¹ Sady mahakaiky reo olana nosoratanareo mahakasiky gny hoe: ''Soa ho agny johary gny tsy mikasiky ampela.'' ² Nefa roho reo fakam-pagnahy amy fahavetaveta maro isankarazany, laha tokony hana gny valiny manoka iaby gny johary kirairaiky, sady gny ampela kirairaiky laha tokony hagna gny valiny manoka iaby. ³ Gny johary laha tokony hagnome reo lily amy fagnambalia hoa agny valiny, sady manahaky zay koa gny ampela ho agny valiny. ⁴ Tsy gny ampela ro mana fahefa amy vatany manoka, fa gny valiny. Manahaky zay koa, tsy gny johary ro mana fahefa amy vatany manoka fa gny valiny ro mana. ⁵ Ka mifanakasaka nareo kirairaiky, afa-tsy amy fifanara nifanaova sady amy fotoa voafily. Atoavo zay hafanareo manoka tena amy vavaky. Bakeo laha tokony hiaraky hatory ndraiky nareo, mba tsy hafan'ny Satana mangala fagnahy anareo roho gny tsy fagnananareo fifeheza tena. ⁶ Kanefa zaho laha mivola reo raha reo aminareo am-pahaiza fa tsy lily. ⁷ Iriako gny olo iaby ho manahaky ahy. Fa gny kirairaiky laha samy mana gny fagnomeza fahasoavany manoka baka amy Ndragnahary. Gny raiky mana ito kara fanomeza fahasoava ito, sady gny raiky hafa mana karazany hafa koa. ⁸ Ho andreo gnazy tsy manambaly ndraiky reo mpitondratena laha mivola aho fa soa ho andreo laha mijano tsy manambaly reo, manahaky ahy. ⁹ Kanefa reo laha tsy afaky mamehy tena, laha tokony hanambaly. Fotony soa mare ho andreo gny manambaly toy zay ampirehitin'ny fitadiava araky gny nofo. ¹⁰ Sady ho andreo manambaly lahaily zao aho - tsy zaho, fa gny Tompo - gny ampela laha tsy tokony hisaraky amy valiny - sady gny johary laha tsy tokony hisaraky amy valiny. ¹¹ (fa laha oatsy ka misaraky amy valiny, laha tokony hijano tsy hanambaly na koa mimpoly mihava amy valiny) - sady gny johary laha tsy tokony hisaraaky amy valiny. ¹² Fa ho ho agny sisa laha mivola aho - zaho, fa tsy gny Tompo - hoe laha misy lehy raiky mana valy tsy mpino, sady mahafaly azy gny miaraky miay aminy, laha tsy tokony hisaraky amy valiny i. ¹³ Laha gny ampela raiky ro mana valy tsy mpino, sady laha mahafaly azy gny miaraky miay aminy, laha tsy tokony hisaraky amy valiny i. ¹⁴ Fotony gny johary tsy mpino laha natoka roho gny amy valiny, sady gny ampela tsy mpino laha natoka roho amy lehiny. Fa laha tsy zay laha haloto gny agnakinareo, nefa laha gny laha fa voatoka reo. ¹⁵ Fa laha gny valy tsy kristiana ro magnenga, ambelao i andeha. Amy raha manahaky zao, rahalahy na gny rahavavy laha tsy voafatotsy ndreo voadindreo. Ndragnahary laha nikaiky antsika mba hiay ampiadana. ¹⁶ Fa amy fomba manao akory ro hahaizanao, ampela, laha hoavotsinao gny valinao? Na amy fomba manao akory ro hahaizanao, johary, laha hoavotsinao gny valinao? ¹⁷ Fa ambelao avao gny kirairaiky iaby iay gny fiaina gnazy fa nanondroa gny Tompo azy, sady araky gny fa nikaia Ndragnahary azy. Io ro lily amy fiangona iaby. ¹⁸ Fa tapaky va gny olo raiky lafa nakea mba hino? I laha tsy tokony hiezaky gny hiseoseo manahaky gny tsy mbo tapaky. Tsay tapaky va gny olo raiky lafa nakea ho amy finoa? tsy tokony ho tapay i. ¹⁹ Fotony tsy gny fanapa na gny tsy fanapa rao raha bevata. Gny raha bevata laha gny fanaraha reo lily Ndragnahary. ²⁰ Ny kirairaiky iaby laha tokony hijano amy fikaia gnazy nisy azy