¹ Ary tafarakelin'zany de nanomboka nande nitety tanàna sy vohitra samihafa Jesosy, nitory sy nagnambara ny filazantsara momba ny fanjakan'Andriamanitra. Niaraka tamin'Azy reo rombefolo lahy, ² salan'reo vevavy sasagny ze sitragna tamin'ny fagnahy ratsy sy ny aretina; Maria ze antsovina hoe Magdalena, ze efa namoàhana demonia fito; ³ Johana, vadin'i Koza, ze mpitan-draharahan'i Heroda, ary Sosana; sy reo maro hafa kô, ze, tamin'ny fanagnan-jareo, de nagnome ze nilain-jareo. ⁴ Raha mbôla nisy vahôka betsaka nitandrorogna, de avy nagnatogna an'Azy reo ôla avy tamin'ny isan-tanàna, de nagnano fagnoharana izy hoe: ⁵ "Nisy mpamboly nivôka mbô hamafy ny voany. Raha izy namafy igny, de vôfafy taigny amoron-dalana ny sasagny ary de vôkitsakitsaka zany, ary lanin'ny vorogn'ny lagnitra. ⁶ Ny sasagny kosa vôfafy taigny amin'ny vatolampy, ka raha vô nitsimoka, de nalazo zany, satria tsisy hamandôna. ⁷ Ary ny sasagny de vôfafy takeo amin'ny tsilo, ary ny tsilo niara-nagniry tamin'ny voa ka nangeja an'zany. ⁸ Ny sasagny vôfafy taigny amin'ny tany lonaka ka namoa vokatra ze tsara lavitra reo ra reo, de nagnantso mafy Izy hoe: "Ze managn-tsofigna hitandrinesana, ôka izy hihaino." ⁹ Nagnontany an'Azy reo mpianany ny amin'ny ten'zany fagnoharana zany lazaina. ¹⁰ Ozy hoe: "Ny falalana ny ra misitrika an'ny Fanjakan'Andriamanitra de namena an'nareo, fa ho an'ny hafa de mikoragna amin'ny fagnoharana Za, mbô tsy hatazagna zareo na de mahita aza, ary tsy hafantatra na de naregny aza." ¹¹ Ary zao no dikan'le fagnoharana: ny voa de ny tenin'Andriamanitra. ¹² Reo vôfafy taigny amin'ny sisin-dalana de reo ze maregny, saingy avekeo de tonga ny devoly ka miaka an'le teny takao am-pony, mbô tsy hino sy ho vôvonjy zareo. ¹³ Ary reo takeo amin'ny vatolampy kosa de reo ze, rafa naregny ny teny, de mandray an'zany am-pifalena. Nefa tsisy fakany reo; vetiketika fôgna ny finoan-jareo, ary amin'ny fotôna fitsapana de lavo zareo. ¹⁴ Reo voa vôfafy takeo amin'ny tsilo de reo ôla maregny ny teny, fa rafa mande amin'ny lalany zareo, de vôgejan'ny fiahiana sy ny harena ary ny fafinaretan'zao fiaignana zao, ka tsy matoy nt voany. ¹⁵ Fa ny voa vôfafy tamin'ny tany tsara, de reo no, maregny ny teny tamin'ny fo marina sy tsara, ary zareo mitàna an'azy tsara ary namokatra am-paharetana. ¹⁶ Ary, tsisy ôla, rafa nampiretra jiro, de magnarona an'azy amin'ny sorony na mametraka an'zany akao ambany fandrena. Fa kosa, mametraka azy akeo amin'ny fagnanôvan-jiro, mbô ho hitan'ny ôla daôly ze miditra ny hazavana. ¹⁷ Satria tsisy takona ze tsy ho ampafantarina, na ra miafina ze tsy ho fantatra ary habôgna akeo amin'ny hazavagna. ¹⁸ Ka mandrinesa tsara, ze managna, de mbôla amena bebe kokoa, fa ho an'ze tsy managna kosa, na ze haveriny hanagnany aza de ho esorina amin'azy." ¹⁹ Avekeo ny reniny sy ny ralahiny nagnatona an'Azy, nefa tsy afaka nanankeky an'Azy nohon'ny vahôka. ²⁰ Nisy nilaza tamin'Azy hoe: "Ny reninao sy ny ralahinao de mitsangana akao avelany, te hahita an'nao." ²¹ Fa Jesosy namaly sy nitare tamin'jareo hoe: 'Ny reniko sy ny ralahiko de reo ze maregny ny tenin'Andriamanitra sy magnano an'zany." ²² Ary ndray andro de nande an-tsambokely Izy niaraka tam'reo mpianany, ary Izy nilaza tamin-jareo hoe: "Andao tsika ho aigny ampitan'ny farihy." De lasa zareo. ²³ Fa raha nande igny zareo de resi-tory Jesosy. Ary nisy tafio-drivotra tonga takeo amin'ny farihy, ka feno rano ny sambokely, ary notandindomin-doza zareo. ²⁴ Avekeo nankeo amin'Azy ka namô an'Azy reo mpianatr'i Jesosy, nagnano hoe: "Tompo ô! Tompo ô! Ho foaty tsikana!" Ary nifoha Izy ka niteny mafy ny rivotra sy ny rano manonja, ary nitsahatra reo, ka nisy fitoniana takeo. ²⁵ Ary nitare tamin-jareo Izy hoe: "Aiza ny finoanareo?" ary natatra mafy zareo. Ary natatra no sady gaga iany kô zareo, ary nifampagnontany hoe: "Iza ma le io, no mandidy na ny rivotra sy ny rano aza, ary maneky an'Azy reo?" ²⁶ Zareo de nihazo ny faritr'i Gerasena, ze tandrifin'ny farihin'i Galilea. ²⁷ Ary rafa niakatra hankaigny an-tanety Jesosy, de nifanena tamin'ny leila raika avy takao an-tanàna ze nisy demonia. Ary efa ela izy no tsy nekanjo, ary tsy nipetraka takao an-tragno fa taigny amin'ny fasagna. ²⁸ Rafa natazagna an'i Jesosy izy, de nikikika mafy sy nenkotra takeo agnolôny ka nitare tamin'ny feo mafy hoe: 'Ino no iraisanao aminà, ry Jesosy, zanak'Andriamanitra Avo ndrindra ô? Mengavy An'nao za, aza mampijaly anà." ²⁹ Fa Jesosy nandidy ny fagnahy maloto hiala takao am'le leila. Fa efa nandritry ny fotôna maro no nangeja an'azyzany, ka na de nofatorana tamin'ny rojo sy gadra vy ary nambesana aza izy, de nopotehiny reo rojony ary nentin'ny demonia taigny agn'efitra izy. ³⁰ Jesosy nagnotany an'azy hoe: "Iza no agnaranao? Ary ozy hoe: "Legiona," fa maro ny demonia zay efa niditra takao amin'azy. ³¹ Zareo nengavy an'Azy hatraigny mbô tsy andefa an'azy ho aigny amin'ny lavaka tsy hita naoanoa. ³² Ary nisy andia-kisoa betsaka nirôtra takeo ankekin'ny tanety. Ka nengavy an'Azy le demonia mbô hamela an-jareo ho akao am'reo, ka namela an'azy Izy. ³³ Ka nivôka takao am'le leila reo demonia ary nifindra takao am'reo kisoa, ary nitratrevatreva taigny amin'ny tevagna nankao amin'ny farihy reo andian-kisoa ka maty. ³⁴ Ary nohon'ny natazagna ny ra nitranga reo mpiambina ny kisoa, de niazakazaka ka nilaza an'zany takao an-tanàna sy taigny an-tsaha. ³⁵ Noho zany de nivôka ny mponina takao an-tanàna mbô hijery ny ra mitranga, ary nagnatona an'i Jesosy zareo ka natazagna an'le leila ze nivoahan'ny demonia. Ary izy nipetraka takeo an-tongotr'i Jesosy, nitafy ary salama saigna; ary raiki-tatra zareo. ³⁶ Avekeo reo ze natazagna an'zany nilaza an-jareo ny fomba nahasitrana an'le leila nanjakan'ny demonia. ³⁷ Ary ny vahôka daôly takeo amin'ny faritanin'i Gerasena de