¹ Paoly, apostoly_ tsy apostoly boake amy ty ndaty na tamy ty alala ty ondaty, fa avy amy i Jesosy Kristy naho i Andrianagnahare rae, ty nanangagn'Aze tamy ty mate_ ² naho iareo rahalahy mindra amako iaby, hoe'iareo fiangonagne Galatiana. ³ Ty hasoa ho ama'areo naho ty fiadanagne boake amin'Andrianagnahare Raentika naho i Jesosy Kristy Tompo, ⁴ zay nagnomey ty vatae hoe ty hakeontika mba hagnavotange antika amy zao andro raty zao, arake ty zoto ty arofon'Andrianagnaharentika naho ty Raentika, ⁵ le ho Aze hatramparae ty voninahetse. Amena. ⁶ Nilatsa raho te nisintake tamy ty nitoka anareo amy ty hasoa i Kristy nareo. Latsa raho naho nitolike amy ty fagnombara soa hafa nareo. ⁷ Fie tsy magnombara zay te fa misy fagnombara soa hafa, fa misy ndaty maromaro minday fagnakorontanagne hoanareo naho te hagnova ty fagnombara soa i Kristy. ⁸ Fie ndre zahay ndre ty anjely boake andanitse agne ro hitalily fagnombara soa hafa ama'areo naho zay notalilie'ay ama'areo, le hanan-kakeo reke. ⁹ Arake ty ny saonty taloha, le henaneke zao raho mitalily ndraike te hoe: "Naho misy ndaty mitalily ama'areo fagnombara soa hafa amy ty norambese iareo, le hanan-kakeo reke." ¹⁰ Raho vao raho henaneke zao mipay ty hato ama ondaty ke amin'Andrianagnahare? Raho vao mipay ty hampifale ty ndaty? Naho mbe manohy mimane ty hampifale ty ndaty raho, le tsy mpanompo i Kristy. ¹¹ Fa teako ho fanta'areo, ry rahalaheko, fa ty fagnombara soa rehafeko le fagnombara soan'olombelogne. ¹² Tsy nandrae izay tamà ondaty raho, na zay ty nampianaregne ahy. Fie, zay ty nambara i Kristy Jesosy tamako. ¹³ Fe ie nareo naharey ty fiaiagnako taloha tamy ty fomba fivavahagne Jiosy, naho ty fomba nagnoherako ty anjomban'Andrianagnahare mihoatse ty tokoe ho ie naho ty fimaneako handrava izay. ¹⁴ Nilitse tamy ty fivavahagne Jiosy raho naho oharigne amy ty maro mira taogne tamako, boake amy ty raike firenegna amako. Hoe zay ty fomba nitanako mafe ty fomban-drazako. ¹⁵ Fe ie Andrianagnahare, ty nanokagne ahy boake an-troen-dreneko, le nitoka ahy tamy ty alala ty hasoae, ¹⁶ naho fa fale ty hanoro ty Anae lahy tamako, mba afahako magnombara Aze amy ty Jentilisa, le tsy nangalake eretseretse ama nofotse naho lio raho. ¹⁷ Tsy nandeha tà Jerosalem hamonjy ty fa Apostoly talohako raho. Fe ie, nandeha tà Arabia naho avy eo niheregne tà Damaskosy. ¹⁸ Telo taogne totoke le nandeha tà Jerosalema raho mba hifankafantatse tamy Kefasy le nijanogne nindre tamae nandritra ty andro folo limy ambe. ¹⁹ Fa le tsy nahatrea Apostoly ankoatse i Jakoba raho, i rahalahe i Tompoy. ²⁰ Le ze soratako ho anareo, le hagnomey toky anareo raho agnatrehan'Andrianagnahare, fa tsy mavande raho. ²¹ Naho avy eo le nandeha tamy ty faritse Syria naho Kilikia raho. ²² Mbe tsy nifantatse tamy o fiangona i Jodia amy Kristy tao raho. ²³ Rey iareo avao ze fa nambara ²⁴ te: "I lahy nagniagne antika talohay amizao ro mitalily i finoagne nimanea'e nopotehigne talohay." Noho zay iareo le nidera an'Andriangnahare noho ty amako.