¹ Ka gny momba anareo, maty tanatin'gny fahadisoanareo sy gny fahotanareo gnareo. ² Tao amy regny fahadisoa regny ro niainareo taloha araky fomban'izao tontolo zao. Niai araky gny mpanapaky reo fahefa eny amy gny tsioky gnareo, gnazy fanahy zay miasa ao amy reo gnanaky gny tsy fankatoava. ³ Niay tamy reny olo reny iaby tsika taloha, nanatanteraky reo fila raty gny vatantsika, sady nanatanteraky gny faniria gny nofo sy gny say. Fa voahary ho gananky gny fahasiaha, manahaky gny gnanak'olombelo tavela tsika. ⁴ Nefa manan-karea famindram-po Ndragnahary noho gny fitiava bevata nitiavany antsika. ⁵ Tamy ntsika mbo maty tanaty gny fahadisoa,novelominy niaraky tamin'i Kristy, tamy gny fahasoava no namonjea anareo. ⁶ Niaraky natsangan-Dragnahary tsika, sady niaraky napetrany tan-danitry tao ao amin'i Kristy Jesosy, ⁷ mba afahany manoro antsika amy gny vanim-potoa ho avy gny habevata gny harem-pahasoavany zay tsy azo refesy atorony amy gny hasoam-panahy amintsika ao amin'i Kristy Jesosy. ⁸ Fa tamy gny fahasoava ro namonjea anareo tamy gny alala gny finoa, sady tsy baka aminareo zay, fa fanomezan-Dragnahary. ⁹ Tsy baka amy gny asa gny fahasoava mba tsy hisy hirehareha. ¹⁰ Fa asan-Dragnahary tsika, noforoni tamin'i Kristy Jesosy mba hanao asa zay fandaharan-Dragnahary fa ela ho antsika, mba handehanantsika ao amy reo. ¹¹ Noho izay tiarovo fa Jentilisa tamy gny nofo gnareo taloha. Gnareo gnazy nikehy hoe "tsy voatapaky" amy reo gnazy ikehy hoe "voatapaky" ao amy gny vata natao gny tagnan'olombelo. ¹² Satria mbo tafasaraky tamin'Kristy gnareo tamy zay fotoa izay. Mpivahiny gnareo tamy gny vahoki gny Israely. Sady vahiny tamy gny faneke gny fampanantena gnareo. Tsy mbo nana fanantena gny amy ho avy gnareo. Tsy niaraky tamin-Dragnahary gnareo teto amy raha iaby zao. ¹³ Fa henaniky zao ao amin'i Kristy Jesosy gnareo gnazy lavitry an-Draganahary taloha ro nampanihany tamy gny lion'i Kristy. ¹⁴ Satria I ro fihavanantsika. I ro nahavy gny roa ho raiky. Tamy gny vatany ro nandravany gny rindri gny fanohera zay nampisaraky antsika. ¹⁵ Izay hoe, noravany gny lily gny didy sy gny fitsipiky mba hanaovany olom-baovao raiky ao Aminy, sy mba hanaova fampihavana. ¹⁶ Kristy ro mampihava gny vahoaky roa tonta ho vata raiky amin-Dragnahary amy gny alala gny hazofijalia, ka mamono gny fanohera. ¹⁷ Fa avy Jesosy sady nitory fihavana ho anareo zay lavitry sady fihavana ho agny reo zay mariniky. ¹⁸ Fa amy gny alalan'i Jesosy ro hananantsika roa tonta fifandraisa amy gny Fanahy raiky mandeha amy gny Ray. ¹⁹ Noho izay, tsy vahiny sy mpivahiny koa gnareo Jentilisa zao. Fa vo maiky aza mpiraiky firenena miaraky amy reo zay olo masin-Dragnahary gnareo sady isa gny longo Ndragnahary. ²⁰ Fa naoriny tamy gny fototry fanorea reo Apostoly sy reo mpaminany gnareo, sady Kristy Jesosy mihintsy ro vato fehizoro. ²¹ Ao Aminy ro hikambana gny fanorenan raha iaby sady hitomboany manahaky gny tempoly ao amy gny Tompo. ²² Ao Aminy avao ro hanangana anareo mairaky ho fitoera ho an-Dragnahary ao amy gny Fanahy.