¹ Aho loholona ijay mamangy an'i Galo malala, jay tieko amin'ny fahamarinana. ² Ry malala, mivavaka aho ba hambinina amin'ny raha manontolo anao ary ho salama, hôtran'ny hagnambinana ny fagnahinao. ³ Fa nifaly indrindra aho tamin'ny bola nisy rahalahy avy ary nijoro vavolombelogna tamin'ny fahamarinanao, tahaka ny nandihananao amin'ny marina. ⁴ tsy managna hafalena be noho an'itoy aho, die ny maharegny fa mandeha amin'ny fahamarinana ireo janako. ⁵ Ry malala, magnano asamahatoky anao na amin'ny ino na ino asa ataonao ho an'ny rahalahy sy ny vahiny, ⁶ ijay nijoro vavolombelogna ny fitiavanao teo agnatrehan'ny fengonana. Tsara ny namboarinao laha alefanao mandeha amin'ny fomba mendrika an'Andriamanitra ijy areo, ⁷ satria nohon'ny agnarana no nelany, tsy nitondra na ino na ino avy tamin'ny Jentila. ⁸ Noho ijany antsena die tokony handray ny tahaka ijany koa, mba ho mpiara-miasa amin'ny fahamarinana antsena. ⁹ Nanoratra raha tamin'ny fengonana aho, kanefa Diotrefa, te-ho lohany amin'ijy ireo, die ny nandray anay. ¹⁰ Noho ijany, laha avy aho, die ho tsarôko ny asa ijay nataone, ny fomba nijakane raha mahakamo manohitra anay miaraka amin'ny teny ratsy. Tsa afa-po tamin'ny asa, die tsy nandray ny rahalalahy ijy. Nandray ny ijay te-hagnano hôtean'ijne ijy ary nandrôka an'dreo hivôka ny fengonana. ¹¹ Ry malala, aja mangala tahaka je ratsy fa je tsara. Ny raike jay magnano tsara die an'Andriamanitra; ny raike jay magnano ny ratsy die tsy nahita an'Andriamanitra. ¹² Ny rehetra sy ny fahamarinana die vavolombelogna magnambara an'i Demetrio. Ahay mandy koa die mijoro vavolombelogna, ary fantatrao fa marina ny fagnambaranay. ¹³ Nanagna raha maro hisoratana aminareo aho, fa tsy magniry hanoratra ireo aminareo amin'ny ranomenty sy penina aho. ¹⁴ Kanefa aho magnantegna hahita anareo tsy ho ela, ary niresaka mivantagna antsena. ¹⁵ Hôminareo anie ny fedagnana. Magnano veloma anao ireo sakeja atoy. Veloma agny amin'ireo sakeja kiraidraike araka ny agnarany aby.