¹ Nilitsy tagnaty synagoga ndraiky Jesosy ka nisy johary raiky maty tagna tao. ² Nagnara maso Azy mariny gny olo sasan-tsasany mba hahita laha hitsabo azy amy Sabata I, mba afahan-dreo agnameloky Azy. ³ Hoy Jesosy tamy Johary maty tagna igny hoe :'' Mitsangana ka mijoroa agnivon'olo iaby eto''. ⁴ Nivola tamign'olo I hoe : ''Aradalagna va gny manao soa amy gn'andro Sabata sa gny manao raty; gny magnavotsy gnay sa gny mamono?'' Tsy nahita raha nisafagny reo. ⁵ Nagnenty an-dreo tamin-tsiaky Jesosy, ro naferignay an-dreo I noho gny hamafin'ny fo ndreo. Nivola tamy johary igny I hoe: ''Ampahitio tagnanao''. Nampahitiny gny tanagny, la nijanga. ⁶ Niboaky fariseo reo Ka nidiniky malaky niaraky tamy Herodiana hila fomba hamonoa Azy. ⁷ Bakeo Jesosy niaraky tamin'ny mpianatriny nandeha andriaiky egny, ka nisy fokon'olo maro baka Galilia no bakany Jodia, Jerosalema, ⁸ Edoma, Jordana, Tyra, Sidona. Lafa nahakasa mahakasiky gny raha nataony reo, laha nisy vahoaky maro namonjy Azy . ⁹ Nampila sambokely an'ny mpianany ho Azy Jesosy, noho gny hamaroan' olo teo, mba tsy hifanosehan'olo I. ¹⁰ Noho I nahajanga olo maro, nifandrombaky namonjy Azy gny olo iaby nanagn'arety mba hitsapa Azy. ¹¹ Isakiny mahita an'i Jesosy ngy fagnahy maloto laha nandohaliky ro nitoreo, sady nivola hoe : '' Iha ro anakin-Dragnahary''. ¹² Fa nivolagniny mare reo tsy hivola gny mikasiky Azy. ¹³ Niakatsy ta-tendrombohitry I, nikaiky olo teany regny hamonjy Azy, laha nandeha taminy tegny reo. ¹⁴ Nifily gny roa ambinifolo I (atao hoe Apostoly), mba afahan-dreo miaraky Aminy sy mba hagnirahany andreo hitoriteny ¹⁵ sy hagnam- pahefa hamoaky devoly. ¹⁶ Bakeo nifily gny Apostoly roa ambinifolo I : Simona, nameany gny agnara hoe Petera; ¹⁷ Jakoba anakin'i Zebedio, sy Jaona rahalahiny, nameany gny anara hoe Boanarijesy na koa hoe anaky amonto; ¹⁸ miaraky amin'i Andrea, Filipo, Baritolomeo, Matio, Tomasy, Jakoba anakin'i Alfeo, Tadeo, Simona Zelota, ¹⁹ Jodasy Iskariota raiky hamaliky Azy igny. ²⁰ Nandeha noly an-trano I, laha niaraky niavy ndraiky gny fokonolo, ka tsy niafaky nihina reo iaby. ²¹ Laha nahare an'izay longony regny, niboaky nangala azy sady nitenenin'olo teo hoe : '' Very say I''. ²² Nivola koa mpanora-dalana baka Jerosalema any hoe : '' Ipetraha gny Belzeboba I'', laha'' Baka amy gny mpagnapaky gny demonia ro androahany gny demonia''. ²³ Nikehin'i Jesosy hamonjy Azy reo bakeo nivolagniny tamin'ny fagnohara hoe :'' Manao akory ro hahafahan'i Satana mandroaky an'i Satana? ²⁴ 24 Laha misy fanjaka mialy an-tragno ho rava zay. ²⁵ Laha misy toka-tragno raiky mialy an-tragno tsy haharitry toka-tragno zay.'' ²⁶ Laha nitsanga nanohitry gny tenany Satana, laha nisaraky, laha tsy haharitry, laha tapotsy. ²⁷ Tsy misy afaky militry agnaty tragno gny johary matanjaky raiky laha androbaky gny fagnanany laha tsy mamatotry gny mahery aloha (tseky), laha hambroba gny tragnony i bakeo. ²⁸ Volagniko aminareo marina fa ho afaky iaby gny fahota gny gnanak'olombelo, na gny fivolagna raty iaby miboaky baka ambavany, ²⁹ fa gny magnaraty gny Fanahy Masina, tsy ho afaky fahota mandrakizay fa mpanota noho gny fahota mandrakizay. ³⁰ Nivola anizay Jesosy noho gny fivolagnan-dreo hoe :'' Mana Fagnahy maloto I .'' ³¹ Lafa bakeo gny reniny miaraky amy reo rahalahiny nitsanga tamonto tegny.Naniraky olo nivola Azy reo, nampikaiky Azy. ³² Nipetraky magnodidy Azy gny fokonolo ka hoy reo taminy hoe : '' Miamby Anao amonto ao neninao sy gny rahalahinao, ka mila anao reo''. ³³ Laha namaly I hoe : '' Ia ro neniko sy rahalahiko?'' ³⁴ Nijery gny tamin'ny olo nipetraky magnodidy Azy I, ka niteny hoe : ''Enteo, reto gny neniko sy gny rahalahiko. ³⁵ Na ia na ia ro manao ny tia-Ndragnahary, zay ro rahalaiko, anabaviko, sy neniko.''