¹ Andjwignu n'onkean oyimfugnignu djwi na ndjia oshin nge efwete nzinga wakristu amibalana. Mvutu ime ili ngean. Eli na ntangu emu, eli wuo nde ompeam akwon mvur ondii omog n'onkear ne kati e libala. ² Kansi mbala ensign, mpukumuna i bizumba atsawo mbiin vear. Yo yina elomo ompeam onkum ayi na wearnde ndemie, ye onkear onkum ayi na wumnde ndemie. ³ Okristu onkum omitsug wear to wum ali na nswa e mvur nda wearnde to nda wumnde. ⁴ Djwi wum apii djung inde na wearnde. Ye wear apii djung inde na wumnde. ⁵ Wum apii djung inde na wear ye wear apii djung inde na wum, kaku wur esiseanga mpea djung n'otwung ve, lima ko ntangu esikug wo ngyokana djwi wakabwani ntangu emog djwi na bisamu. Ne mbiy e bisamu, wafwete nkea ngya ondii omog. Oyapeagni Satana mbug ompeagni mpukumuna ve, djwi opakugagni mveara djung ignu gnu gnemie ve. ⁶ Epa ndatsug onkwon memen wur enkum afwete nkie ivea ve, kansi nding siyokani djwi ndjia memen mingi kati egnu wamikie dibala to waling nkie dibala. ⁷ Ndeang ampeam ankum wayi kesi me : kansi wur na wur ali na dikabu eyopii Nzeam djwi n'onsadila, ene n'oshin onde, ogni ko n'oshin onde. Kansi Nzeam apiinde aman ande makabu eshin n'eshin; akii nde amuu wakii avea, amuu wasatsiga wemie. ⁸ Djwi na vear atokii avea ti djwi na wansakwi, ngyokabagni memen wuo osatsigagni gnemie, kesi me. ⁹ Kansi djwi eli mpay djwa na gnu na ntshung etura, eloma ikiagni avea. Eli wuo okiagni avea n'ondii o ngya na mfunu ensign e bizumba. ¹⁰ Na gnu vear amike ivea, Nkum amopeagni onkwon onde : " Wear apikug nam nda wumnde ve." ¹¹ (Kansi yug aminam nda wumnde, apikug nsug wum diaka ve, to mpi asikugnde nkea ngyokana nda wumnde). Ye ompeam apikug nam nda wearnde ve." ¹² Ye mpi, ntuba ngean - epa eli onkwon o Nzeam ve, kansi eli ngindu ime memie - : yug oli na wear eyi ompakana mpe eleang mpier nda yie, oyanam ivea ya nde ve. ¹³ Ye mpi yug yie onkear oli na wum etodjir Nzeam ve mpe yug ali ne kiese enzinga nda yie, oyanam ivea ya nde ve. ¹⁴ Djwi wum eli ompagn asikumnde osantu djwi wearnde atsande nkwikila na Nzeam. Eli oshin omog ku djwi n'onkear ompagn opier nd'ompeam okwikila na Nzeam. Eli mpi oshin omog djwi n'aman agnu : asikum wo asantu djwi kati e bibuti emog akwikila na Kristu. ¹⁵ Kansi yug wear to wum yie eli ompagn aling nam nda yie, seangande akyen. Ne djwi inagn, lusilu eyikignu ntangu ekwelignu eposangisagni ondii omog mvwe na mvwe ve. Nzeam asevye na nzinga na ngemba. ¹⁶ Opijia ve vim nge Nzeam esikugnde nkye ne mbug e luzingu ezingi yie ne nteang e wum to wear yie ompagn. Opijia ve, yie onkear, yug Nzeam asivugnde wum yie djwi na yie mpe yie wum, yug Nzeam asivugnde wearyie djwi na yie. ¹⁷ Sifwete nzinga luzingu eyisetum Nkum na nzinga, mpe sifwete ndemfuka n'evye eyisevii Neam. One oli onkwon ofwete ndjie mvur i Nzeam inkum. ¹⁸ Yug, nteang na nkum okristu, obag wo djung, sayia ko ngibag djung. Yug ntangu eyobikisi Nzeam, ayiwo watobag djung ve, oyaleang ve wur obag djung. ¹⁹ Mbag djung to nkwon mbag djung, kaku vim e mfunu ne tii djwi na su ve. Kansi djwi ili mfunu eli su silemfuki ne vii ankum asetum Nzeam na nkye. ²⁰ Yo yina, zinga ye kye oshin oyizingiki mpe oyikikiyie ntangu eyovi Nzeam. ²¹ Yug ayikiyie mpfum ntangu eyogulusi Nzeam, oyayen ve mpay n'etura djwi na wo. Kansi yug mpila e mpwe ne bowumbu enagn emimonika, kye eveang djwi na mpwe ne luzingu enagn. ²² Djwi mpfum enkum emivye Nzeam atilim ne bumpika djwi na Nzeam. Oshin omog ko, wur