¹ Dia landa, mbosi ya nsengu nzadi ya nlangu wa moyo na wezi wezi wonso tadi dia ntalu. Ya kukula tuka muna kiandu kia kintinu kia Nzambi ye kia muana meme. ² Ya vioka va kati kua nzila za mbanza. Mu konso kia ndambu ya nzadi mua kala nti wa moyo, wa kala wutanga mpila kumi ye zole za mimbutu ye wakla vanga mbutu miandi ma konso ka ngonda. Ma kaya mani makala saduluanga mu niakisina makanda. ³ Ka una kala diaka widi nzingulu ko. Kiandu kia kintinu kia Nzambi ye kia muan meme kina kala mu manza ye sadi biandi ena ku nsadila. ⁴ Yawu ena koma zizi kiandi ye nkumbu andi yina kala ye sinama va mbulu zawu. ⁵ Ka kuna kala diaka mpimpa ko. Yawu ka ena kala diaka nsatu ya dia kua muinda ye vo kua ntangu ko, kadi mfumu Nzambi yani wuna kala kia kuawu yawu ena yala mu ya mvu. ⁶ Mbasi ya nkamba: "Mambu mama mena ma sekila ye mavedila. Mfumu Nzambi ya zi mpeve za mi mbikudi, wa fila mbasi andi mu songa kua sadi yani momo mafiti kuiza ku ntuala." ⁷ "Tala, mono ndueki kanatama beni ko! Bika kasakumunua endu tumamane mu mpova za mbikudulu za nkanda wawu." ⁸ MOno Yowani, yi mono ndioyo wawa ye mona momo ma monsono. Vo ngia wa ye mona mo, mono ngia fukama va ntuala malu ma mbasi mu ku asambila, mbasi yoyo ya nsonga momo ma monsono. ⁹ Yani wa nkamba: "Ku vangani dio o! Mono ngi wumosi mi kintuadi kia yisadi mungeye, mu zimpangi zaku mmbikudi ye kua wowo a wonsono a tumamana mambu ma kanda wowo. Sambila Nzambi." ¹⁰ Wankamba: "Ku sueki mambu ma mbikudulu a nkanda wawu o; kadi ntangu yeka lukufi. ¹¹ Wonso wena wa mbote bika katatamana vanga ma mbote. Ndiowo wena wa sumuka, bika ka tatamana sumuka. Kua ndioyo wu sadilanga lunungu katatanama sadila lunungu. Kua ndioyo wena wanlongo, katatamana kala wa nlongo." ¹² "Tala, mono ndueki ka ntama beni ko! Nsendo ame wena yame mu senda kua muntu muntu wonso wena mavanga mandi. ¹³ Mono ngiena Alufa ye Omega, wa ntete ye wa nsuka, ntonono ye nsukulu. ¹⁴ A sakumunua wowo asuulanga yunga yawu mpasi a baka luve lua dia mbutu mia nti wa moyo ye kota ku mbanza mu mielo iandi. ¹⁵ Ku mbazi kuena zi mbu, ba nkua kindoki, mimvondi, nsambidi mia yiteki ye a wonsono a zolanga ye sadila luvunu. ¹⁶ Momo Yisu, ngia fila mbasi ame kua yeno mu ta kimbangi mu momo mu matedi malumbu. Momo ngiena ntekolo ye nkuna wantete mu Davidi, lubetete lu lezimanga mu nsuka." ¹⁷ Mpeve ye ndumba ya makuela a kembi: "Wiza!" Wonso wilu ka kamba: "Wiza!" Wonso wonso wena mpuila, kiza, ye konso konso zolelel kakala nlangu wa oka lekua wa moyo. ¹⁸ Mono ngieti ta kimbangi kua wonso muntu wilu mambu ma mbikudulu a nkanda wawu: Vo muntu kudikidi lekua mu wawu, Nzambi sika kunkudikila vonga ya somuna mu nkanda wawu. ¹⁹ Vo muntu katudi mo diaka mu mpova za sonama za mbikudulu a nkanda wawu Nzambi sika ku nkatula mu kunku kiandi munte wa moyo ye mu mbanza ya nlongo, mu momo ma songua mu nkanda wawu. ²⁰ Ndiena wutanga kimbangi mu mambu momo, kembi: "Tala, mono ndueki nsualu." Ameni! Wiza Mfumu Yisu! ²¹ Bika nlemvo wa Mfumu eto Yisu wakala kua beno babo! Ameni.