nangataka an'i Jesosy mbô hiala akeo amin-jareo, satria feno tatra mafy zareo. Noho zany de nande an-tsambokely Izy mbô afahan'jareo miverina. ³⁸ Le leila nivoahan'ny demonia de nengavy tamin'Azy mbô hamela an'azy ande hiaraka amin'Azy, fa Jesosy nandefa an'azy, nitare hoe: ³⁹ "Miveregna aigny an-tragnonao ka magnomeza tatitra feno momba an'ze nataon'Andriamanitra taminao." Ary le leila nande tamin'ny nanay, de nambara manerana ny tanàna daôly ze nataon'i Jesosy tamin'azy. ⁴⁰ Ary rafa niverina Jesosy, de nandray an'azy ny vahôka, fa zareo de efa niandry an'Azy. ⁴¹ Indro, nisy leila raika atao hoe Jairo, ze raika tam'reo mpitarika takao amin'ny Synagoga, nagnatona sy nenkotra takeo an-tongotr'i Jesosy, ka nengavy an'Azy mbô ho aigny an-tragnony, ⁴² satria ny zanany vavy tokana, ze zazavavy teo amin'ny rombefolo taona teo ho eo, de akeo ambavahôn'ny fafatesana. Raha nande tamin'ny lalany Jesosy, de niara-nifagneritery magnodidigna an'Azy ny vahôka betsaka be. ⁴³ Ary nisy vevavy raika takeo ze efa nande rà nandritry ny rombefolo taona ary efa nandany ny volany daôly, [Fagnamarihana: Reo manam-pahaizana de mizarazara hevitra raha tokony ampidirina aketo ny fehezanteny hoe: "Nandany ny volany daôly (izy)] ary tsy nisy nahasitrana an'azy n'iza n'iza. ⁴⁴ Ary izy de nankeo afaran'i Jesosy ka nikasika any rambon-dambany, de nijagnona avy hatraigny ny ràny. ⁴⁵ Jesosy nitare hoe: "Iza ma le nikasika Anà takeo?" Rafa nandà ny daôly, de ozy Petera hoe: "Tompo, magnodidina An'nao avokoa ny vahôka daôly ary manery An'nao." ⁴⁶ Fa Jesosy nitare hoe: "Nisy nikasika Za, satria fantatro fa nisy hery niala avy takato aminà." ⁴⁷ Rafa hitan'le vevavy fa tsy takona izy, de nangovitra izy ary nenkotra takeo amin'Azy. Nambarany takeo amason'ôla ny antony nikasihany an'Azy, sy ny fomba nahasitrana an'azy avy hatraigny. ⁴⁸ Ary Izy nitare tamin'azy hoe: "Ry zaza vavy, ny finoana no nahasitrana an'nao. Mandiana am-pedanana." ⁴⁹ Avekeo raha mbôla nikoragna izy, de nisy ôla raika avy amin'ny tragnon'ny mpitarika synagoga, nagnano hoe: "Maty ny zanakao vavy. Aza magnahirana ny mpampianatra tsony." ⁵⁰ Fa rafa naregny an'zany Jesosy, de namaly an'i Jairo Izy hoe: "Aza matatra, minoa fotsiny iany, de ho sitrana izy." ⁵¹ Rafa nankao an-tragno Izy, de tsy namela na de ôla raika aza hiara-hiditra amin'azy ankôtran'i Petera sy Jaona sy Jakoba, sy ny rain'le zaza ary ny reniny. ⁵² Ary ny daôly de nisaona sy nitomagny an'azy, ⁵³ fa Izy nitare hoe: "Aza mitomagny; tsy maty izy fa matory." De nihome an'Azy zareo, satria fantatra fa maty le zaza vavy. ⁵⁴ Fa noraisiny tamin'ny tagnana izy ka nagnantso mafy, nitare hoe: "Anaka, mitsangàna!" ⁵⁵ Ary niverina ny fanahiny, ka niharina avy hatraigny izy. Ary nibaiko an-jareo Izy mbô hagnome ahanina ho an'azy. ⁵⁶ Ary gaga ny Ray aman-dreniny, fa Izy kosa nandrara an-jareo mbô tsy hilaza na amin'iza n'iza ny ra ze nitranga.