⁸ Fa gne fahavigniran'Andriamanitry da niboda avy t'andanitra manohitry gne haratsiam-pagna sy gne tsy fahamarignan'olo, izay manamba gne fahamarigna amign'alalany gne tsy fahamarigna. ¹⁹ Izà da izay fatatry momban'Andriamanitra da itandreo maso. Fa nohazavain'Andriamanitra izy ireo. ²⁰ Fa ireo endrikiny tsy taza maso, tazakany tsy misy fetra sy maha-Andriamanitra anazy, da hita nagnazava tsara, nanomboky tame famorona izao tontolo izao, tame zavatry noforogny. Noho iza da tsy mana fialan-tsigny indreo. ²¹ Iza da satria, na da efa nafantatry e momban'Andriamanitra aza indreo, da tsy nagnome voninahitry ame maha Andriamanitra anazy, na koa misaotry anazy. Fa kosa, lasa mola tao an-tsainy izy ireom ka niha-mizy gne fo badon-dreo. ²² Indreo da nilaza andreo ho hendry, nefa da nia mola. ²³ Gne voninahitr' Andriamanitra tsy mety lo da natakalondreo sarin'endrik'olombelona mety lo, voro, biby, mana-tomboky efatry, sy ireo ra-mikisaky. ²⁴ Noho iza da natolotr'Andriamanitra ame filàny gne fondreo ame fahalotoandreo, mba ho afa-baraka eo amindreo evakoa gne tegnandreo. ²⁵ Indreo nanakalo gne fahamarinan'Andriamanitra tame vandy, ary izay midera sy magnompo gne zava-boary fa tsy ilay Nahary, izay deraina mandrak'izay. Amena. ²⁶ Noho izàny, izay gne nagnomezan' Andriamanitra ho ame sain-dratsy mamoafady indreo, fa gne viavindreo da nanakalo gne fifandresa voajagnahary tamè tsy voajagnahary. ²⁷ Mitovy amin'izany koa, gne lehilahy, fa nagnapetraky gne faniny amè viavy izy ka narisike filàny ara-nofo tamindreo samy lehilahy indereo. Indreo da lehilahy nagnano fihetsiky mahamegnatry miray ame lehilahy da nandray tamè tegnany gne sazy izay tandrify andreo noho gne fahavetavetandreo. ²⁸ Satria tsy magneky gne hanagny an'Andriamanitra ao amè fieritreretany indreo, da nomeny saina tsy mendriky indreo, mba hamboara ireo zavatry tsy mety. ²⁹ Indreo da feno gne tsy fahamarina, faharatsiagny, fagnirihagny, ary gne lolom-po agnaby. Indreo fa feno fialogna, famonoa, hakanitao, fitaky, ary fagniria ratsy. ³⁰ Indreo da tia midigny roho, mpanendrikendriky, ary malaigny an'Andriamanitra. Indreo da mahery setra, miavogny, ary miteratera. Indreo da mpamorogny zavatry ratsy, ary indreo koa da tsy magnaraky e zakagne ray aman-dreny ³¹ Indreo da bado, indreo da tsy azo itokisa, tsy misy fitiava voajagnahary, ary tsisy famindram-po. ³² Lalandreo gne lalàn'Andriamanitra, fa indreo zatry magnano ra akô izany da mendriky gne fahafatesa. Fa tsy io raha io avao gnaniny, fa magneky ireo hafa izay magnano akô igny koa.