¹ Mangataka anareo za nony zany, ry ralà, non'ireo famindram-pon'Andriamanitra mba hanolotra ny vatanareo ho sorogna velona, masina, eken'Andriamanitra. Zany no fanomponareo araka ny tokony ho izy. ² Aza mitovy amin'zao tontolo zao, fa miovà amin'ny fagnavaozana ny saignanareo. Atôvo zao mba ho hainareo ze tsara, azo ekena, ary ny sitrapo lafatr'Andriamanitra. ³ Fa ambarako, nohon'ny fasoavana ze namena ana, ny tsy tokony hanagnan'ny daôly ze akeo aminareo eritreritra hagnambony ny tegnany mihôtra ze tokony ho eritreretiny. Fa kosa, tokony hieritreritra am-pahendrena zareo, ôtrany nagnomezan'Andriamanitra fatram-pinona ny tsiraikaraika avy. ⁴ Fa magnano rantsagna maro amin'ny vatantsika tsika, kanefa tsy mitovy avokoa ny asan'ireo rantsagna 'reo. ⁵ Mitovy amin'zany tsika ze maro be de vatagna raika iany akao amin'i Kristy, ary rantsagna manokana amin'ny tsiraikaraika. ⁶ Managna fagnomezam-pasoavana samy hafa isika araka ny fasoavana ze nomeny antsika. Raha faminagnina no fagnomezam-pasoavan'ny raika, de ôka atao araka ny haben'ny finony. ⁷ Raha fanompona no fagnomezam-pasoavan'ny raika, de ôka izy hanompo. Raha nisy raika nahazo fagnomezam-pasoavana hampianatra, ôka izy hampianatra. ⁸ Raha fampaherezagna no fagnomezam-pasoavan'ny raika, ôka izy hampahery. Raha magnome no fagnomezam-pasoavan'ny raika,ôka izy hagnano zany amim-pahalala-tagnana. Raha hitarika no fagnomezam-pasoavan'ny raika, ôka zany ho vita am-pitandremana. Raha hampiharihary fangoraham-po no fagnomezam-pasoavan'ny raika, ôka zany ho vita am-piravoravôna. ⁹ Ôka ny fitiavana tsisy fihatsaram-belatsihy. Ankalao ny ratsy; tano mafy ze tsara. Raha ny momba ny fitiavan'ny mpiralà, mifankatiava aminareo tsiraikaraika avy. ¹⁰ Raha ny momba ny fagnomezam-boninahitra, mifagnajà. ¹¹ Ra ny momba ny fikirizagna, aza misalasala. Ra ny momba ny Fagnahy, ôka hafana fo. Momba ny Tompo, tompoy Izy. Mifalia ao amin'ny fahatokiagna zay ¹² hagnananao momba ny ho avy. ¹³ Mifampizara amin'zay ilain'ny mpino. Mitadiava fomba maro hampiantranoagnao ô'la. ¹⁴ Misaora reo zay magnenjika anao; misaora ary aza magnozona. ¹⁵ Miara-mifaly amin'jareo zay mifaly; miara-mitomany amin'jareo zay mitomany. ¹⁶ Mitovia fisaignana amin'ny tsiraikaraika. Aza misaigna amin'ny fomba mirehareha, fa ekeo reo ô'la ambany. Aza mihevitra ny tegnanao ho hendry. ¹⁷ Aza mamaly ratsy ny ratsy. Magnaova ra tsara maro akeo imason'ny ô'la daôly. ¹⁸ Ra mety, araka zay azonao atao, mihavagna amin'ny ô'la daôly. ¹⁹ fa omeo lalana ny fahatezeragna Andriamanitra. Fa efa vaosoratra hoe: "Ahy ny vali-faty; Za no hamaly, hoy ny Tompo." Fa ra nôgna ny fahavalognao, omeo ho sotroigna izy. ²⁰ Fa ra magnao zany enao,de hanangona vain'ofo akeo amin'ny lohany." ²¹ Aza magneky ho resin'ny ratsy, fa reseo amin'ny tsara ny ratsy.