¹ Paulu ye Timoteo, yisadi ye Yisu Klisto, kua awonso atukanga va lueka kua Yisu Klisto ena ku Filipi, kua mi ntuadisi mia dibundu ye kua asielo; ² Bika nlemvo ye luvuvamu yakala mu yeno, tuka kua Nzambi dieto se ye kua mfumu Yisu Klisto. ³ Ngieti vutula matondo kua Nzambi ami, mu konso kua mbambukulu a moyo mu yeno. ⁴ Mu konso k nsambudulu zame mu yeno, ngi sadilanga kaka mu kiese. ⁵ Ngieti vutula matondo mu kintuadi kia nsamu wa mbote tuka muna lumbu kiantete nate ye wawu. ⁶ Ngiena ye vuvu mu diadi vo ndiona wayantika salu kiambote mu yeno sika tatamana mu kuizi kio manisa nate ye mu lumbu kia Yisu Klisto. ⁷ Diena dia mbote vo mono yamona dio va ntadisi a yeno awonsono, kadi ngi kulunatanga mu ntima ami. Nukalanga yeno awonsono zimpangi mu kisalu mu nlemvo kani vo muna nkangamanu evo mu nuanina ye mu nsiamusu a nsamu wambote. ⁸ Kadi Nzambi i mbangi ami vo ikunu zolanga yeno owo mu mpinda mu Klisto Yisu. ⁹ Ye vo ngieti lomba ema: Bika zola kueno kualuta ye lutila diaka mu nzayilu ye mu mbakisilu yr fuana. ¹⁰ Ngieti lomba vo nua zaya nu suasikisa ye sola monso mena mambote beni. Ngieti dio lombila wonso mpasi vo nuakala avedila ye akondua nsembolo mu lumbu kia Klisto Yisu. ¹¹ Mbosi mpe mpasi vo makala nuazala ye mbutu a lunundu utukidi mu Yisu Klisto, muna nkembo ye muna nzitusu a Nzambi. ¹² Wawu nzolele muazaya, zimpangi, vo mambu makunduakila matoma luta diatisa mbuangusunu a nsamu wambote. ¹³ Bonso nsukulu, yimbienga yame mu Klisto yeka ya zayakana va ntadisi ya awonsono akenganga nzo a mfumu ye kua konso konso muntu. ¹⁴ Ye fisidi zimpangi zazo mu mfumu atoma dio zaya mu diambu dia yimbienga yame mu tabtu mu kuyivana mu muangisa nsamu wambote mu kondua kua wonga. ¹⁵ Ankanka, mu kedika eti dio vangola mu nsatu ye mu maketo kansi ankaka eti samuna nsamu a Klisto mu zola. ¹⁶ Wonso eti vovila Klisto mu zola azeyi vo mu ngia tuluavava mu nuanina nsamu wambote. ¹⁷ Kansi ankaka eti samunanga Klisto mu makani ma wimi ye kukivana kua luvunu. Eti banga vo eti ku nkudikila mambu mu yimuenga yame. ¹⁸ Kansi diodio ka diambu ko, kani vo i wuna, diakadila vo mu nakani evo mu kedika Klisto weti samunua ye, mu dina, ngieti yangalala. Inga, ngina toma yangalala. ¹⁹ Kadi nzeyi vo nueti ku nduakisa mu ntudulu ame. Diena luaka mu diambu dia tusambulu tuena ye mu lusadusu lua mpeve ya Yisu Klisto. ²⁰ Wonso wena vuvu kiani ye lukuikulu luame vo kina sala mona nsoni ko, kansi tu, mu kibakala, wonso ntama ye wau, isanga vuvu vo Klisto seka yangalala mu nitu ame, mu moyo evo mu lufua. ²¹ Kadi mu mono, moyo i Yisu, ye lufua i ndandu. ²² Kansi vo zinga mu nkisuni dieti wuta mimbutu mia salu kiame, wana kizeyi ko nki mfueti sola. ²³ Kadi ngiena wavambana mu nsodolo zazi zizole. Ngina ye nsatu a sisa nsi yayi ye kala ye Klisto, diodio diena nseke dia mbote! ²⁴ Kansi tu sikila mu kinsuni dilutidi beni mbote mu beno. ²⁵ Wu kina vo ngienina dio beni vvuv ye nzeyi vo ngiena tatamana mu sikalala ye yeno, mu ntombokolo ena ye kiese kieno muna minu. ²⁶ Mu diodio, kiese kiena mu kiyana mu Klisto mu diambu diame kina lutila beni mu mbonokono ame diaka va ntadisi eno. ²⁷ Nateno zingu kimfuanane mu nsamu wambote wa Klisto. Nuwanga wo mpasi vo kani vo niena kuizi kunu tala evo ya lembua kala yeno, ngiena wa avovila wonso wunueti kadila kimfuzi mu mpeve imisi. Ngiena ye vuvu mu wa vo nusalanga va kimosi mu mpeve imosi mu minu kia nsamu wambote. ²⁸ Kanukadi wonga ko kua konso konso diambu, dieti vanga mbeni zeno. Diadi diena mu yau sinsu kia mbungulu. Kansi mu yeno i sinsu kia mpulusu eno yatuka kua Nzambi. ²⁹ Kadi diavewa kua yeno, mu bila kia Klisto, ka i mu kuikila kaka mu yani ko, kansi diaka i mu kuamusua mu yani. ³⁰ Kadi nuena ye minzonza mimisi konso wu nuamuenini dio ye mono, ye wu nueti dio wila mu kala ye mono wau.