¹ Angalao tahaky aho, manahaky ahy mpangala tahaky agny Kristy. ² Sady midera anareo aho fotony mahatiaro ahy amy raha iaby nareo. Midera anareo aho fotony mitazo mare gny fomba araky gnazy nanomezako azy tamy nareo nareo. ³ Sady tiako ho azonareo fa Kristy ro loha gny johary iaby, fa gny lahy ro loha gny ampela, sady Ndragnahary ro lohan'i Kristy. ⁴ Sady mangala vonignaitsy gny lohany reo johary gnazy mivavaky na maminany ka misaro loha. ⁵ Fa mangala vonignaitsy gny lohany reo ampela gnazy mivavaky na maminany tsy misaro loha. Fa tsy hafa sady mitovy amy hoe ampela misarona gny lohany zay. ⁶ Fa laha tsy misaro loha gny ampela, laha tokony tapahy ho boribory gny volony. Laha mahamenatsy gny ampela gny amanapaky gny volony na gny manaratsy gny lohany, laha ao i hisaro gny lohany. ⁷ Fa tsy tokony hisaro gny lohany gny johary, fotony i ro sary ndraiky voniganitsy Ndragnahary. Fa gny ampela laha vonignaitsy gny johary. ⁸ Fa gny johary laha natao baka tamy ampela. Fa koa, gny ampela ro natao baka tamy johary. ⁹ Fa tsy misy johay noforony ho agny ampela. Fa koa, gny ampela ro noforony ho agny johary. ¹⁰ Zay ro tokony hanagna gny ampela gny mariky gny fahefa amy lohany, roho reo anjely. ¹¹ Na izay aza, amy Tompo, tsy mahazaka tena amy johary gny ampela, na gny johary mahazaka tena amy ampela. ¹² Fa laha baka amy johary gny ampela, laha gny johary koa laha baka amy ampela. Sady baka amy Ndragnahary gny raha iaby. ¹³ Tsarao gny tenanareo: Mety amy ampela va gny mivavaky amy Ndragnahary tsy misaro loha? ¹⁴ Tsy gny natiora mihitsy va ro nampianatsy anareo fa laha gny johary ro lava volo, laha fahafambaraka ho azy zay? ¹⁵ Tsy mampinatsy anreo va gny natiora fa laha gny ampela ro lava volo, laha vonignaitsy ho azy zay? ¹⁶ Fa namea azy gny volony mba hisaroma azy. Fa laha misy te hialy hevitsy amy zay, laha tsy mana ohatsy hafa zahay, ndra reo fiangona Ndragnahary. ¹⁷ Fa agnaty reo toro lily magnaraky, laha tsy midera anareo aho. Fa lafa miaraky avy nareo, laha tsy ho amy soa zay fa ho amy raty mare. ¹⁸ Fa tamy voalohany mare, laha reko fa lafa miaraky mivory amy fiangona nareo, laha misy fizarazara aminareo, sady mino zay amy fagnahy ahi. ¹⁹ Fa tsy maintsy misy fitokotokoa aminareo, mba hanenkea aminareo reo gnazy nenkea. ²⁰ Fa laha mivory nareo, laha tsy gny Fanasa gny Tompo ro hoaninareo. ²¹ Lafa mihina nareo, laha samy mihina gny haininy raiky avao gny kirairaiky aloany hinanany hafa. Mosary gny raiky, sady gny hafa lasa mamo. ²² Tsy mana trano inana ndraiky hinoma va nareo? Hataonareo tsisy dikany va gny fiangona Ndragnahary ka hambanianareo gnazy tsy mana ndra ino ndra ino? Ino ro tokony ho volaniko aminareo? Tokony hidera anareo va aho? Tsy hidera anareo amy zay aho! ²³ Fa nirambesiko baka amy Tompo avao koa gnazy ampitako anareo, fa Jesosy Tompo, tamy aliky gnazy namitaha Azy, laha nangala mofo. ²⁴ Lafa nisaotsy I, laha nanapaky agny zay sady nivola hoe: ''Inty gny vatako, gnazy ho anareo. Ataovo zao ho fahatsiarova Ahy.'' ²⁵ Mitovy amy zay koa laha nirambesiny gny kapoaky lafa naka nihina hariva, sady nivola I hoe: ''Inty kapoaky intiky ro fanenkea vaovao amy rioko. Ataovo zao ndra ombia ndra ombia nareo ro mino, ho fahatsiarova Ahy.'' ²⁶ Amy fotoa iaby gnazy hinananareo intiky mofo intiky ndraiky hisotroanareo amy kapoaky ty, laha manambara gny fahafatesa gny Tompo mandrapiaviany nareo. ²⁷ Ndra iha ndra iha, roho zay, mihina gny mofo na mino amy kapoaky gny Tompo amy fomba tsy mety, laha ho elofa gny amy vata ndraiky gny lio gny Tompo. ²⁸ Ao mba handiniky gny tenany aloha gny olo, sady amy zay laha ao hihina gny mofo sady hino amy kapoaky i. ²⁹ Fa i gnazy mihina ndraiky mino ka ts mahay gny vatany, laha mihina ndraiky mino fitsara ho agny tenany. ³⁰ Zay ro mahavy gny maro aminareo halaelo ndraiky marary, sady gny sasany aminareo ho maty. ³¹ Fa laha mandiniky tena tsika, laha tsy ho tsaray. ³² Fa lafa voatsara gny Tompo tsika, laha mpanara-dily, mba tsy ho voaeloky miaraky amy tany iaby zao. ³³ Roho zay, lehy reo, lafa mivory mba hihina nareo, laha mifampiambesa. ³⁴ Laha misy olo raiky mosary, ao i hihina agny antrano, amy zay lafa mivory nareo laha tsy ho amy fitsara zay. Sady mahakasiky reo raha hafa gnazy nosoratanareo, laha hanome toro-dily aho lafa avy.