¹ Sady mahakasiky gny fanangona volo ho andreo mpino, araky gny nanoroako lala gny fiangonan'i Galatia, laha manahaky zay koa ro tokony ataonareo. ² Amy gny andro voaloa gny herinandro, laha tokony hanoka raha gny kirairaiky aminareo sady hampiry agny zay araky gnazy vitanareo. Manaova agny zay mba tsy hisia gny fampirima vola lafa avy aho. ³ Lafa avy aho, ndra iha ndra iha enkenareo, laha alefako miaraky amy taratasy mba hanomezako gny fanomezanareo ho agny Jerosalema. ⁴ Laha oatsy ka mety amiko avao koa gny mandeha, laha handeha hiaraky amiko reo. ⁵ Fa ho avy aminareo aho lafa mandalo agny Makedonia. Fa handalo agny Makedonia aho. ⁶ Mety afaky hijano miaraky aminareo aho na agnaty gny raiky ririny mihintsy aza, mba hafanareo manampy ahy amy liako, ndra aia ndra aia andehanako. ⁷ Fa tsy maniry gny hahita anareo agnaty gny fotoa kelikely aho zao. Fa manantena gny hipetraky ela miaraky aminareo, laha ambela gny Tompo. ⁸ Fa hijano ao Efesaosy aho mandraha iavia gny Pantekosta, ⁹ fa varavara malalaky ro nisokatsy ho ahy, sady misy fahavalo maro. ¹⁰ Sady lafa avy Timoty, laha ezaho mba tsy hataotsy i miaraky aminareo, fa manao gny asa gny Tompo i, manahaky gny ataoko. ¹¹ Ka asia olo hisy anao tsinontsino azy. Ampio i baka amy fiadana, mba hafany mandeha amiko. Fa manantena azy mba ho avy hiaraky aminareo lehy aho. ¹² Sady mahakasiky angy Apolosy lehintsika, laha nampirisiky azy mare aho mba hamangy anareo miaraky amindreo lehy. Fa mbo tsy vonona tanteraky i lafa mety gny fotoa. Na izany aza, ho tonga izy rehefa mety ny fotoana. ¹³ Miambena, mitsangana soa amy finoa, miasa manahaky gny johary, mahereza. ¹⁴ Ao ho atao ampitiava gnazy ataonareo iaby. ¹⁵ Ainareo gny longnon'i Stefanasy, fa i reo ro niova fo voaloany ta-Asia, sady i reo nametraky gny tenandreo ho amy fanompoa reo mpino. Sady nampirisiky andreo aho, lehy reo, ¹⁶ mba hanenky gny olo manahaky zay ndraiky amy olo iaby gnazy manampy amy asa ndraiky miasa miaraky aminay. ¹⁷ Mifaly amy fiavian'i Stefanasy, Fortinatasy, ndraiky Akaiosy aho. Nanome gny tsy nateo anreo reo. ¹⁸ Fa namelombelo gny fagnahiko ndraiky gny anareo reo. Ka roho zay, atao ay gny olo manahaky zay. ¹⁹ Reo fiangonan'i Asia laha manao veloma anareo. Akila ndraiky Pritsila laha manao veloma anareo amy Tompo, miaraky amy fiangona gnazy amy tranondreo. ²⁰ Gny lehy iaby manao veloma anareo. Mifanaova veloma amy oroky masina. ²¹ Zaho, Paoly, manoratsy ty amy tanako. ²² Laha misy olo tsy tia gny Tompo, lonoky mba ho voaozo i. Ho avy, gny Tompotsika! ²³ Ho aminareo le gny fahasoava gny Jesosy Tompo. ²⁴ Ho aminareo iaby gny fitiavako amy Jesosy Kristy. [Fanamariha: Ny dikan-teny taloha dia manampy hoe: "Amena." Fa ny vaovao maro hafa, ao anatin'izany ny ULB sy ny UDB, dia manala izany.]