¹ Intshuru dibundu, afugn na Kiria emiponawo ndia aman ande, eliang me ne mbug e Nziam, epa memie wur aliang, kansi aviar ankum ajia Nziam. ² Djuna along a Nziam eli na sug, eyayia mpi na sug tii otshok: ³ Ngrasia, ndolula na etura mpio eyum na Tea Nziam, na Yezu Kristo, mon'e Tea, eyi na gnug djui djui ti ne ngagn. ⁴ Nti yuo too n'oseang e ngien aman ayie walekien na viavi otin elomo onkwon Nziam . ⁵ Kiria ndiong na yie ntangu ofuni me ene, epe eli onkwon ompa kansi eli onkwon emivea su kandiye yim kaka n'itsin. Onkwon owo eli ngeam:si yie agni na ngagn sug na sug . ⁶ Ngagni ewo eli nkab nge:kien'agnie n'onkwon o Nziam.Egnignagni eli onkwon o Nziam efwete gnu nkien la wo oshin eyi zig gnu nteang nteang. ⁷ Dzwa aviar apwo mingi wamiswele buu; wapi ndimi Yezu ayindi la djung isug; wur eli kamisi nde ngea oyang, mbeni nde. ⁸ Yia la wang okavilisa ifuti iyie otshia kansi ovi ikabi'iyie inene. ⁹ Wur enkum emipwe ne along a Yezu mpi emi tsa etei, kakunde na Nziam; wur emisatsiga ne along anai, ali na Nziam e Tea ti Nziam e Mon . ¹⁰ Yug wur amiyia etay egnu mpi apijia along anai, oyoyamani l'evur egnu mpi oyopiyagni mbea. ¹¹ Djwi na wure etubi na nde mbote! aswe na vianda pwo. ¹² Atako ndi na vii mingi e nfugn, nka leang na nkie n'ekayi ti vayi e nkian;kansi ndi na nfunu e ngia etayi egnu, mpi si suli djwi kiese esu eyi eninen. ¹³ Amana nkigniam ye onkiar emipona libundu wo pea mbote.