ekayiaka mpfum mpe emivye Nzeam atsande nkum mpika e Nzeam. ²³ Gnu, Nzeam oshumagninde n'isu ininen, isu i Mon nde, bonsomi egnu eli mfunu. Yo yina, oyafiyiagni ampfum a vear a buu ve. ²⁴ Atwung ampeam n'ankear ne Kristu, yiagni nteang e Nzeam k'oshin oyikignu ntangu eyoviagninde, yug ayiyie mpfum to wur e bonsomi, satsegagni oshin onagn. ²⁵ Djwi na vear atokii ivea ve, kaku me n'onkwon oyum na Nkum djwi na wo ve, kansi ndopeagni ngindu ime. Kansi osikug ndjiragni ngindu ime djwi Nzeam ankinde wuo mpi apinde mbug nde ngii wur esikug nkwikila vear wande. ²⁶ Yo yina, djwi na ntshuu impay ilevangi ine, mbansa eli wuo djwi na gnu na nsatsiga k'oshin oyikignu ntangu eyoviagni Nzeam. ²⁷ Djwi na gnu vear amikye avea, ntuba ngean : oyaling mbag lusilu eyie ve. Yug otokii ivea ve, oyaling onkear onsug ve. ²⁸ Kansi djwi na vear ali wog wemie, Me ntuba ngean : yug omikye ivea, otokii disumu ve. Mpea ndongisila enagn ko n'ankear ali ampubur : yug omitsug wum, otokii disumu ve. Kansi yug omikye ivea, ayayen yie mitungisi eshin n'eshin. Yo yina s'opeame ndongisila e ntsatsiga yie yemie. ²⁹ Yenagni, atwung ampeam n'ankear, vii ayime na mfunu e ntuba djwi na ntangu ezingasu ene : sili na ntangu fyoti emisatsiga. Banda luo, vear amikye ivea wazingi kesi vear atokii ivea, djwi na mitungisi ileye. ³⁰ Vear aleyen mpay wakwon ndiye. Vear aleyen kyese djwi na vii a kitoko wakwon ngyegne osiang n'ilung iwo. Vear alesadili ekr djwi na ntshum vim eshin n'eshin wakwon ngya n'osiang djwi na wo ; wazingi kesi wapitsumvea ata vim emog ve. ³¹ Ye vear alesadili vim okiri wayi kesi wapisadili vim awo ve. Djwi vii okiri one ayawawo (ayashirwo). ³² Ndaleang okwon ngiagni na ngiy n'itura ignu. Ompeam etokii ivea ve ayi na mabanza mingi e vii alir Nkum. Asiling nde nsadila Nkum ye asiling nde nkye vii aleang Nkum. ³³ Kansi ompeam omikye ivea, asitsug nde mabanza inde ne vii a buu ene, mpe asling de nsadila wear nde mpe asiling nde onsepelisa. ³⁴ Yo yina, ampeam amikye avea asikug wo nkye ko ndambu e vii eliwo na mfunu e nkye. Eli oshin omog n'ankear ali ansakwi ti ankear asig atokii ntete ivea ve : ankear ali akristu, ngindu iwo ili k'oshin ondekisa ntangu ewo djwi nsadila Nkum ne djung iwo ti n'epier ewo. Kansi ankear amikye avea, ngindu iwo ili ko ne vii a buu ene ti na nding oshin nge onsepelisa awum awo. ³⁵ Vii amokabagnime ane, eli djwi n'onsadisagni. Epa eli djwi mopigagni ilung to djwi na ndjie luzingu egnu ve. Yug omidjiagni ndongisila eme, opayiagni na mpay ve na nsadila Nkum mpe opayiagni na mabanza i vii a buu atsantungisa vear amikye avea. ³⁶ Yug ompeam aling nkie ivea nd'onkear, kansi yug ayen ndenden apovey na luzitu penza ve djwi onkear owo atikum insur mingi, asikugnde onsug yug aleang. Epa eli disumu ve. ³⁷ Kansi yug, amikana ndenden ne ntangu enagn apatsug onkear owo ve, mpe yug amilir vii ankum oshin oliwo, mokano emiveynde enkwon ntsug onkear owo eli mokano ewuo. ³⁸ Yo yina, ompeam omitsug onkear oyilakinde ivea (fianse) atikie djwi iwuo ye atokii disumu ve; ye ompeam omikana ndenden apafitsug diaka onkear omuu ve atikie djwi ilenga wuo kuluta. ³⁹ Onkear asikangamande nda wumnde ntangu enkum eli wumnde ne luzingu; yug wum amiwa, ali na nswa e nkie ivea nda ompeam onkum oleangnde, kansi afwete nkwela ku nda wur ekwikila na Nzeam. ⁴⁰ Kansi ngindu ime eli nde onkear oli nsakwi asiyiande na kiese kuluta yug akatsug wum ekiy. Ye mbanza memen me, ko, ndi na Mpeve e Nzeam.