¹ Paoly naken'i Jesosy Kristy mba ho Apostoly noho gny sitrapo Ndragnahary, ndraiky Sostena ralahitsika, ho agny fiangona Ndragnahry ao Korinto, ² ho andreo gnazy nohamasiy tamy Kristy Jesosy, gnazy voakaiky ho olo masina. Manoratsy ho ndreo iaby gnazy mikaiky gny agnaran'i Jesosy Kristy Tompotsika amy toera iaby koa zahay, laha Tompo ndreo ndraiky tsika. ³ Ho amy nareo le gny fahasoava ndraiky gny fiadana baka amy Ndragnahary Babantsika ndraiky Jesosy Kristy Tompo. ⁴ Zaho laha manome fisaora an-Dragnahary ho anareo roho gny fahasoava Ndragnahary gnazy momen'i Jesosy Kristy anareo. ⁵ Nataony nanankarena tamy fombo iaby nareo, tamy fiteny iaby ndraiky gny fahaiza iaby, ⁶ laha voaporofo tamy nareo fa marina gny fagnambara mahakasiky agn'i Kristy. ⁷ Roho zay nareo laha tsy ijaly fanomeza fahasoava avao gny fagnambara agn'i Jesosy Kristy Tompotsika. ⁸ I avao koa laha hapatanjaky anareo hatramy farany, mba tsy hanantsiny nareo amy andron'i Jesosy Kristy Tompotsika. ⁹ Matoky Ndragnahary, gnazy nikaiky anareo ho amy fikambana amy Agnakiny lahy, Jesosy Kristy Tompotsika. ¹⁰ Enaniky zao laha mampirisiky anareo aho, lehy reo, amy gny agnaran'i Jesosy Kristy Tompotsika, mba hifanaraky nareo iaby, sady tsy hisy fisaraha aminareo. Mampirisiky aho mba hikamba amy say mitovy ndraiky tanjona mitovy nareo. ¹¹ Fa fa natao mazava tamiko, ley reo, baka amy vahoaky Kloe fa misy fifampiandaia aminareo. ¹² Gny tiako ambara laha zao: Gny tsiraikiraiky aminareo samy manao hoe: ''Zaho miaraky amy Paoly,'' na ''Zaho miaraky amy Apolosy,'' na ''Zaho miaraky amy Kristy.'' ¹³ Voazarazara va Kristy?'' Paoly va ro nifantsia ho anareo? Tamy gny agnaran'i Paoly va ro nanaovo batisa anareo? ¹⁴ Misaotsy an-Dagnahary aho fa tsy nisy nataoko batisa nareo, afa-tsy Krispo ndrisky Gaio. ¹⁵ Zay laha mba tsy hafaha ndra iha ndra iha mivola hoe tamy agnarako ro nanaoba batisa anareo. ¹⁶ (Zaho avao koa laha nanao batisa gny longon'i Stefanasy. Gny hafan'izay, tsy haiko laha nanao batisa olo hafa aho.) ¹⁷ Fa Kristy laha tsy naniraky ahy mba hampanao batisa fa hitory gny filazantsara. I tsy handefa ahy hitory amy teny fahendre gny olombelo, mba tsy ho tapitsy gny fahatanja gny hazofijalian'i Kristy. ¹⁸ Fa gny hafatsy mahakasiky gny hazo fijalia laha fahadala amindreo gnazy ho maty. Fa eo amindreo gnazy ho vonje Ndragnahary koa, laha tanjakin-Dragnahary zay. ¹⁹ Fa voasoratsy hoe: ''Ho poteko gny fahihiany gny mahitsy. Ho alaiko gny fahaiza gny mahay.'' ²⁰ Aia gny olo mahitsy? Aia gny magnam-pahaiza? Aia gny mpialy hevitsy agny tany iaby? Va tsy navaliky Ndragnahary ho fahadala va gny fahihira gny tany iaby? ²¹ Fotony tsy nahay an-Dragnahary gny tany iaby tamy gny fahihirany, laha sitrany Ndragnahary gny hagnavotsy reo gnazy mino baka amy gny fahadala gny fitoria. ²² Fa reo Jiosy mangataky famantara mahatseriky sadt reo Grika mikaroky fahihiry. ²³ Fa zahay magnambaa agny Kristy voafantsiky, gnazy vao fampalahelo andreo Jiosy sady fahadala ho andreo Grika. ²⁴ Fa ho andreo gnazy nake Dnragnahary, reo Jiosy ndraiky reo Grika, laha magnambara agny Kristy manahaky gny tanjaky ndraiky fahihira Ndragnahary zahay. ²⁵ Fa gny fahadala Ndragnahary laha mahihitsy roho gny olo, sady gny fahaleme Ndragnahary laha matanjaky roho gny olo. ²⁶ Hevero gny fikaia anareo, lehy reo. Tsy maro tamimareo ro mahihitsy laha gny amy maha olombelo. Tsy maro tamindreo lo natanjaky. Tsy maro taminareo ro ambony firazana. ²⁷ Fa Ndragnahary laha nifily reo raha adala gny tany iaby mba hampamenatsy gny mahihitsy. Ndragnahary laha nifily gnazy malemy amy tany iaby mba hamenatsy gnazy matanjaky. ²⁸ Ndragnahary laha nifily gnazy ambany ndraiky hamavoina amy tany iaby. Na I aza laha nifily reo raha gnazy nieritrerety ho tsisy dikany, mba tsy hampisy dikany agny reo raha atao misy dikany. ²⁹ Nataony zay mba tsy hisy hana antony hisehosehoa Aminy eo. ³⁰ Roho gny natao Ndragnahary, enaniky zao nareo laha amy Kristy Jesosy, gnazy lasa fahihira ho antsika baka amin-Dragnahary. I laha nanjary fahamarinantsika, fahamasinantsika sady fahafahantsika. ³¹ Vokatsin'izay, araky gny voateny gny Soratsy Masina hoe: ''Ao gnazy misehoseho, hisehoseho amy Tompo.''