¹ I diawu, zimpangi zame ziyitoma zolanga, mu yeno ngienina kiese kiame, ye koloa kiame, nu kala nuasikalala mu mfumu, a nkundi ame. ² Ngieti bombidila Evodia ye ngieti bombidila Sintika akala moyindu ma mosi mu mfumu. ³ Mu diodio, ngieti kubambudila diaka moyo, nkundi ame wambote mu kisola: Sadisa akazi wowo kadi, asala yame mu mbuangusunu a nsamu a mbote, ye kelema ye akundi ankaka asalu wowo nkumbu zau zena mu nkanda wamoyo. ⁴ Nuyangalal ntangu zazo mu mfumu. Ngieti diovutukila, nuyangalala. ⁵ Bika kimpombo kieno kiazayakana kua antu awonsono. Mfimu weka lukufi. ⁶ Kanu kadi mayindu mu diambu ko. kansi mu mamonsono, mu lusambulu ye ndombolo zeno, ye mvutudulu a matondo, nuzayikisa nsatu zeno kua Nzambi. ⁷ Ye luvuvamu lua Nzambi, luviokele zayu kiakionsono, si kia keba ntima mieno ye mabanza meno mu Klisto Yisu. ⁸ Kua yeno, nusidi, zi mpangi, momo mena makedika monso mena luzitu, monso mena lunungu, monso mena vedila monso mena mazolakana, monso mena mavumi, monso ye diambu difueni mu zitusua nuyindula mambu ma mpila yoyo. ⁹ Mambu ma nua longuka, ma nua tambula, ma nua wa ye mo nua mona mu mono, nu sadila mo. Ye Nzambi ya luvuvamu si ka kala yeno. ¹⁰ Ngiena wayangalala beni mu mfumu wakinavo wau nuavutukila diaka nukumbanzila. Va ntete nuakezi kumbanzilanga kuame, kansi ka nuakala ye mpuasika mu kunsadisa ko. ¹¹ Ka munsatu zamu ko ngieti dio vovila. Kansi yamana longuka mu yukua mu konso ka diambu. ¹² Nzeyi wonso wumfuiti kadila mu nsatu, ye nzayi diaka wonso mfuiti kadila mu yayingi. Mu mpila zazo ye mu mamonsono, ngia lonokele mansueki: Bueyi vana fulu ndenda kadila wayukuta ye mu nsatu, mu kala mu mvuila ye mu nsatu. ¹³ Ndenda vanga ma monsono mu yani ukunkindisanga. ¹⁷ Mu diawu, nua toma dio yindula mu kumbanzila mu mpasi zame. ¹⁵ Ye nu zeyi, yemo isi Filipi, vo kumbadukulu a mbuangusunu a nsamu a mbote, va yakatuka ku Makedonia, ka dibundu dimosi ko diansadisa mu matadidi mpanunu ye ntambudulu, vo ka yiyeno ko. ¹⁶ Kama nkutu vayakala ku Tesalinika, nua mfidisa nkumbu zayingi lusadusu mu nsatu zame. ¹⁴ Ka diambu ko vongieti sosa nkayilu, kansi ngieti tomba mbutu mieti kudikila ndandu ye nufueti baka. ¹⁸ Ya baka momo, ye ngiena mu mowila. Yafuluzua. Yatambula kua Epafolodito lekua yayo yi nua mfidisa. Biawu biena mazi ma nsunga yambote, ye nkayilu wa tondakana wu yangidikanga Nzambi. ¹⁹ Diaka Nzambi ame si kakudikila wonso wena yimvuama yami mu nsatu zeno zazonsono, mu nkembo a Klisto Yisu. ²⁰ Mu wau, kua Nzambi ye se dieto, kua vewa nkembo mu ntangu yi kayimani Ameni. ²¹ Vameno mbote kua a nlongo awo mu Yisu Klisto. Zimpengi zena yame zikunu veni mbote. ²² Anlongo awonsono akulu veni mbote, ye sungulako wowo ena mu nzo a kayisala. ²³ Nlemvo a mfumu eto Yisu Klisto Wakala ye yeno awonsono. Ameni.