¹ Simoni Petelo, mfum ye mpi ntumwa e Yezu Kristu, n'avear ayi vi lukwikilu e mbalu otin emog na su na eywi su, lukwikilu ne dzug lunungu ne e Nziam e su mpi ngulusi esu Yezu Kristu. ² Ngrasia eyi na gnu, ngemba eyam nanjia via a Nziam ti e Yezu nkum e su. ³ Via ankea nkum elir biu e Nziam ognang na luzingu avi sug wog ne mbug along a Nziam, nde wur eyivie su mbug e nkembo ti biu e nde. ⁴ Ne mbug e vim ane, amitepea ilag i mbalu ye mpi inen-nen. Amikie ngagn ognang oshwiagni ne kimvuka emog n'otin e Nziam ognagn omivugagni otin omilur gnu ne vi apwo eli biu itsin na mpuy ipwo. ⁵ Djwi na via anagn, kieagni biu enkum djwi na ngika ne lukwikilu bifu iwuo,ne dzug bifu iwuo mazaya, ⁶ ne dzug e mazaya ntshung etura, ne dzug entsthung etura molende, ne dzug e molende , luzingu e bisambu . ⁷ Ne dzug e luzingu e bisambu epier e wo n'atwung, ne dzug epier e wo n'atwung lutondo. ⁸ Ognagn,yug vim anagn eli na gnu mpi elefwiy- ke- elefwiy, opikungiagni kamsi ikuba ipitsingur to nkwon nkie otshia djwi na ndjia Yezu Kristu Ngulusi e su; ⁹ Kansi ewur ekwon vi ane ye mpi eneling ko vim a ngie e vim ane, ali wur emibuye viy. Amijing ndolula i masumu i nde i ntama. ¹⁰ Djwi la wo, atwung, wunkiagni biu e gnu e nkum na ndjia wuo-wuo evie e gnu ti omosola wu gnu. Yug okiagni vim anagni opalogagni ni ibagu. ¹¹ N'oshin o nagni, mbug e gnu e ntshwe n'ekub e mvwe na mvwe e nkum esu mpi ngulusi esu Yezu K ristu, ayayia wo ngignam mingi. ¹² Djwi la wo aya yaka me ntang e nkum mbeama agnu djwi mokaninagni vim ane ata olajiagni wog, ata mpi opean alagni biu ne via viavi. ¹³ Nda banza nnde eli wo djwi na me n'ombiyagni ne lwong mpi 'onkaninagni vim ane ntang ene enkum eyi me na luzingu. ¹⁴ Ognang ndajia epayia etey mingi, nda pwe ne djung ene otin emingiegne nkum e Yezu Kristu. ¹⁵ Ayakie me biu enkum ognang oyindulakagni vim ane ne mbig ewa e me. ¹⁶ Agnang sikadjieka itsig imikie vear na wagn ewo ntagn etubaka su djwi na biu e monika ne viy avear e nkum e su Yezu Kristu, kansi ayi su wa temwe eyiyen na viy onen e nde. ¹⁷ Ognagn, amivey etay e Nziam, Tea, lukumu ti nkembo ntang otuba emog eyipwi yim etay nkembo e nde emilag onen:''Ene ali mon me e nsia emitshug me ngagn e enkum''. ¹⁸ Ayug su otuba onagn eyiyim dzug ntang eyii su ti nde ne dzug i nguma e santu. ¹⁹ Simivea otuba e mbikudi elegne na via vi ye mpi okiegnu wuo na nkagnama na wo.Eli kamsi mwinda epieyi n'ondi o mpib tii ntangu esi pwe vum ye mpi vwer enkanteang eyimi n'itura ignu. ²⁰ Jiagni nteang-nteang ngean, profesi i nkum e masonika ma santu epitsingim ne nginu e wagn e wur. ²¹ Ognagn kaku profesi emog etsangim etay e luzolo e wur. O contrer avear na biu e mpeve santu atubiki wo via ayim etay Nziam.