¹ Mboki ngia mona mbasi ya ngolo ya kasumuka tuka mu zulu wa fukua kua tuti, ye kua kala ntima ku zulu a ntu andi. Zizi kiandi kiakala wonso ntangu ye malu mandi makala wonso mbangu wa tiya. ² Yani wasimba mu koko kuandi finkanda nkanda fimosi fia zingua, ye wa tentika kulu kuandi kua lubakala va zulua mbu ye kulu kuandi kua lu monso va ntoto. ³ Mboki wa boka mundinga ya ngolo wonso ya nkosi yeti samba ye voya boka, mbandanu nsambodia za tentama mu ningu awu. ⁴ Ntangu mbandanu nsambodia zozo ki za mana tentama mu ningu awu, ngia kala sonikanga kansi ngia wa ndinga ya tuka mu zulu ya vova: "Lunda mansueki ma vovele mbandanu nsambodia. Ku sonika moko." ⁵ I mbosi, mbasi yoyo yi ngia mona yatula malu mandi kumosi mu mbu ye ku mosi va ntoto, wa tombula koko kuandi kua lubakala mu zulu. ⁶ Yani wa dia ndefi kua endu wu zinganga ntangu yi ka yimani, wa vanga zulu ye biabio bi kunda mu diau, ntoto ye bia bio bi kundanga mo ye mbasi ya vova: "Ka kuna kala diaka ntangu ko. ⁷ Kansi lumbu kina bika mbasi ya nsambodia mpangi andi ma nsueki ma Nzambi mena lungana wonso uka zayisila dio kua sielo biandi mi mbikudi." ⁸ Ndinga yoyo ngia wanga mu mazulu ya vova kua mono diaka: "Wenda wa baka nkanda wowo wa zingua wena mu koko kua ndioyo yelamene kulu ku mosi mu mbu ye ku mosi va ntoto.'' ⁹ Mboki, ngia yenda lu kufi ye mbasi ye ngia kamba ka mpana finkanda nkanda fiofio fia zingua. Wa nkamba: "Baka kanda wawu wa zingua ye dia wo. Si wakala ndudi mu vumu kiaku kansi mu nua aku, si wakala wa lembana wonso niosi.: ¹⁰ Ngia baka finkanda nkanda fiofio fia zingua mu koko kua mbasi ye ya dia fio, Fia kala mpe fia lembama wonso niosi mu nua me kansi vo ngia mana mu dia fio vumu kiame kia kituka ndudi. ¹¹ Ambasi wumosi wa nkamba: "Fiti kuenda bikula diaka mu makanda ma mingi, nsi, zindinga ye mi ntima."