¹ Fa nisy lehilahy raiky nangia hoe Ananiasy, niaraky tamin'i Safira vadiny, nivarotry anjara tany, ² ary notagnany gne sasany tamin'ireo vola vidiny (gne vadiny evakoa nahafantatry izà), ary ninday gne ampahany hafa tamin'izà ary nametraky anazy teo an-tombondreo apostoly. ³ Fa Petera nizàka hoe: "Ananiasy, nahoa gne nofenoin'i Satana vandy gne fonao havandy amè Fanahy Masina, sy hitazony gne sasany tamin'ilay vadin-tany? ⁴ Raha mbola tsy lafo izà, tsy nijanogny ho fanagnanao manokany izà, ary rehefa lafo izà, tsy teo amè fahefanao izà? Akongaia gne niheritreretanao izà zavatry izà tao amè fonao? Tsy navandy tamign'olo anao, fa tamin'Andriamanitry." ⁵ Rehefa naharè ireo teny ireo, da lavo tamè tany Ananiasy ka afaky gne ainy, ary nalia tanteraky izay rehetra naharè izà. ⁶ Ary indreo tovolahy da niroso namono lamba anazy, ka nindesindreo nijoso izy ary nalevy. ⁷ Tafaran'gne lera telo teo ho eo, da niditry gne vadiny, mbola tsy nahalala izay nitranga. ⁸ Petera nizàka taminy hoe: "Zakay aminah raha izà gne namarotanareo gne tany." Da hoy izy: "Eka, izà mintsy." ⁹ Avy eo i Petera nazàka anazy hoe: "Nahoa anareo gne nagneky hiara-hitsapa gne Fagnahin'gne Tompo? Igny, gne tombok'ireo olo izay nandevy gne vadinao da eo ambarangara, ary hagnajoso anao indreo. ¹⁰ Ary lavo tselatsela teo amè tombony izy ary afaky gn'ainy. Rehefa niditry tao indreo tovolahy, da nahita anazy maty, ka ninday anazy nijoso sy nandevigny anazy takeky gne vadiny. ¹¹ Raiki-tahotry gne fiangona agnaby, sy indreo rehetra izay naharè izà zavatry izà. ¹² Famantara sy fahagaga maro gne niseho tamindreo vahoaky tamè alalan'gne tagnandreo Apostoly. Niaraky teo amè fialotr'i Solomona indreo. ¹³ Fa tsy nisy olo hafa nanagny fahasahia hiaraky amindreo; kanefa, gne vahoaky da nanandratry fankasitraha avo andreo. ¹⁴ Ary nihamaro indreo mpino izay nagnampy isa gne Tompo, andian-dehilahy sy viavy, ¹⁵ ka nindesindreo t'andala hatramè marary ary napatoriandreo teo ambony fandria sy farafara, ka mba rehefa mandalo i Petera, da mety mba hanalotry gne sasany amindreo gne alotriny. ¹⁶ Teo evakoa da maro gne vahoaky gne niara-tonga avy ao amin'ireo tanà nagnodidiny an'i Jerosalema, ninday endreo marary sy nampahorian'gne fagna-maloto, ary da sitrany izy rehetra. ¹⁷ Fa nitsanga gne mpisoronabe, sy indreo izay niaraky taminy (izay sekta an'ireo Sadoseo); ary da feno fialogna indreo ¹⁸ ary nangala an-kery indreo apostoly, ary nampiditry andreo t'andragno mizy. ¹⁹ Ary nandritran'gn'ariva da nisy anjelin'gne Tompo nanokatry gne varangaran'gne fonja ary nagnajoso andreo tao, sy nizàka hoe: ²⁰ "Alao, mitsangana ao amè tempoly ary mizàka amè olo ireo zakà rehetran'ity fiaigna ity." ²¹ Rehefa naharè izà indreo, da niditry tao amè tempoly indreo raha vao marandray gn'andro ka nampianatry. Fa avy gne mpisoronabe, sy indreo izay nindray taminy, ary nangaiky gne filan-kevitry rehetra, indreo loholo rehetran'gne vahoakan'Israely, ary nalefa tam-ponja mba hagnajoso andreo apostoly. ²² Fa rehefa avy gne mpiandry raharaha da tsy nahita andreo tao