¹ Zazi yi nsengomono za Yisu Klisto zika vewa kua Nzambi mpasi ka songa zo kua yisadi yani mu momo mena kuiza ye monika mu ntangu yi lueki ye ma fiti lungana. Wa ² zayikisa mo vaka fila mbasi andi kua Yoani. Yoani wata kimbangi mu nsamu wa Nzambi ye kimbangi kia vewa mu diambudia Yisu Klisto, ye ta kimbangi mpe mu momo malanama. ³ Mayangi ye kusakumunua konso endu wuna tanga nkanda wawu mu ndinga ya zanguka, ye wowo a wanga mambu ma mbikudulu zandi, ye a tuma mananga momo ma sonukua kadi ntangu yeka lukufi. ⁴ Yoani, kua ma bundu nsambanu mena mu Asiya: Bika nua vewa matondo ye luvuvamu kua ndioyo wena, wa kala, ye dnioyo wizidi ye kua mpeve nsambodiazozo zena va ntadisi a kiandu kia kitinu, ⁵ Ye kua Yisu Klisto endu wena mbangi ya kuikama wa ntete mia ntoto. Kua ndioyo wu kutu zolanga ye watukula mu ma zumu meto mu menga mandi. ⁶ watu kitula kitinu, ye zinganga za Nzambi mu Nzambi andi ye se diandi kua yani kuena nzitusu ye nzola mu luyalunganu lua lo! Yi wonso wowo! ⁷ Tala, weti kuiza mu matuti; meso mamo si ma mona; ye wowo mpe a mvonda ye makanda mamo va ntoto mena yaula mu diambu diandi. Inga! Yi wonso wowo! ⁸ "Mono ngiena ntonono ye nsukulu," Wu vovele Mfumu Nzambi, "Ndioyo wena, wakola ye wena kuiza, i nkua tulendo tua tonsono." ⁹ Mono, Yoani mpangi, eno ye ndioyo wunu lunguluanga kuama va kimosi, kimfumu ye ntatumuna biena mu Yisu, Asia kala vana sanga ki yikuanga vo Patamosi mu diambu dia mambu ma Nzambi ye kimbangi kia Yisu. ¹⁰ Mono yakala mu mpeve mu lumbu kia Mfumu, ngia wa ndinga ya yinene ku ¹¹ nim'ame wonso ndinga ya mpungi, Yau yavova: "Sonika mu nkanda ma weti mona ye fila mo mabundu nsambodia: Ku Efeso, ku Simili, ku Pelegani, ku Tilatile, ku Salede, ku Filadelefia, ye ku Loadika." ¹² Ngia banguka mu zola zaya nkia ndinga yoyo ye ya nanu yoyo yeti vova kua mono, ye vo ngia bangumuka, ngia mona kelelo nsambodia bia vola bia minda. Va kati kua kelelo, ¹³ va kala muntu mosi wa fuanana ye muana muntu wa vuata mvuela ya yila na te ye mumalu ye nsinga mvuatila wa wola wazingua muntulu andi. ¹⁴ Ntu andi ye nsuki zandi bia kala bia mpembe wonso mika mua mameme mia mpembe, mia ma vele vele ye lutila mpembe wonso mfukumuna yi nokanga mu nsiuka nsiuka ye meso mandi wonso nlemo wa tiya. ¹⁵ Malu mandi makala wonso nsongo ya kitulua ya mbuaki, songo yoyo ya kua ku tia ye nding'andi wonso mazu ma ngolo ma nkuka nlangu. ¹⁶ Wa simba mbuetete nsambodia mu koko kuandi kua lubakala ye mu nuandi mua vayika mbele ya lulendo ya mena yeku yekuma toma sekusua. Zizi kiandi kia sema wo wu leziminanga ntangu ye na va mbata. ¹⁷ Vo ngia mona, ngia bua va malu mandi wonso muntu wa fua. Wa ntetika koko kuandi kua lu bakala ye wa vova: "Ku moni wonga wa widilekua ko. Mono ngiena wa ntete ye wa nsuka, ¹⁸ Ye ngiena wa mosi wena moyo. Nhiateka fua ye endu ngiena moyo mvu ya mvu! Ye nsabi za lufua ye nsi ya bafua, zena mu moko mame mono nsimbidi zo. ¹⁹ Sonika momo mana ma mueni, momo mena ye mena kuiza. ²⁰ Nga mu masivi ma mbuetete nsambodia ma mueni mu koko kuame kua lubakala ye kebelo ya minda nsambodia ya mabundu yeti songa mbazi nsambodia ya minda yeti songa mabundu nsambodia."