¹ Zao ro safan'i Yaveh zay avy tamin'i Zefania anaky lahin'i Kosy anaky lahin'i Gedalia anaky lahin'i Amaria anaky lahin'i Hezekia, tamin'ny andron'i Josia anaky lahin'i Amona, mpanjakan'ny Joda. ² Hamotiky gny raha iaby tsy ho eo ambanin'ny velaran-tany tokoa Aho_io ro fagnambaran'i Yaveh. ³ Handringa gny olo voho gny biby Aho;handringa gny voron'ny lagnitsy voho gny fian-driaky Aho, ho eo amin'ireo raty fagnahy gny faharava. Fa haringako tsy ho eo agnabon,ny tany gny olo_io ro fagnambaran'i Yaveh. ⁴ Haninjitsy gny tagnako eo amin'i Joda voho amin'ireo olon'ny Jerosalema manontolo Aho. Haringako tsy ho amy toy tany toy reo sisan'i Bala voho reo agnaran'olo mpanompo sampy eo amin'ireo mpisoro, ⁵ reo olo zay manompo reo tena egny amin'ny lagnitsy eo an-tampon-tragno, sady reo olo manompo voho miay amin'i Yaveh kanefa sady miay amin'ny mpanjakan-drozy. ⁶ Handringa reo zay fa niodaky tamin'ny fagnaraha gnan'i Yaveh avao koa Aho, reo zay tsy nikatsaky gnan'i Yaveh na tsy nagnontany gny tari-dalany." ⁷ Ka misafa eo agnatrehan'i Yaveh Tompo! Fa fa marikitsy gny andron'i Yaveh, fa nagnoma fagnatitsy voho fa nanoka reo vahiny Ie. ⁸ " Io la hitranga amin'ny andron'ny soron'i Yaveh, hagnasazy reo andrian-dahy voho reo anaky mpanjaka, sady reo iaby manao fisikina vahiny Aho. ⁹ Amin'io andro io la hagnasazy reo zay mandinga gny tokona Aho, la reo zay mameno gny tragnon'ny tompony amin'ny heriloha voho fitaky. ¹⁰ Ka amin'io andro io__ zao ro fagnambaran'i Yaveh__ fa hisy feo mitaray bakeo am-Bavahadin-kazandrano, fidradradradra bakeo amin'ny tana Ambany, sady fidaboha bevata bakamin'ireo havoa. ¹¹ Midradradradra, ry olon'ny Maktesy, fa ho ringa reo mpandrato manontolo, ho lany ringa reo zay nivesatsy volafoty. ¹² Sady amin'io andro io la hila gan'i Jerosalema amin'ny fanilo Aho sady hagnasazy reo olo babon'ny divainy voho manao ankam-po hoe:" Tsy hanao na ino ino i Yaveh, ndra soa ndra raty." ¹³ Ho lasa babo gny fanagnan-drozy, sady ho lao gny tragnon-drozy! Hagnory tragno rozy kanefa tsy hipetraky amin'io , sady hamboly voaloboky kanefa tsy hino gny divan'io. ¹⁴ Fa marikitsy gny andro bevatan'i Yaveh, marikitsy sady mihamalaky tokoa! Gny feon'ny andron'i Yaveh la hanahaky gny mpialy mitaray mare! ¹⁵ Io andro iola ho andron'ny fahatezera, andron,ny fijalia voho faharava, andron,ny tafio-driovotsy voho fahafoagna, andron'ny fahamaiza voho fanjombonana, andron'ny rahona voho haizim-pito. ¹⁶ Io la ho andron'ny trompetra voho fanaira hanohitsy reo tana mimanda voho reo tilikambo abo. ¹⁷ Fa handay fahoria eo amin'ny olombelo Aho, ka hirenireny manahaky olo jiky rozy fotony fa nanota tamin'i Yaveh, hararaky manahaky gny vovoky gny ran-drozy, sady gny ao agnatin-drozy la hanahaky gny zeziky. ¹⁸ Ndra gny volafotin-drozy na volamenan-drozy la tsy afaky hamonjy an-drozy amin'ny androm-pahatezeran'i Yaveh. Ho ravan'ny bolon'ny fahasarotam-piaro gny tany manontolo, fa handay fahafongana feno, mampangaroharo amin'ny olon'ny tany manontolo Ie