¹ Paoly, apostoly i Kristy Jesosy ami ty alala ty zoto ty arofon'Andrianagnahare, le i Timoty rahalahintika, ² hoe ze mpino naho iareo rahalahie mahatoky amy Kristy ao an-Kolosia agne. Ho ama areo anio ty hasoa, naho ty fiadanagne boake amin'Andrianagnahare Raentika. [Fanamaregnagne ambane ty peje: misy dikan-drehake ilae magnampe ty hoe: "Le i Tompo Jesosy Kristy"]. ³ Magnomey fisaoragne an'Andrianagnahare tika, i Rae ty Tompontika Jesosy Kristy, le mivavake hatramparae ho anareo zahay. ⁴ Fa rey ay ty finoa'areo i Kristy Jesosy naho ty fitiavagne ze anana areo hoe ze kila raha natokagne hoan'Andrianagnahare. ⁵ Managne i fiteavagne zay nareo noho ty fampiitamàgne azo antoke natokagne ho anareo an'dangitse agne. Rey areo ty mahakasike fampitamagne azo antoke taloha ty rehake fahamaregnagne, ty fagnombara soa, ⁶ niavy ama areo. Ty talilisoa toy le minday vokatse naho mitombo maneragne ty tane toy. Izao lefa nanao zay tamao ka nanomboke tamy ty andro nahareizao aze le nianarao ty mahakasike ty fitahiantsoa boake amin'Andrianagnahare amy ty maregne. ⁷ Intoy ty talilisoa mifagnorike ty nianara areo tamy Epafra, i mpindre-magnompo longo mamin-tika'ay, ze mpanompo mahatoky i Kristy amy ty anarantika. [Fanamarenange ambane ty peje: misy dika ty rehake ilae mirehake te: "Amy ty agnara areo"] ⁸ Nampahafantare i Epafra anay ty fitea'areo ty Fagnahy. ⁹ Noho o fiteavagneo, hatramy ty andro nahareiza'ay zay le tsy nijanogne nivavake ho anareo zahay. Nangatake zahay mba ho feno fahalalagne ty zotompoe amy ty fahendregne iabike naho ty hilala ara-pagnahy nareo. ¹⁰ Nivavake zahay mba handeha am-pahendregne nareo amy Tompo ao amy ty fomba tean'Andrianagnahare. Nivavake zahay mba hahatoly ty asa soa iabike nareo le mba hitombo fahafantaragne an'Andrianagnahare. ¹¹ Mivavake zahay mba hanagne hery amy ty fahaiagne ze kila raha magnaraka ty hery ty voninahetse amy ty fiaretagne naho ty faharetagne. ¹² Mivavake zahay mba hagomey fisaoragne i Raentika ampifaleagne anareo, i nohahaha areo hanagne ty anjarae amy ty lova iareo mpino amy ty raha mazava [Fanamaregnagne ambane peje: misy fagnazavan-drehake ilae vakiegne te: "Zay nahafahantika nanagne anjara"]. ¹³ Nagnavotse antika tamy ty fagnampaha ty maieke le nasintae ntika ho amy ty fanjakà ty Anae lahy teae Reke. ¹⁴ Amy ty Anae lahy ro ahazoantika ty fagnavotagne, fagnahagne ty hakeo. [Fanamaregnagne ambane ty peje: misy fagnazavan-drehake ilae vakiegne ty hoe: "Amy ty Anae ro ahazoantika ty fagnavotagne amy ty alala ty lio'e, le ty fagnahagne ty hakeo."] ¹⁵ Ty Anake lahy le ty fagnovan'Andrianagnahare tsy trea maso. Reke i terake voalohae tamy ty fanamboaragney. ¹⁶ Tamy ty fisiae ro nagnamboaragne ty kila raha, ndre ty an-dagnitse agne naho ze ambone ty tane toy, ze raha trea maso naho ty tsy trea. Ndre ty seza fiandrianagne, na ty fanampahagne, naa ty fitondram-panjakagne, ndre iareo manam-pahefagne, ze kila raha le namboaregne amy ty alalae naho ho Aze. ¹⁷ Reke ty aloha ze kila raha, le amae ao ro hahareta ty raha iaby. ¹⁸ Reke ro loha ty vatagne, naho ty fiangonagne. Reke ro fiandohagne naho ty nasamake voalohae agnivo ty mate, ie ro nanagne toeragne voalohae tagnivo ty raha iaby. ¹⁹ Satria zoton'Andrianagnahare ty tokoe hivelogne ty kila hasoa amae ao, ²⁰ hampiraike amy ty alala i Anae lahilahy amy ze kila raha ambatae. Andrianagnahare nitraoke tamy ty alala ty lioe i hazo najale ey. Andrianagnahare ro nampitraoke ze kila raha tamy ty vata'e, naho ty kila raha ambone tagne etoy, naho ty kila raha an-dagnitse agne. ²¹ Tamy ty fotoagne raike, nareo ka, le vahiny taman'Andrianagnahare le fahavaloe t'antsaie ao naho tamy ze asa ratie. ²² Fa hinane zao reke ro nampitraoke iareo tamy ty vatae aby tamy ty alala ty havilasiagne. Natae zay mba hanoae anareo ho masigne, tsy hanantahigne alohae eo, le nagnafa-baraka aze amy ty fagnofokofohagne, ²³ naho tohiza areo amy ty finoagne, mitsatoke le mafe oregne, le ko miriragne amy ty fagnatenagne mahatoky ty talilisoa ze rey areo. Intoy ty talilisoa nambara tamy ze kila ndaty namboaregne ambane lagnitse. Toy ty fagnombara soa, ze nahavy ahy, Paoly ho mpagnompo. ²⁴ Henane zao raho le fale amy ty fijaleako ho anareo, le raho nameno ty vatako ze tsy niampy amy ty fijalea i Kristy amy ty vatae, le ty Fiangonagne. ²⁵ Noho ty fiangonagne ro nahavy ahy mpagnompo, arake ty fiantohagne boake amin'Andrianagnahare nameae ahy ho anareo, mba hahalefe ty saontsin'Andrianagnahare. ²⁶ Io ty maregne miafigne izay navony nandrietse ty taogne maro sy hoe'i ty tarira. Hinane zao le fa niheho tamy iareo mino aze zay. ²⁷ Tamy iareo ty nitean'Andrianagnahare nampahafantaregne ty habey ty voninahetse ty fahamaregnagne mietake agnivo ty Jentilisa toy. Izao le Kristy ro amao ao, i toke ty voninahetse ho avy. ²⁸ Le reke ty notalilie'ay. Nagnanatse ty ndaty iaby zahay, le nampianatse ty ndat iaby tamy ty fahendregne aby, mba hagnolorantika ty nday iaby hivory ao amy i Kristy. ²⁹ Noho zay le miasa mafe raho naho miezake arake ty tanja ze miasa amako ato amy ty hery.