¹ Farae, ry rahalahy, mifalea amy Andriantompo ao. Tsy manahiragne ahike ty magneregne manoratse i raha rey hoanareo. Hiambegne anareo i raha rey. ² Mitaoa amy o amboa reo. Mitaoa amy mpanao raty reo. Mitaoa amy fanapaham-batagne eo. ³ Fa tika ro voasavatse. Le tika ty manompo amy ty fagnahin'Andrianagnahare. Le tika ro mirebeke amy i Kristy Jesosy ao, naho tsy mitoky amy ty nofotse. ⁴ Ndre zay aza, raho am-batako le afake mitoky amy ty nofotse. Naho misy ndaty manao ty vatae te managne fitokisagne amy ty nofo'e, afake manao ambone izay raho. ⁵ Nasavatse tamy ty andro fahavalo raho, terake tagnaty vahoa i Israely ao, tamy ty foko Benjamina, Hebreo tamy Hebreo ireo raho, arake ty lily, le Fariseho raho. ⁶ Tamy ty lio fo, le nagnejeke ty fiangonagne raho; naho amy ty fahamarenagne ambane lily, le tsy manan-kakeo raho. ⁷ Fa ndre ino ndre ino tomboe hoahy, le rambeseko ho fateantoke noho ty am'i Kristy. ⁸ Naho ty tena ie, nisaheko ho fate antoke aby ze raha aby amy ty hilala am'i Jesosy Kristy Andriantompoko ao. Noho i Reke le nariako aby ze kila raha. Atako ho fako aby rey, mba hazahoako i Kristy, ⁹ le hotrea Amae ao raho. Tsy managne hato hoe ty vatako boak'amy ty lily raho. Fa ie, managne ty hato boake amy ty finoagne i Jesosy Kristy raho. Hato boake amy Andrianagnahare mifototse amy ty finoagne. ¹⁰ Henaneo le te hahay Aze, naho ty here ty fitsanganae tamy mate naho ty fiharoagne amy fijaleae rey raho. Te hiova amy ty alala i Kristy raho mba hanahafako ty nivilasiae, ¹¹ soa te hahatsapako ty nitsanganae amy mate. ¹² Tsy maregne te fa nandrae o raha reo zao raho, naho te hoe tsy managne handra raho. Fa ie miezake raho mba hangalake i nangala i Kristy Jesosy ahike. ¹³ Ry rahalahy, tsy mirehake raho te fa nangalake zay ty tegnako. Fa misy raha raike: Halignoeko ty afarako agne le miezake hoe ty ho aloha agne raho. ¹⁴ Miezake magnatratse tanjogne raho mba hahazoako ty antso boake ambone agne boake amin'Andrianagnahare amy i Kristy Jesosy ao. ¹⁵ Tika aby ze matoe, ao tikagne hametsevetse manahake izay; le naho misy vetsevetse areo mikasiky ty raha aby, le haboan'Andrianagnahare ama areo avao ka zay. ¹⁶ Fa ie, ndra inogne ndra inogne fa trantika, le ao tika hifagnohogne amizay. ¹⁷ Manahafa ahike, nareo ry kiahe. Dineho soa iareo ze mandeha ohatse arake ty trea areo amay eo. ¹⁸ Tsiefa ty agne ty ze fa norehafeko ama areo avao, le henanezao raho mirehake ama areo amy ty tagny, manahaky ty fahavalo ty hazo najale i Kristy. ¹⁹ Fandrebahagne ty hiafara iareo. Ty troe ty zagnahare'e, le ty habohaboha iareo amy ty hamegnarae. Mametsevetse ty raha amy ty tane toy iareo. ²⁰ Fa andagnitse agne ty fanjakantika, le ty handignisantika Mpagnavotse avao ka, le i Andriantompo Jesosy Kristy. ²¹ Reke ty hagnova ty vatantika ze maleme mba ho vatagne manahake ty vatae feno volonahetse, i natao tamy ty hery ty fahefae mba hampagneke ty raha aby amy ty tegnae.