¹ Nampagneno ny trompetrany ny anjely fadimy. Naita kintana avy akeigny an-dagnitra za ze potraka taty amin'ny tany. Le kintana no namegna ny fagnalaidin-le lavaka tsy hita noanoa. ² Nosokafany le lavaka tsy hita noanoa, ary niakatra ny setroka nivôka avy takao am-le lavaka ôtrany setroka avy amin'ny laforo ngeza. Nivadika maloka ny masoandro sy ny rivotra nony setroka nivôka takao an-davaka. ³ Avy amin'ny setroka no natongavan-reo valala teto ambonin'ny tany, ary namegna hery ôtrany an'ny maingoka teto ambonin'ny tany zareo. ⁴ Notenenina zareo tsy hanimba ny atra teto ambonin'ny tany na reo ra-maniry maitso na kakazo, fa reo ôla ze tsy magnana tombo-kasen'Andriamanitra akeo amin'ny handrin-zareo iany. ⁵ Tsy nahazo alalagna ny hamono reo ôla reo zareo, fa hampijaly an'jareo mandritra ny dimy vôlana iany. Ny fanaintainan-jareo de ôtrany tsindron'ny maingoka rafa manaitr'ôla. ⁶ Am-reo andro reo de hitsikaraka fafatesagna ny ôla, fa tsy haita. Hagniry ny ho faty mafy zareo, nefa hilefa an'jareo ny fafatesagna. ⁷ Ôtrany sovaly nomanina tamin'ny ady reo valala. Tamin'ny lôn-jareo de nisy ra ôtrany satro-boninaitra volamena, ary ny tavan-jareo de ôtrany ny tavan'olombelona. ⁸ Nagnana volo ôtrany volom-bevavy zareo, ary ny nifin-jareo de ôtrany nifin'ny reo liona. ⁹ Nagnana ferovan-tratra ôtrany ferovan-tratra vy zareo, ary ny feon'ny elan-jareo de ôtrany feon'ny kalesy sy sovaly betsaka mezakazaka ho akeigny amin'ny ady. ¹⁰ Nagnana rambo nisy fantsindromagna ôtrany maigoka zareo; akao amin'ny rambon-jareo no misy ny hery hanimba ny ôla mandritra ny dimy vôlana. ¹¹ Nagnana mpanjaka zareo de le anjelin-le lavaka tsy hita noanoa. Ny agnarany tamin'ny teny Hebreo de Abadona, ary ny agnarany tamin'ny teny Grika de i Apolyona. ¹² Lasa ny loza vôlôgny. Indro! afaran-zao de mbola hisy loza roey ho avy. ¹³ Nampaneno ny trompetrany le anjely faenina, ary naeno ny feo nivôka tamin'ny tandroky ny alitara volamegna ze efa nisy takeo agnatren'Andriamanitra za. ¹⁴ Ary nitare tam-le anjely faenina le feo magnano hoe: "Avilao reo anjely efatra ze mifatotra aigny am-le renirano leiben'ny Eofrata." ¹⁵ Reo anjely efatra ze efa nomanigna tam-zany ora zany, zany andro zany, zany volana zany, ary zany taogna zany, de navela mba hamono ny ampatelon'ny olombelogna. ¹⁶ Ny isan-reo miaramila nitengin-tsovaly de 200, 000, 000. Naeno reo isa reo za. ¹⁷ Ôtrany zany no fomba nahitako reo sovaly takao amin'ny fahitako sy reo ze nitengina takeo am-jareo: Reo ferova-tratran-jareo de miretra mena, manga antitra ary solifara mavo. Nitovy tamin'ny lôn-reo liona ny lôn-reo sovaly, ary nivôka takao am-bavan-jareo de afo, setroka, ary solifara. ¹⁸ Ary ny ampatelon-reo ôla de matin-reo loza telo: ny afo, ny setroka, ary ny solifara ze nivôka takao am-bavan-jareo. ¹⁹ Fa ny herin-reo sovaly de avy takao amin'ny vavan-jareo sy tamin'ny rambon-jareo, fa ny rambon-jareo de ôtrany bibilava, ary nagnana lô ze afaka mandratra ôla zareo. ²⁰ Ny ambin-reo olombelona, reo ze tsy matin-reo loza reo, de tsy nibebaka tam-asa ze vitan-jareo, ka nijanogna nagnompo reo demony sy sampy volamegna, volafotsy, varana, vato, ary tapa-kazo sy reo ra ze tsy hita maso, reigny, na mande. ²¹ Zareo de mbola tsy nibebaka tamin'ny asa famonogna, sy ny famosaven-jareo, ny fijangajangana na reo asa fangalaran-jareo.