am-ponja esana, ka nipody indreo ary nagnambara hoe: ²³ "Nahita gne trano mizy nihidy tsara iahay ary gne mpiamby da nijoro niamby t'ambarangara, fa rehefa novahanay izà tsy nahita olo tao agnatiny esana iahay." ²⁴ Ary rehefa naharè izà gne lehiben'gne mpiamby gne tempoly sy indreo mpisoronabe, da very hevitry tanteraky indreo nahakasiky gne zavatry mety hitranga. ²⁵ Fa nisy olo avy ary nagnambara tamindreo hoe: "Indreo lehilahy izay naninareo t'andragno mizy da mitsanga ao amè tempoly ary mampianatry gne vahoaky. ²⁶ Ary lasa gne lehiben'gne mpiamby nindray tamindreo mpiandry raharaha, ary ninday andreo nipody, fa tsy tamè herisetra, satria nalia gne vahoaky indreo sao ho torahany vato. ²⁷ Rehefa ninday andreo indreo, da nandefa andreo teo agnatrehan'gne filan-kevitry. Nagnadiady andreo gne mpisoronabe, ²⁸ nizàka hoe: "Noraranay mafy anareo mba tsy hampianatry amin'io agnara io, kanefa, nofenonareo gne fampianaranareo i Jerosalema, ary tianareo ho tompon'andraikitry amè ran'io lehilahy io iahay." ²⁹ Fa i Petera sy indreo apostoly namaly hoe: "Iahay da tokotry hagneky an'Andriamanitry nohon'gne olo. ³⁰ Gne Andriamanitry gne razanay nanangagny an'i Jesosy, izay novononareo teo amè hazo fijalia. ³¹ Andriamanitry nanandratry Anazy teo amè tagnan'ankavagnany mba ho Tompo sy Mpamonjy, mba hanome fibebaha ho an'Israely, sy famelan-keloky. ³² Iahay da vavolombelo gne amin'izà zavatry izà, ary gne Fanahy Masina evakoa, izay nomen'Andriamanitry ho andreo magneky Anazy. ³³ Raha naharè izà indreo tao amè filan-kevitry, da vignitry indreo ary nikasa hamono ireo apostoly mintsy. ³⁴ Fa nisy Fariseo raiky angia hoe Gamaliela, mpampianatry lalàgna, izay najain'gne olo rehetra, nitsanga ary nagnafatrafatry andreo apostoly mba ho alaigny hajoso kidy agny ivelany. ³⁵ Ary izy nizàka tamindreo hoe: "Lehilahy Israely, tandremo tsara gne amè zavatry izay ho aninareo miaraky amin'ireo olo ireo. ³⁶ Fa taloha tany, Teodasy nizàka gne tegnany ho zavatry, ary vondron'olo, tokotry ho efa-jato, nagnaraky anazy. Novonoy izy, ary indreo rehetra izay nagneky anazy da niparitaky ary tonga tsinotsino. ³⁷ Avy teo io lehilahy io, Jodasy avy any Galilia da nitsanga tamè andron'gne fagnishà ary nangala olo maromaro hagnaraky anazy. Izy evakoa da novonoigny, ary indreo egnaby izay nagneky anazy da niparitaky. ³⁸ Ary amisia da ambarako aminareo, magnalavira an'ireo lehilahy ireo ary apetray raiky agny indreo, fa raha avy amin'olo io drafitry na asa io, da ho foagny izà. ³⁹ Fa raha avy amin'Andriamanitry kosa, da tsy ho azonareo ho foagnà ireo; mety ho hitanareo aza fa miady amin'Andriamanitry anareo." Da resy lahatry indreo. ⁴⁰ Ary nangaiky andreo apostoly hiditry indreo ary nifiky sy nagnafatrafatry andreo tsy hizàka amè agnaran'i Jesosy, ary namela andreo handeha. ⁴¹ Indreo da nandao gne filan-kevitry tam-pifalia satria mendriky gne hitondra fahafam-baraky ho an'ilay Agnara. ⁴² Taorian'izà isan'andro, tsy nitsahatry nampianatry sy nitory an'i Jesosy ho Kristy indreo, teo an-kianjan'gne tempoly sy tamè tragno maro.