¹ Paoly naho Timoty, mpanompo i Jesosy Kristy, hoe ze voatokagne ho ei Jesosy Kristy e Filipy agne, mindre ama iareo mpandily naho ioareo diakona. ² Ho amareo ty fahasoavagne naho ty fiadanagne avy aman' Andrianagnahare Raen-tika naho Jesosy Kristy Tompo. ³ Misaotse an' Andrianagnahare raho ama ty fahatiahivako anareo. ⁴ Ama ty fivavahako ho anareo ao iaby, le ama ty hafaleagne avao ro hanoako ty fivavahako. ⁵ Magnomey fisaoragne raho ama ty fiharoa areo ama ty talily soa namototse tama ty andro voaloha'e le hatra amizao. ⁶ Matoky zo raha zao raho, fa i Reke ro namototse asa soa tama areo le mbe hanohy hilefesa izay hatra ama ty andro i Jesosy Kristy. ⁷ Fa soa amako ty hafantatse ty manahake izao ama ty mahakasike anareo iaby satria am-poko ato nareo. Inareo iaby le mpiara-miasa amako tama ty fahasoavagne le tama ty figadrako naho le tama ty fiarovako ndra ie ka tama ty fagnamafisagne ty talily soa. ⁸ Fa Andrianagnahare ty voanolombeloko, fa manigne anareo loatse raho ama ty famindram-po i Kristy Jesosy. ⁹ A izaho le mivavake manao izao: mba hitombo hantragne ty fitiava areo ama ty hilala naho ty fahan-tsaigne aby. ¹⁰ A le mivavake ho anareo soa raho mba hagnorike izay nareo naho le fanjaka, mba tsy horem-po naho tsy manan-tahigne ama ty andro i Kristy. ¹¹ Mivavake raho mba ho feno ty voka ty fahamarignagne boake ama i Jesosy Kristy nareo, le ho voninahitse naho dera an' Andrianagnahare. ¹² Ara le teako ho fohy areo, ry roahalahy, fa ze hene raha nisy amako le niasa ho ama ty fampandrosoagne ty Fitalilian-tsoa vata'e. ¹³ Ty voka izay, le ty fikokoako ama i Kristy naho le niboake soa magneragne iareo mpiamben-dapa aby naho ty ondaty hafa. ¹⁴ Ty ankamaroa ze roahalahy le managne toky vata'e ama i Tompo ao naho ty nifehea'e, ara le hahavany magnombara ty aman-tahotse ty reha iareo. ¹⁵ Ty ila'e aza le magnombara i Kristy ama ty fialognagne naho ty fifandieragne vata'e, ara ze ila'e ka naho ze zoto'e. ¹⁶ ty fra'e toa, le manao aze am-pitiavagne, mahafantatse fa mipetrake agnivo ty talily soa raho. ¹⁷ Fa ty amboaloha'e le mitalily i Kristy ama ty fitiavan-tegna, fa tsy soa fagnahy. Mienoke iareo fa hitrobo ahy naho mbe ama ty fifeheako ao raho. ¹⁸ Inogne zao? ama ze kila fomba aby, na piso magnaja hoho na amam-pahamarignagne, Kristy ro tregnegne, ara le ho fale amizay raho. Eka, ho fale raho, ¹⁹ fa fantako fa izay ty fara'e ama ty namotsoragne ahy ama ty lala vavakeo ama iareo naho ty tovo ty Fagnahy i Jesosy Kristy. ²⁰ Le izao arake ty fandignisako mafe naho ty antoke fa izaho le tsy ho megnatse vata'e, ara le mbe ama ty fahavaniagne avao aby, ty anito manahake ty haehae, le banabaegne ampiaiko ato ty Kristy, na ama ty fiaignagne na ama ty havialsy. ²¹ Naho amako ty atao ty hoe miagne le Kristy ara ty mate le ty ambone'e. ²² Fa naho miaigne ama ty onofotse raho, le manjare asa tomombagne ho ahy zay. Fe ie inogneo ty ho jibogneko? ²³ Tsy fantako. Fa tinere mafe am-pagnivoa iareo roe Raho. Ty irieko le hiavotse ara le hagnorike i Kristy, naho fanjaka lavitse, ²⁴ fe ie ze mitoetse agnofo'e ao le paiagne mandako anareo. ²⁵ Reketse an-dahatse ama izay, le fantaka fa hitoetse naho hanohy mindre ama areo aby raho, ho ama ty fazotoa areo naho ty fifaleagne ama ty finoagne ao. ²⁶ Mba ho amako le hisy fototse hieboaboagne ama i Kristy Jesosy ao nareo naho fa mibalike ama areo ao ndraike raho. ²⁷ Mindesa vatagne ama ty fomba magneva ty fitaliliantsoa i Kristy, fe ie naho hoavy hitilike anareo raho ndre ie tsy eo, le afake hitsanogne ty miomba anareo, ama ty saigne raike mindre milofo ho ei ty finoagne ty talily soa. ²⁸ A le ko mete verevere iaraeo rahamba. Famantara ty faharava iareo zay,fe ie famantaragne ty famonjeagne areo ka, ara le boabe aman' Andrianagnahare zay. ²⁹ Fa nimei'e anareo zay, ho ei Kristy, Tsy ty mba hinoagne aze avao, fa hojale ho Aze ka, ³⁰ fa nareo le managne aly manahake ty nitrea araeo amako, naho ze amako anito.