lafa nakea Ndragnahry mba hino i. ²¹ Adevo va iha fony Ndragnahary nikaiky anao? Ka manay gny any zay. Fa laha mety ho afaky iha, laha araraoty zay. ²² Fotony gny olo raiky gnazy nakea gny Tompo ho andevo laha olo afaky gny Tompo. Manahaky zay koa gny olo gnazy afaky fony i nakea mba hino laha andevon'i Kristy. ²³ Nareo laha voafily, roho zay laha ka avy manahaky reo andevon'olo. ²⁴ Nao lehy reo, ndra ino ndra ino fiaina nisy antsika kirairaiky fony tsika nakea mba hino, laha ao tsika hijano hanahaky zay. ²⁵ Sady mikasiky reo gnazy tsy mambaly mihitsy, zaho laha tsy mana lily baka amy Tompo. Nefa zaho laha manome gny hevitsiko manahaky gny raiky zay, baka amy famindrapo gny Tompo, laha azo itokisa soa. ²⁶ Roho zay, mieritseritsy aho fa noho gny loza gnazy ho avy, laha soa ho agny johary gny mijano amy maha i azy. ²⁷ Voafatotsy amy ampela va nareo? Ka mila gny ho afaky aminy. Afaky amy valinao va iha? Ka mila valy. Nefa laha nambaly nareo, laha tsy naota. ²⁸ Laha gny ampela tsy manambaly ro mambaly, laha tsy nanota i. Nefa reo gnazy manambaly laha hana karazan' ola maro laha mbo velo, sady zaho laha te hangala anareo amy zay. ²⁹ Fa zao ro volaniko, nao lehy eo: Kelikely gny fotoa. Manomboky zao, aleo reo gnazy fa manambaly iay hanahaky gny tsy mana. ³⁰ Reo gnazy mitomany laha tokony hanao hanahaky gny tsy mitomany, reo gnazy mifaly hanahaky gny tsy mifaly, ³¹ sady reo gnazy mivily hanahaky gny tsy mana ndra ino ndra ino; sady reo gnazy zay mampiasa agny tany iaby zao laha tsy tokony hao manahaky gny mampiasa agn'izay tanteraky. Fotony tany iaby zao amy endriky enaniky zao laha hoavy amy fiafara. ³² Tiako nareo ho afaky amy reo tebiteby. Gny johary tsy manambaly laha mitebibety gny amy reo raha gny Tompo, gny amy fomba hampifalia Azy. ³³ Fa gny johary manambaly laha mitebiteby gny amy raha gny tany iaby zao, gny amy fomba hampifalia gny valiny - ³⁴ mizarazara i. Gny ampela tsy manambaly na virijiny laha mitebiteby gny amy raha gny Tompo, gny amy fomba hanokana amy tena ndraiky gny fagnahy. Fa gny ampela manambaly laha mitebiteby gny amy raha gny tany iaby zao, gny amy fomba hampifalia gny valiny. ³⁵ Volaniko zay ho agny tombotsoanareo manoka, fa tsy hametraky gnazy iaby sakatsaka aminareo. Mivola agn'izay aho roho gnazy mary, amy zay nareo mba hanolotsy tena agny Tompo tsy misy fanelingelena. ³⁶ Nefa laha misy olo raiky mihevitsy fa tsy manday gny fofom-basiny ampanaja - laha mihoatsy gny tao gny fanambalia gny ampela sady tsy maintsy manahaky zay - laha tokony hanao zay tiany i. Tsy manota i. Tokony hivaly reo. ³⁷ Nefa laha nikasa soa tam-pony i, laha ohatsy ka tsy ambany faneriterea fa afaky mamehy gny sitrapony manoka, sady laha nanapaky hevitsy tampony i gny anao agn'izay, mba hitazoma gny fofombadiny ho virijiny, laha soa gny ataony. ³⁸ Ka zay manambaly gny fofombadiny laha manao gny soa, sady gnazy misafily gny tsy hambaly laha gny soa mare aza. ³⁹ Gny ampela laha voafatotsy gny valiny laha mbo velo gny johary. Fa laha maty gny valiny, laha malalaky soa i gny hanambaly gnazy tiany ho avalia, nefa amy Tompo avao. ⁴⁰ Nefa amy fitsarako laha tokony ho faly kokoa i laha miay amy zao avao. Sady ampoliko fa zaho ko laha mana gny Fagnahy Ndragnahary.