¹ Tohizo hatraigny ny fifankatiavan'ny mpirahalà. ² Aza magnadino ny fampentranom-bahiny. Fa tamin'zany de nampentragno anjely ny sasagny nefa tsy fantany. ³ Tsarôvo reo vôgadra, de hevero ho salan'ny niara-nigadra tamin-jareo kô anareo. Tsarôvo reo ze ampahorena, hevero ho salan'ny hoe: zareo ihany kô anareo amin'ny vatagna. ⁴ Ôka hagnaja ny fanambadena ny tsiraikaraika, ôka tsy hifagnitsakitsaka ny mpivady fa ataovo madio ny fandreny, fa Andriamanitra de hitsara an'reo mpangalabadin'ôla sy reo mpijangajanga. ⁵ Aza avela hahazo laka amin'ny fitondran-tegnanareo ny fitiavam-bola. Mifalia am'reo ra ze hanagnanareo, satria Izy Andriamanitra de nitare hoe: "Za de tsy handao an'nareo miitsy, na hahafoy an'nareo velively kô." ⁶ Alao mba ho faly ntsika ka ho sahy hitare hoe: 'Ny Tompo no Mpamonjiko; ka tsy hatahotra za. Ino no azon'ny ôla atao aminà?" ⁷ Hevero reo mpitarika an'nareo, ze nitory ny tenin'Andriamanitra taminareo, hevero ny fiafaran'ny fiaignan'jareo. Alao tahaka ny finon-jareo. ⁸ Jesosy Kristy de tsy miova nomaly, sy nigniany, ary mandrakizay. ⁹ Azy magneiky tômina amin'reo karazagna fampenarana hafahafa. Fa tsara raha hamafisina amin'ny fasoavan'Andriamanitra ny fo, fa tsy amin'ny hanina ze tsy mahasoa reo mahavatra an'azy. ¹⁰ Tsika de managna alitara ze tsy anagnan'reo mpagnano fanompoam-pivavahana akao amin'ny tabernakely fahefana hihinana. ¹¹ Ny ràn'reo biby novonoina natao fagnatitra ho an'ny ota de nentin'ny mpisorognabe takao amin'ny tôrana masina, nandritra an'zany ny vatan-jareo de nidorôna taigny avelagny ny toby. ¹² Izany no antony nijalen'i Jesosy sy ny nahafatesany taigny avelagny ny vavahadin'ny tanàna, mba hagnamasina ny vahôka amin'ny ràny manokana. ¹³ Andao tsika ho aigny amin'Azy aigny avelagnin'ny toby, ka hiara-hitondra ny fafambarakany. ¹⁴ Fa tsika de tsy managna tanàna maharitra aty. Fa kosa, tsika de mandigny le raika ze ho avy. ¹⁵ Ary de andao tsika hagnatitra fagnati-piderana ho an'Andriamanitra hatrany, de fiderana vokatry ny molotra ze magneiky ny agnarany. ¹⁶ Fa mba aza magnadino ny magnano ny tsara sy magnampy ny tsiraikaraika tsika, fa amin'ny fagnatitra ôtran'zany indrindra no tegna sitrak'Andriamanitra. ¹⁷ De mankatoava sy magnikesa, an'reo mpitondra an'nareo, fa zareo no miaro ny fagnahinareo, salan'reo ze hagnano tatitra. Mba magnike hagnano an'zany am-pifalina reo mpitondra anareo, fa tsy atao ampisentôna zany. ka lasa tsisy dikany ho anareo. ¹⁸ Mivavaha ho anay, fa zahay de nino fa managna feon'ny fieritreretana madio ary magniry hiaigna ampamarinana ny ra daôly. ¹⁹ Tegna mamporisika an'nareo miitsy za mba hagnano an'zany, ka mba hiverigna malaky aty aminareo za. ²⁰ Ary le Andriamanitry ny fiadanana, ze manangana an'i Jesosy Tompontsika, le mpiambina ondry leibe, tamin'ny maty ze nitondra ny ràn'ny fanekena mandrakizay, ²¹ de hagnatsara anareo amin'ny asa tsara daôly mba hagnanôvana ny sitrapony. Izy ane hiasa akao agnatintsika ze tegna ankasitrahana akeo agnatrehany amin'alalan'i Jesosy Kristy, ze hamena ny voninahitra mandrakizay. Amena. ²² Ary mankahery anareo za, ry rahala, mba hizaka ny tenin'ny fampaherezana ze nosoratako foika ho anareo. ²³ Ôka ho fantatrareo fa Timoty rahalantsika de efa afaka, zay iaraka aminà hizaha anareo raha tonga alô izy. ²⁴ Ataovo veloma daôly reo mpitarika anareo sy reo mpino daôly. Reo ze avy aigny Italia de magnano veloma anareo. ²⁵ Ho aminareo daôly anie ny fahasoavana.