¹ Na taha atao hoe mivola amy fivolandreo olo ndraiky ro anjely aza aho. Fa laha tsy mana fitiava, laha avy maneno na kipantso mikaratsam-peo aho. ² Na laha atao hoe mna fanomeza gny faminania sady mahay reo misitery ndraiku fahaiza iaby aza aho, sady mana gny finoa iaby afaha mamindra reo vohitsy. Fa laha tsy manam-pitiava, laha tsinontsino aho. ³ Na laha atao hoe manome gnazy raha agnanako hamahana gny mahantra aza aho, sady manome gny tenako ho doroy. Fa laha tsy manam-pitiava, laha tsy mahazo ndra ino ndra ino aho. [Fanamariha: Ny ULB sy ny UDB dia samy manana dikan-teny maro, mivaky toy izao hoe: "Homeko mba ho dorana ny tenako." Ny dikan-teny sasany kosa dia mivaky hoe: "Homeko ny tenako mba ho reharehako."] ⁴ Gny fitiava laha mahari-po sady soa fagnahy. Gny fitiava laha tsy magniry na mieboebo. Tsy miavo ⁵ na manao gnazy tsy mahamendriky. Tsy tia tena. Tsy malaky masiaky, na mitanisa fahadisoa. ⁶ Tsy faly amy tsy fahamarina. Fa koa, mifaly amy fahamarina. ⁷ Gny fitiava laha mandefitsy gny raha iaby, mino gny raha iaby, matoky gny raha iaby, sady miaritsy gny raha iaby. ⁸ Tsy ho tapitsy mandrakizay gny fitiava. Laha misy faminania, laha ho levy reo. Laha misy fivolana amy safa tsy hay, hitsara reo. Laha misy fahaiza, laha ho levy zay. ⁹ Fa tsika laha mahay amy sasany sady maminany amy sasany. ¹⁰ Fa lafa avy gnazy tena soa, laha ho levy gnazy tsy ao soa. ¹¹ Fony mbo zaza aho, laha niresaky manahaky gny zaza, nieritseritsy manahaky gny zaza, nisay manahaky gny zaza. Lafa bevata aho, laha nambelako gny fahazaza. ¹² Fa enaniky zao tsika laha mahita tsy mivanta amy fitaratsy, fa amy zay laha ifagnatriky vata. Enaniky zao aho laha mahay amy sasany, fa bako aho laha hahay iaby manahaky gny nahaiza ay iaby. ¹³ Fa enaniky zao laha reto telo reto ro misy: gny finoa, gny fanantena mandrakizay, sady gny fitiava. Fa gny bevata mare amindreo laha gny fitiava.