¹ Djida musadi wu Yesu Kdishidu,ye pangi wu Djagi,guedi bana babalendigi ba pangi ba ludzolu guedi Gahungu wedi Dada,ba giebi mumbada ye Yesu Kdishidu. ² Yambula kenda,ngemba ye ludzolu djilu hanamanina ngolu-ngolu. ³ Pangi wu ludzolu,yihangi gingolu-ngolu mugugusonila mudiambu mu mabimbu ma gimvuga.Yikanda gulusonigila musambu mugulu longa mugu nuanisama musonga musambu ye ludzolu lubabalumuni guedi ba guigidi mu mbala yimoshi. ⁴ Mudiambu gadishi mugisuegi badu bega.Badu bena basolamani mugugeshilaga bega kanu.Ba pani babalumuni lusagumunu lu Gahungu ludzingu lu tshoni,baba duna gega Fumu wi pidu Yesu Kdishidu. ⁵ Dangu di,da dzodi guluyibugisa (shi buoona bulu ya bi buootsu)mbi muhulushi wedi ye mbundu yi gusadisa buga hulushi beni ngibidi,gungoyi bina ga dzuwi bana bakonda guigila. ⁶ Buoona ba tumwa bega loobagadi ye gumana gupimbu mugi fumu gi baa kashi baana ba dini gihani gi baa.(Gahungu gabasuegi gimakulu mugu ba neda,mu piba,mugubasambisa gilumbu gi ngolu). ⁷ Nga sodomo ye gomoluu ye mabula ma pena-pena,madihani maa beni mugindumbu ye ba landagi bieshi bi gifudji.Badi haani nga mbandu dji bena baniogugagi mundola du mbaa du gimakulu. ⁸ Gidesu gimoshi,ba nimbaga mandotsi mugu hanga mbi mu maludu ma ba beni,ba maadji gifumu gi baa ye bayagudi bima bi gonda funu guedi beni lugumu. ⁹ Shi Adikanzi Mishela diga gonda dzola Gadiapemba ye guyagusagana musambu ye ludu lu Moseshi,loo ga megi gu musambisa mugu dugana. Dangu di gayagudi mbi:<> ¹⁰ Dangu di badu bana badugi buootshu ba konda gudi yaba. Gadiyabaa (ngaba mbitsi bagondi ndungi badi yabaga) mambu ma mana mababa bebisagi. ¹¹ Bedi pashi!musambu ba landi ma Kayina ye ba dilumbi mugifuu gi Balama mudiambu ye figu.Buoona ba bidi mugipumbulu gi Koleya. ¹² Dangu di luba dia munzaba yi ludzolu.Baba hanga gu gonda tsoni,dudiagi musambu ye guhega gieshi muludu.Guedi madudi ma gondi muetsi,ma pasumugi mu muhunga.Bedi nga midi mi budaga ndumba mu dangu di gubuda ndumba(mbala djodi mi wa fuaa,ye gutsumuna). ¹³ Ba bedi nga gidembu gi ngolu gi nzadi mambu mambi maba hangagi.Guedi nga ma fulu-fulu ma baa gulumuga ye londi di muetsi.Guedi nga mioda mina miludaga sambu mbi gidima gi piba bahidigi mugugalaga mvula ye mvula. ¹⁴ Inoogi,mudu wu nsambuadi wu ndonga gu ngoyi yi Adamu,gayagidi mbi:< ¹⁵ Giitsi mugudu sambisa gi fudi giotsu.Ga guitsa mugununga badu buootsu bambi mubisalu ye bima bibaa bimbi.Ye mandaga mabaa mootsu magonda pimbu ba sumugi guedi ndi>>. ¹⁶ Bedi badu ba guboguda,ba landaga bi kalulu bi baa bi mbi.Bedi lulendu ba lebagaa baadu mu mapimbu ma baa beni. ¹⁷ Haa ba pangi bami ba ludzolu,yi bugagani mandaga ma luyugi mudangu di gulu guedi ba tumuaa.Fumu wu pidu Yesu Kdishidu.Ba luleshi mbi: ¹⁸ <>. ¹⁹ Baa bagabulagani.Bedi badu ba gifudi bedi ba pani loobedi ye muhunga wu gugedila. ²¹ Dangu di ba pangi ba ludzolu,haa binu ba pangi ba ludzolu sendani mbodiga binu beni mu kadi ga luguigilu lugigidi ye gusamba mu muhunga wu gedila. ²⁰ Djingani mu ludzolu lu Gahungu mueni kenda fumu wu binu Yesu Kdishidu wudu nedidi moni wu mvule ye mvula. ²² Galani beni kenda guedi badu bena baba konda gumbula. ²³ Sadisani ba guenu ye gubahungulula gu mbaa.galani beni kenda ye guedi bega.Dunani miledi mi masumu ma gimudu. ²⁴ Ndi wedi ye mpila yi gugieba mugukonda bua ye gudu nedisa gu konda gifuu. ²⁵ Guedi ndi beni,Gahungu wedi muhulushi wu pidu,mu nzila yi Yesu Kdishidu wedi fumu wu pidi,ya mbula mbi madonda,lugumu,giyega ye ngolu dji gala leelu ye bi lumbu biotsu.buoona.